ភ្នំពេញ៖ បណ្ឌិត សួន សេរីរដ្ឋា អ្នកតាមដានព្រឹត្តិការណ៍​នយោបាយ និងជាប្រធានក្រុមប្រឹក្សាភិបាលវេទិកាសន្តិភាពកម្ពុជា បានមានប្រសាសន៍ថា របបផ្តាច់ការពិតប្រាកដនៅលើពិភពលោក គឺត្រូវតែដួលរំលំ ពីព្រោះរបបផ្តាច់ការមិនទទួលបានការពេញចិត្ត ការគាំទ្រការស្រឡាញ់ពីប្រជាពលរដ្ឋនោះទេ។ ប៉ុន្តែកម្ពុជាមិនមែនជាប្រទេសដែលប្រកាន់របបផ្តាច់ការទេ គឺជាប្រទេសប្រកាន់នៅរបបលទ្ធិប្រជាធិបតេយ្យអាស្រ័យរដ្ឋធម្មនុញ្ញ ដែលមានសង្វៀនប្រកួតប្រជែងការបោះឆ្នោតតាមរយៈលទ្ធិប្រជាធិបតេយ្យ សេរី ពហុបក្សរៀងរាល់៥ឆ្នាំម្តងៗ ហើយរាជរដ្ឋាភិបាលកម្ពុជាប្រសូត្រចេញពីការបោះឆ្នោតតាមឆន្ទៈប្រជាពលរដ្ឋ ប្រជាពលរដ្ឋម្ចាស់ឆ្នោត គឺជាអ្នកបោះឆ្នោតគាំទ្រគណបក្សប្រជាជនកម្ពុជា គាំទ្រនិងផ្តល់ទំនុកចិត្តឱ្យមេដឹកនាំគណបក្សប្រជាជកម្ពុជា ដឹកនាំរាជរដ្ឋាភិបាលទទួលខុសត្រូវវាសនាប្រទេសជាតិ និងទទួលខុសត្រូវអាយុជីវិតរបស់ប្រជាពលរដ្ឋខ្មែរ។ លោកបណ្ឌិតបានបញ្ជាក់ថា រាជរដ្ឋាភិបាលដែលប្រសូត្រចេញពីការបោះឆ្នោត គឺទទួលបានការគាំទ្រការស្រឡាញ់ការពេញចិត្ត និងមានទំនុកចិត្តពីប្រជាពលរដ្ឋម្ចាស់ឆ្នោត ហើយអត់មានអ្វីដែលត្រូវព្រួយបារម្ភ និងអត់មានអ្វីដែលត្រូវយល់ច្រឡំដូចអ្វីដែលក្រុមជ្រុលនិយមនិយាយលើកឡើងអំពីរបបផ្តាច់ការនោះទេ ពីព្រោះកម្ពុជាអត់មានរបបផ្តាច់ការ មានតែរបបប្រជាធិបតេយ្យ សេរីពហុបក្ស ហើយដែលអនុវត្តរាជាធិបតេយ្យអាស្រ័យរដ្ឋធម្មនុញ្ញ ហើយគណបក្សណាដែលឈ្នះឆ្នោត គឺដឹកនាំរាជរដ្ឋាភិបាល ដឹកនាំវាសនាប្រទេសជាតិរបស់កម្ពុជា។ អ្នកតាមដានព្រឹត្តិការណ៍នយោបាយបានបន្តទៀតថា អ្វីដែលក្រុមជ្រុលនិយមចង្អុលបង្ហាញអំពីប្រទេសបង់ក្លាដេស និងប្រទេសស៊ីរី វាមិនខុសពីអ្វីដែលពួកគេបាននិយាយពីអតីតកាលចង្អុលបង្ហាញពីប្រទេសលីប៊ី ឬក៏ប្រទេសទុយនេស៊ីទេ វាគឺជាសុបិន្តរបស់ពួកគេ ដែលពួកគេគិតថាគេធ្វើនយោបាយ គឺគេចង់ឱ្យមានព្រឹត្តិការណ៍បែបនឹងណាស់ ព្រឹត្តិការណ៍បែបបង្ហូរឈាម ទំនាស់ស៊ីវិល ព្រឹត្តិការណ៍បែបសង្គ្រាមឡើងវិញ។ ប៉ុន្តែកម្ពុជាក្រោមការដឹកនាំរបស់គណបក្សប្រជាជនកម្ពុជា គឺយើងចង់ឱ្យស្ថេរភាព សន្តិភាព សុវត្ថិភាព និងការអភិវឌ្ឍ គឺមានជានិច្ចនិរន្តសម្រាប់ធានាដល់ការរស់រានរបស់ប្រជាពលរដ្ឋកម្ពុជា។ លោកបានអះអាងថា នៅកម្ពុជាវាមិនមានអ្វីកើតឡើងដូចជាបណ្តាប្រទេសដែលក្រុមជ្រុលនិយមបានគិតបានស្រម៉ៃចង់បាននោះទេ។ មែនទែន…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងទិវាជាតិប្រយុទ្ធប្រឆាំងអំពើជួញដូរមនុស្ស ១២ធ្នូ លើកទី១៨ ក្រោមប្រធានបទ៖ « កម្ពុជាប្រឆាំងដាច់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយក្នុងយុគសម័យឌីជីថល » នៅសាលសន្និបាតនិងពិពណ៌កោះពេជ្រ នាព្រឹកថ្ងៃទី១២ ខែធ្នូ ឆ្នាំ២០២៤។ សម្តេចធិបតី ហ៊ុន ម៉ាណែត បានមានប្រសាសន៍ថា ទិវាជាតិប្រឆាំងអំពើជួញដូរមនុស្ស ១២ធ្នូនេះ ប្រារព្ធឡើងមានគោលបំណងបង្ហាញពីឆន្ទៈមោះមុតរបស់រាជរដ្ឋាភិបាល នៃព្រះរាជាណាចក្រកម្ពុជា ដែលនៅតែបន្តឥតឈប់ឈរ ក្នុងការប្រយុទ្ធប្រឆាំងអំពើជួញដូរមនុស្សគ្រប់ទម្រង់ តាមគ្រប់មធ្យោបាយ និងផ្សព្វផ្សាយដល់សាធារណៈជន អង្គការមិនមែន រដ្ឋាភិបាលជាតិ អន្តរជាតិ វិស័យឯកជន មន្ត្រីរាជការគ្រប់ឋានានុក្រម នៅគ្រប់ក្រសួង-ស្ថាប័ន កងកម្លាំងប្រដាប់អាវុធគ្រប់ប្រភេទ ព្រមបុព្វជិតគ្រប់និកាយ សាសនា ប្រជាពលរដ្ឋទូទាំងប្រទេសឱ្យមានការយល់ដឹង ដើម្បីសហការចូលរួមបង្ការទប់ស្កាត់ និងបង្ក្រាបបទល្មើសថ្មីៗលើគ្រប់រូបភាពដែលពាក់ព័ន្ធ ទៅនឹងអំពើជួញដូរមនុស្សនៅកម្ពុជា។ សម្តេចធិបតីបានមានប្រសាសន៍បន្តថា ការដោះស្រាយការជួញដូរមនុស្ស គឺទាមទារឱ្យមានវិធានការទប់ស្កាត់ដែលមានប្រសិទ្ធភាពខ្ពស់ ដែលកន្លងមកយើងបានឃើញហើយថាមានជនល្មើសជាច្រើន ដែលភាគច្រើនដាច់ខាតជាជនអន្តោប្រវេសន៍បរទេសខុសច្បាប់បានបន្លំខ្លួនចូលមកកម្ពុជា ដើម្បីសម្ងំលាក់ខ្លួនបង្កើតបានជាបទលើ្មសយ៉ាងអាណាធិបតេយ្យនៅលើទឹកដី នៃព្រះរាជាណាចក្រកម្ពុជា ដោយបាននាំមកនូវបច្ចេកទេសនៃបទល្មើសប្លែកៗ និងទំនើបៗ ដែលកម្ពុជាមិនធ្លាប់មានមកសាបព្រោះនៅលើទឹកដីកម្ពុជា ដោយទាញយកឱកាសនៃការអនុវត្តសេដ្ឋកិច្ចក្នុងដំណាក់កាលនៃការស្តារឡើងវិញក្រោយវិបត្តិកូវីដ-១៩។ សម្តេចធិបតី…

ភ្នំពេញ៖ មេដឹកនាំគណបក្សខ្មែរអភិរក្ស បានចំអកឱ្យជនក្បត់ជាតិ៣ជំនាន់ ថា យុទ្ធសាស្ត្រផ្ការីករបស់សម រង្ស៊ី វាគ្រាន់តែជាផ្កាជ័រដែលមិនអាចរីកបានឡើយ គឺគ្រាន់តែទុកសម្រាប់លម្អរគេហដ្ឋានរបស់ខ្លួនតែប៉ុណ្ណោះ។ ការចំអកនេះ បន្ទាប់ពីជនក្បត់ជាតិ ៣ជំនាន់ បាននឹងកំពុងធ្វើយុទ្ធនាការផ្ការីកដើម្បីផ្តួលរំលំរាជរដ្ឋាភិបាលស្របច្បាប់ ដោយគំរូតាមប្រទេសបង់ក្លាសដេស ស៊ីរី …។ល។ ហើយវាគ្រាន់តែជាមធ្យោបាយទាល់ច្រកគ្មានការងារធ្វើចេះតែរករឿងអ្វីដែលប្លែកៗ មកញុះញង់ដើម្បីកុំអោយស្ងាត់ឆាកនយោបាយរបស់គាត់តែប៉ុណ្ណោះ។ ឯកឧត្តម រៀល ខេមរិន្ទ្រ ប្រធានគណបក្សខ្មែរអភិរក្ស បានមានប្រសាសន៍ថ្លែងប្រាប់ AMS ថា ចំពោះយុទ្ធសាស្រ្តនយោបាយដែលទណ្ឌិត សម រង្ស៊ី ដាក់ឈ្មោះហៅថាផ្ការីកតាមគេតាមឯងនោះមកអំពាវនាវឃោសនាអុជអាលញុះញុងប្រជាពលរដ្ឋខ្មែរឱ្យងើបឈរបះបោរប្រឆាំងផ្តួលរលំរដ្ឋាភិបាលស្របច្បាប់របស់កម្ពុជាដោយយកឧទាហរណ៍គំរូតាមប្រទេសបង់ក្លាសដេស ស៊ីរី …។ល។ វាគ្រាន់តែជាមធ្យោបាយទាល់ច្រកគ្មានការងារធ្វើចេះតែរករឿងអ្វីដែលប្លែកៗ មកញុះញង់ដើម្បីកុំឱ្យស្ងាត់ឆាកនយោបាយរបស់គាត់តែប៉ុណ្ណោះ។ ឯកឧត្តមបានបញ្ជាក់ថា ទណ្ឌិត សម រង្ស៊ី រួមទាំងបក្សពួកមួយក្តាប់តូចមិនអាចធ្វើអ្វីបានទាំងអស់ ព្រោះថាប្រជាពលរដ្ឋខ្មែរបច្ចុប្បន្នមានភាពឆ្លាតឈ្លាសវៃចេះពិចារណានូវហេតុផលច្បាស់លាស់ថា តើអ្វីដែលជាការរីកចម្រើន អ្វីដែលធ្វើអោយមានការបំផ្លាញជាតិរបស់ខ្លួនឯង។ ជាពិសេសគឺចលនាជាតិនិយមដ៏ត្រឹមត្រូវរបស់ប្រជាពលរដ្ឋខ្មែរបាននឹងកំពុងផុសផុលហើយជឿជាក់លើការដឹកនាំដ៏ត្រឹមត្រូវរបស់រាជរដ្ឋាភិបាលមានទាំងសន្តិភាពនិងការអភិវឌ្ឍដោយឈរនៅលើជំហរមហាគ្រួសារខ្មែរ ខ្មែរតែមួយ។ មេដឹកនាំគណបក្សខ្មែរអភិរក្ស បានចំអកឱ្យជនក្បត់ជាតិ ៣ជំនាន់ថា ទណ្ឌិត សម រង្ស៊ី មិនអាចយកប្រទេសខ្មែរទៅប្រៀបធៀបជាមួយនឹងប្រទេសផ្សេងដែលមានបរិបទនយោបាយ និងភូមិសាស្រ្តនយោបាយផ្សេងគ្នាដោយឡែកនោះទេ។ និយាយរួមទៅផ្ការបស់ទណ្ឌិត សមរង្ស៊ី វាគ្រាន់តែជាផ្កាជ័រដែលមិនអាចរីកបានឡើយ គឺគ្រាន់តែទុកសម្រាប់លម្អគេហដ្ឋានរបស់គាត់តែប៉ុណ្ណោះ។ សូមជម្រាបថា…

ភ្នំពេញ៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ បានណែនាំអង្គការ និងសមាគម ចៀសចេញពីក្រុមជ្រុលនិយមដែលប៉ុនប៉ងផ្តួលរំលំរាជរដ្ឋាភិបាលស្របច្បាប់ ប្រឆាំងរដ្ឋធម្មនុញ្ញ និងជាវិទ្ធង្សនាលើរបបប្រជាធិបតេយ្យ សេរីពហុបក្ស ដែលនាំគ្រោះថ្នាក់ធ្ងន់ធ្ងរដល់សន្តិភាព និងស្ថិរភាពជាតិ។ ឯកឧត្តមអភិសន្តិបណ្ឌិតបានគូសបញ្ជាក់ថា ដូចប្រទេសនានាដែរ រួមទាំងអាម៉េរិក និងអឺរ៉ុប អង្គការ សមាគម ត្រូវធ្វើសកម្មភាពស្របតាមច្បាប់ ក្នុងនោះសម្រាប់កម្ពុជា ច្បាប់បានតម្រូវឱ្យផ្ដល់របាយការណ៍សកម្មភាព របាយការណ៍ហិរញ្ញវត្ថុ និងលេខគណនីប្រតិបត្តិការមកក្រសួងមានសមត្ថកិច្ច។ ការណែនាំនេះ ក្នុងពិធីបិទវេទិកាស្តីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល លើកទី៦ នៅទីស្ដីការក្រសួងមហាផ្ទៃ នាព្រឹកថ្ងៃទី១១ ខែធ្នូ ឆ្នាំ២០២៤នេះ។ រដ្ឋមន្ត្រីក្រសួងមហាផ្ទៃ ក៏បានជំរុញ និងលើកទឹកចិត្តសមាគម និងអង្គការមិនមែនរដ្ឋាភិបាល រួមប្រកៀកស្មាគ្នាជាមួយរាជរដ្ឋាភិបាល និងអាជ្ញាធរគ្រប់លំដាប់ថ្នាក់ ដើម្បីបម្រើផលប្រយោជន៍សង្គមជាតិ និងមនុស្សជាតិស្របតាមច្បាប់ និងលក្ខន្តិកៈដែលខ្លួនតម្កល់ទុកនៅក្រសួងមានសមត្ថកិច្ច។ ឯកឧត្តមអភិសន្តិបណ្ឌិត ក៏បានស្នើឱ្យចៀសវាងជាដាច់ខាតការពាក់ព័ន្ធ ឬគាំទ្រអំពើសម្អាតប្រាក់ ហិរញ្ញប្បទានភេរវកម្ម និងអាវុធមហាប្រល័យ ព្រមទាំងបន្តចូលរួមដោយស្មោះត្រង់ជាមួយរាជរដ្ឋាភិបាលដើម្បីលើកកម្ពស់លទ្ធិប្រជាធិបតេយ្យ សេរីពហុបក្ស ការគោរពសិទ្ធិមនុស្ស នីតិរដ្ឋ ការថែរក្សាការពារធនធានធម្មជាតិនិង បរិស្ថាន ការទប់ស្កាត់បទល្មើសធនធានធម្មជាតិ និងបទល្មើសនេសាទ…

ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានអបអរសាទរចំពោះការបោះឆ្នោតប្រកបដោយជោគជ័យនាពេលថ្មីៗនេះរបស់សហរដ្ឋ អាមេរិក ខណៈទទួលជួប លោកស្រី Bridgette L. Walker ភារៈធារីស្តីទី នៃស្ថានទូតសហរដ្ឋ អាមេរិកប្រចាំកម្ពុជា សម្តែងការគួរសម នៅទីស្តីការក្រសួង នាថ្ងៃទី១០ ខែធ្នូ ឆ្នាំ២០២៤។ ឯកឧត្តម ឧបនាយករដ្ឋមន្ត្រី បានរំលឹកពីព្រះរាជសារ និងសារលិខិតអបអរសាទរ របស់ ព្រះករុណាជាអម្ចាស់ ជីវិតលើត្បូង សម្តេចតេជោប្រធានព្រឹទ្ធសភា និងសម្តេចធិបតីនាយករដ្ឋមន្ត្រី ផ្ញើជូនប្រធានាធិបតី ជាប់ឆ្នោត លោក Donald J. Trump ដែលការណ៍នេះឆ្លុះបញ្ចាំងពីសារៈសំខាន់នៃទំនាក់ទំនងកម្ពុជា- សហរដ្ឋអាមេរិក។ ឯកឧត្តម ឧបនាយករដ្ឋមន្ត្រី ប្រាក់ សុខុន បានគូសបញ្ជាក់ពីការត្រៀមខ្លួនរបស់កម្ពុជាក្នុងការ ធ្វើការយ៉ាងជិតស្និទ្ធជាមួយរដ្ឋបាលសហរដ្ឋអាមេរិកថ្មី ដើម្បីពង្រឹងទំនាក់ទំនង និងកិច្ចសហប្រតិបត្តិការ រវាងប្រទេសទាំងពីរឱ្យកាន់តែស៊ីជម្រៅ ព្រមទាំងសម្តែងការពេញចិត្តចំពោះសន្ទុះវិជ្ជមាននៃទំនាក់ទំនង និងកិច្ចសហប្រតិបត្តិការទ្វេភាគី ដោយមានការចូលរួមកម្រិតខ្ពស់ រួមមានដំណើរទស្សនកិច្ចថ្មីៗមក កម្ពុជារបស់ លោក Lloyd Austin…

ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានលើកឡើងថា «សព្វថ្ងៃនេះ ក្រុមប្រឆាំងជ្រុលនិយមមួយក្តាប់តូចកំពុងសម្ងំនៅទីងងឹត ដើម្បីផលិតព័ត៌មានក្លែងក្លាយ មួលបង្កាច់ បំផ្លើសបំភ្លៃ គ្រប់ទម្រង់ក្នុងគោលបំណងញុះញង់បង្កឱ្យមានចលាចលសង្គមតាមសេណារីយោបដិវត្តន៍ពណ៌របស់ខ្លួន។ ប៉ុន្តែ ព័ត៌មានពិត គឺជាពន្លឺដែលចូលទៅលុបបំបាត់ទីងងឹតដែលជាជម្រករបស់ក្រុមអ្នកបង្កើតព័ត៌មានក្លែងក្លាយទាំងនោះឱ្យអស់ពីសង្គមយើង។ ជាក់ស្តែង តាមរយៈព័ត៌មានពិតដែលយើងបានបង្ហាញ មិនត្រឹមតែប្រជាពលរដ្ឋទូទៅទេដែលយល់ច្បាស់ពីសមិទ្ធផលរបស់រាជរដ្ឋាភិបាល សូម្បីអ្នកដែលធ្លាប់គាំទ្រក្រុមប្រឆាំងជ្រុលនិយមក៏បានប្រកាសចូលរួមជីវភាពនយោបាយជាមួយគណបក្សប្រជាជនកម្ពុជាដូចទឹកបាក់ទំនប់។ ប្រធានអង្គភាពអ្នកនាំពាក្យរាជរដ្ឋាភិបាលពន្យល់បន្តទៀតថា រាជរដ្ឋាភិបាលដែលមានសម្តេចតេជោ ហ៊ុន សែន ជាអតីតនាយករដ្ឋមន្ត្រី និងបច្ចុប្បន្នមាន សម្តេចធិបតី ហ៊ុន ម៉ាណែត ជានាយករដ្ឋមន្ត្រី បានសាងស្នាដៃធំធេងមហិមាជូនជាតិមាតុភូមិនិងប្រជាពលរដ្ឋខ្មែរ។ សមិទ្ធផលរាប់មិនអស់ ទាំងហេដ្ឋារចនាសម្ព័ន្ធរូបវ័ន្ត ទាំងសុខសន្តិភាព និងការបង្រួបបង្រួមជាតិដែលមិនធ្លាប់មានក្នុងប្រវត្តិសាស្ត្រសម័យទំនើបជាង៥០០ឆ្នាំចុងក្រោយ គឺជាតឹតតាងប្រវត្តិសាស្ត្រយ៉ាងច្បាស់លាស់ដែលគ្មានអ្នកណាអាចកាឡៃបាន។ សមិទ្ធផលទាំងអស់នេះ និងគោលនយោបាយរបស់រាជរដ្ឋាភិបាលដែលបាននិងកំពុងបម្រើសេចក្តីត្រូវការរបស់ប្រជាពលរដ្ឋជារៀងរាល់ថ្ងៃ គឺជាព័ត៌មានពិតដែលយើងត្រូវបញ្ជ្រាបឱ្យប្រជាពលរដ្ឋបានដឹងជាប្រចាំតាមមធ្យោបាយដែលមានប្រសិទ្ធភាពខ្ពស់។ ការលើកឡើងរបស់ ឯកឧត្តម ប៉ែន បូណា បានធ្វើឡើងនៅព្រឹកថ្ងៃទី១១ ខែធ្នូ ឆ្នាំ២០២៤ ក្នុងឱកាសអញ្ជើញជាអធិបតីនិងជាវាគ្មិនក្នុងវគ្គបណ្តុះបណ្តាលស្តីពី «ប្រសិទ្ធភាពនៃការងារព័ត៌មាននិងនាំពាក្យ» ដល់មន្ត្រីនិងអ្នកនាំពាក្យខេត្តកំពង់ឆ្នាំង ដោយមានការអញ្ជើញចូលរួមពីលោក សាន់ យូ អភិបាលរងខេត្ត តំណាងឯកឧត្តម ស៊ុន សុវណ្ណារិទ្ធិ…

ភ្នំពេញ៖ ឯកឧត្តម ង្វៀន ហ៊ុយតាំង (Nguyen Huy Tang) ឯកអគ្គរដ្ឋទូតសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជា បានសម្ដែងនូវការកោតសរសើរ និងវាយតម្លៃខ្ពស់ចំពោះការសម្រេចបាននូវសមិទ្ធផលជាច្រើនរបស់កម្ពុជានាពេលកន្លងមក​ ហើយ​រាជរដ្ឋាភិបាល​ នីតិកាលទី៧​ នៃរដ្ឋសភា​ ក្រោមការដឹកនាំប្រកបដោយភាពឈ្លាសវៃរបស់សម្ដេចមហាបវរធិបតី កម្ពុជារក្សាបាននូវសុខសន្ដិភាព, ស្ថិរភាពនយោបាយ​, សណ្តាប់ធ្នាប់សង្គម និង​ការអភិវឌ្ឍ​រីកចម្រើន​លើគ្រប់វិស័យ ព្រមទាំងធានាបាននូវកំណើនសេដ្ឋកិច្ច និងការលើកកម្ពស់ជីវភាពរស់នៅរបស់ប្រជាពលរដ្ឋ។ ការកោតសរសើរនេះ ក្នុងជំនួបសម្តែងការគួរសម និងជម្រាបលា សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែល​ឯកឧត្តម​បញ្ចប់បេសកកម្មការទូត​នៅកម្ពុជា​ នាព្រឹកថ្ងៃទី១០ ខែធ្នូ ឆ្នាំ២០២៤ នៅវិមានសន្តិភាព។ ជាមួយគ្នានោះ ឯកឧត្តមឯកអគ្គរដ្ឋទូត​ ក៏បានអបអរសាទរចំពោះជោគជ័យរបស់កម្ពុជាក្នុងការរៀបចំការបោះឆ្នោតជាសកល និងអសកល, ការធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ាន​ឆ្នាំ២០២២​, ការរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម​ ឆ្នាំ២០២៣​ និងការធ្វើម្ចាស់ផ្ទះរៀបចំកិច្ចប្រជុំអន្តរជាតិសំខាន់ៗនាពេលថ្មីៗ​ ដូចជា​ កិច្ចប្រជុំគណៈកម្មាធិការប្រតិបត្តិ នៃអង្គការអ្នកប្រជាធិបតេយ្យនិយមកណ្តាលអន្តរជាតិ (IDC-CDI), មហាសន្និបាតសន្និសីទអន្តរជាតិនៃបណ្តាគណបក្សនយោបាយនៅអាស៊ីលើកទី១២ (ICAPP 12), សម័យប្រជុំពេញអង្គនៃសភាអន្តរជាតិសម្រាប់ការអត់ឱន និងសន្តិភាព លើកទី១១(IPTP11) និងកិច្ចប្រជុំកំពូលសៀមរាប-អង្គរ ស្តីពីពិភពលោកមួយ​ដែលគ្មានមីន​ ជាដើម…

ភ្នំពេញ៖ មេដឹកនាំសម្ព័ន្ធសហជីពជាតិ បានអំពាវនាវទៅដល់កម្មករ​និយោ​​ជិត​កុំជឿតាមការឃោសនាញុះញង់របស់ក្រុមជ្រុលនិយមមួយ​ចំនួនតូចនៅក្រៅប្រទេស និងកុំចូលរួមរាល់សកម្មភាពញុះញង់ណា​មួយដែលបង្កអស្ថេរភាព អសន្តិសុខសង្គម ដែលបង្កឡើងដោយក្រុម​ចលនា​របស់ទណ្ឌិតជនក្បត់ជាតិ ៣ជំនាន់ សម រង្ស៊ី។ លោក ហ្វា សាលី ប្រធានសម្ព័ន្ធសហជីពជាតិ បានមានប្រសាសន៍ថា ថ្មីៗនេះបានឮនូវព័ត៌មានមួយចំនួនដែលទណ្ឌិត សម រង្ស៊ី បានបង្កនៅបញ្ហាជាច្រើនដែលមិនអាចអត់ឱនឱ្យបាន។ ក្រុមរបស់ទណ្ឌិត សម រង្ស៊ី បានបង្កនូវបញ្ហាជាច្រើន ដូចជាកន្លងមកនេះបានបំផ្លាញនូវ EBA ធ្វើយ៉ាងណាឱ្យគេផ្តាច់ EBA ពីប្រទេសកម្ពុជា ធ្វើឱ្យកម្មករបាត់បង់ការងារធ្វើជាច្រើន។ ក្រុមចលនារបស់ទណ្ឌិត សម រង្ស៊ី បានបំភ្លៃនៅការពិតជាច្រើនដែលប្រជាពលរដ្ឋ ក៏ដូចជាកម្មករនិយោជិតកំពុងតែមមារញឹកនឹងការងារ និងកំពុងតែរស់នៅក្នុងសុខសន្តិភាព ក៏ដូចជាសុខដុមរមនីយកម្មនៅក្នុងវិស័យឧស្សាហកម្មកាត់ដេរ សម្លៀកបំពាក់ ស្បែកជើង និងកាបូប។ ប្រធានសម្ព័ន្ធសហជីពជាតិ បានបញ្ជាក់ថា “យើងពេលនេះ កំពុងតែមានការរីកចម្រើនខ្លាំង ហើយក្រុមចលនាមួយចនេះមិនសុខចិត្តនោះទេ នៅពេលដែលឃើញប្រទេសជាតិរីកចម្រើនស្ទើរតែគ្រប់វិស័យ ក៏ដូចជាបងប្អូនកម្មករនិយោជិតកំពុងតែមានការងារធ្វើយ៉ាងសស្រាក់សស្រាំ”។ជាមួយគ្នានេះ លោក ហ្វា សាលី ប្រធានសម្ព័ន្ធសហជីពជាតិ បានអំពាវនាវដល់កម្មករនិយោជិតសូមកុំចូលរួមរាល់សកម្មភាពញុះញង់ណាមួយដែលបង្កអស្ថេរភាព អសន្តិសុខសង្គម និងកុំជឿតាមការឃោសនា កុំជឿតាមការញុះញង់របស់ក្រុមទណ្ឌិត សម រង្ស៊ី៕ដោយ៖ពលជ័យ

ភ្នំពេញ៖ មេដឹកនាំគណបក្សបៃតង បានហៅការធ្វើយុទ្ធនាការផ្ការីករបស់ជនក្បត់ជាតិ ៣ជំនាន់ គឺគ្មានទទួលការគាំទ្រពីប្រជាពលរដ្ឋទាំងក្នុង និងក្រៅប្រទេសនោះទេ និងក៏មិនទទួលបានជោគជ័យដែរ ពីព្រោះប្រជាពលរដ្ឋលែងមានជំនឿលើជនក្បត់ជាតិរូបនេះតទៅទៀតហើយ ដែលជនក្បត់ជាតិរូបនេះធ្វើនយោបាយបំផ្លាញជាតិខ្លួនឯង។ លោក ខុន ចាន់នី ប្រធានគណបក្សបៃតង បានមានប្រសាសន៍ថា យុទ្ធនាការផ្ការីករបស់ជនក្បត់ជាតិ សម រង្ស៊ី គឺនឹងមិនទទួលបានការគាំទ្រ និងទទួលបានជោគជ័យនោះទេ ហើយជនក្បត់ជាតិរូបនេះ ជាអ្នកនយោបាយទាល់ច្រកមិនប្រាកដប្រជានិយម ក្នុងមួយជីវិត គឺមិនទទួលបានជោគជ័យទេ។ ប្រជាពលរដ្ឋនៅក្នុងស្រុក និងក្រៅស្រុកមិនទៅចាញ់បោកបុគ្គលរូបនេះតទៅទៀតដែរ។ យុទ្ធនាការផ្ការីករបស់បុគ្គលសមរង្ស៊ី គឺគ្រាន់តែជាការស្រមើស្រម៉ៃតែប៉ុណ្ណោះ។…ជនក្បត់ជាតិ សម រង្ស៊ី ជាអ្នកនយោបាយឱបភ្លើង ពីព្រោះនៅពេលដែលឃើញស្ថានការណ៍នៅប្រទេសណាមួយមានការជ្រួលច្រលប់បុគ្គលរូបនេះទៅភ្ជាប់ខ្លួនជាមួយហើយ ដូចជាស្ថានការណ៍នៅកូរ៉េខាងត្បូង និងនៅប្រទេសស៊ីរី។ ប្រធានគណបក្សបៃតងបានបញ្ជាក់ថា “យុទ្ធនាការផ្ការីកនេះ គឺមិនទទួលជោគជ័យទេ អត់ទាល់តែសោះ សម្រាប់ខ្ញុំ គឺសូន្យតែម្តង វាគ្រាន់តែជាការស្រមើស្រម៉ៃតែប៉ុណ្ណោះ។ ការដែលគាត់ (សម រង្ស៊ី) ស្វះស្វែងទាំងអស់នេះ គឺដើម្បីចង់ឱ្យអតីតគូប្រកួតគាត់របស់គាត់ គឺសម្តេចតេជោ ហ៊ុន សែន ធ្វើម៉េចឱ្យសម្តេចឆ្លើយតបជាមួយគាត់បន្តិចទៅគាត់ដេកលក់ហើយ តែសម្តេចតេជោលោកមិនឆ្លើយឆ្លើងជាមួយទេ។ សូម្បីតែអ្នកនយោបាយជំនាន់ថ្មី សម្តេចធិបតី ហ៊ុន ម៉ាណែត ក៏មិនឆ្លើយឆ្លងទៅសមរង្ស៊ីផងនឹង…

នៅចំពោះមុខថ្នាក់ដឹកនាំខេត្តយូណាន នៃសាធារណរដ្ឋប្រជាមានិតចិន និងតំណាងមកពីបណ្តាប្រទេសនានាក្នុងទ្វីបអាស៊ី និងទ្វីបអាហ្វ្រិក ប្រមាណ៣០០នាក់ ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន បានអំពាវនាវឱ្យមានការសហការលើប្រព័ន្ធផ្សព្វផ្សាយកាន់តែទូលំទូលាយនៅក្នុងអំឡុងពេលនៃការថ្លែងសុន្ទរកថាគន្លឹះក្នុងវេទិកាស្តីពីប្រព័ន្ធផ្សព្វផ្សាយអន្តរជាតិលើកទី៣ ដែលប្រព្រឹត្តធ្វើឡើងនៅថ្ងៃទី១០ ខែធ្នូ ឆ្នាំ២០២៤ នៅមណ្ឌលស្វយ័តស៊ីសន់ប៉ាណា ខេត្តយូណាន។ ឯកឧត្តមបានលើកឡើងពីតួនាទីដ៏សំខាន់នៃប្រព័ន្ធផ្សព្វផ្សាយក្នុងការជំរុញកិច្ចសហប្រតិបត្តិការឆ្លងព្រំដែន កំណើនសេដ្ឋកិច្ចសង្គម និងការប្រយុទ្ធប្រឆាំងនឹងព័ត៌មានក្លែងក្លាយ។ ទន្ទឹមនេះ ឯកឧត្តមរដ្ឋមន្រ្តី បានវាយតម្លៃខ្ពស់ចំពោះទំនាក់ទំនង និងភាពជាដៃគូរវាងកម្ពុជានិងប្រទេសចិន រួមមានគំនិតផ្តួចផ្តើម “ដំណើរទេសចរណ៍យូណាន-អង្គរ” និងភាពយន្តឯកសារដែលផលិតរួមគ្នា ដោយលើកកម្ពស់ការផ្លាស់ប្តូរវប្បធម៌ និងទេសចរណ៍ ជាដើម។ ឯកឧត្ដមក៏បានបង្ហាញទៅដល់អ្នកចូលរួមទាំងអស់ពីការស្ទុះងើបឡើងវិញគួរឱ្យកត់សម្គាល់នៅក្នុងវិស័យទេសចរណ៍របស់កម្ពុជា ដោយទទួលបានភ្ញៀវទេសចរចំនួនជាង៥លាននាក់ក្នុងឆ្នាំ២០២៤ និងបានកោតសរសើរចំពោះការរួមចំណែករបស់ប្រទេសចិនក្នុងការអភិវឌ្ឍប្រទេសកម្ពុជាតាមរយៈគំនិតផ្តួចផ្តើមខ្សែក្រវាត់ និងផ្លូវ។ ឆ្លៀតក្នុងឱកាសនេះ ឯកឧត្តមរដ្ឋមន្ត្រីក៏បានជំរុញឱ្យមានកិច្ចសហប្រតិបត្តិការប្រព័ន្ធផ្សព្វផ្សាយប្រកបដោយភាពច្នៃប្រឌិត ដោយសង្កត់ធ្ងន់លើតម្រូវការក្នុងការដោះស្រាយព័ត៌មានក្លែងក្លាយ និងលើកកម្ពស់វិស័យ”ការទូតព័ត៌មាន” ដើម្បីធានាបាននូវព័ត៌មានប្រកបដោយសុវត្ថិភាព និងត្រឹមត្រូវ។ ឯកឧត្ដមបានបញ្ជាក់ជាថ្មីពីការប្តេជ្ញាចិត្តរបស់កម្ពុជាក្នុងការជំរុញទំនាក់ទំនងប្រព័ន្ធផ្សព្វផ្សាយ សន្តិភាពក្នុងតំបន់ និងវិបុលភាព៕រូបភាព៖ឡុង ដេវីត