ភ្នំពេញ៖ ទីប្រឹក្សាពិសេសទទួលបន្ទុកសិទ្ធិជនមានពិការភាពអន្តរជាតិនៃការិយាល័យប្រជាធិបតេយ្យ សិទ្ធិមនុស្ស និងការងារ នៃក្រសួងការបរទេសសហរដ្ឋអាមេរិក លោកស្រី សារ៉ា មីងការ៉ា បានបញ្ជាក់ថា សហរដ្ឋអាមេរិករីករាយសហការជាមួយរាជរដ្ឋាភិបាលកម្ពុជា ក្នុងការជំរុញបន្ថែមលើការលើកកម្ពស់សិទ្ធិជនមានពិការភាព នៅកម្ពុជា តាមរយៈកិច្ចសហប្រតិបត្តិការទ្វេភាគី និងយន្តការអាស៊ាន។ ការបញ្ជាក់នេះ ក្នុងជំនួបពិភាក្សាការងារជាមួយឯកឧត្តម កែ សុវណ្ណ អនុរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ នៅទីស្តីការក្រសួង នារសៀលថ្ងៃទី២ ខែសីហា ឆ្នាំ២០២៤។ លោកស្រី សារ៉ា មីងការ៉ា បានថ្លែងអំណរគុណចំពោះឯកឧត្តម កែ សុវណ្ណ អនុរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ដែលបានចែករំលែកអំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការអភិវឌ្ឍសេដ្ឋកិច្ច និងសង្គម។ ចំណែកឯកឧត្តម កែ សុវណ្ណ អនុរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានគូសបញ្ជាក់ប្រាប់លោកស្រី សារ៉ា មីងការ៉ា ទីប្រឹក្សាពិសេសទទួលបន្ទុកសិទ្ធិជនមានពិការភាពអន្តរជាតិនៃការិយាល័យប្រជាធិបតេយ្យ សិទ្ធិមនុស្ស និងការងារ នៃក្រសួងការបរទេសសហរដ្ឋអាមេរិក ពីវឌ្ឍនភាពសំខាន់ៗរបស់រាជរដ្ឋាភិបាលកម្ពុជាក្នុងការលើកកម្ពស់សិទ្ធិជនមានពិការភាពនៅព្រះរាជាណាចក្រកម្ពុជា មានជាអាទិ៍ វឌ្ឍនភាពអំពីការអនុវត្តច្បាប់ជាតិស្ដីពីជនមានពិការភាព និងអនុសញ្ញាអន្តរជាតិស្តីពីសិទ្ធិជនមានពិការភាព។ មន្ត្រីជាន់ខ្ពស់ក្រសួងការបរទេសកម្ពុជាបានបញ្ជាក់ថា រាជរដ្ឋាភិបាលកម្ពុជាក៏បានដាក់ចេញនូវផែនការលើកកម្ពស់សិទ្ធិជនមានពិការភាព ដែលជួយសម្រួលដល់ការចូលរួមចំណែកកាន់តែច្រើនក្នុងការអភិវឌ្ឍសេដ្ឋកិច្ច សង្គមនៅកម្ពុជា៕ដោយ៖ពលជ័យរូបភាព៖ក្រសួងការបរទេស

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះ​រាជាណាចក្រកម្ពុជា មានជំនឿជឿជាក់ថា ឯកឧត្តមឯកអគ្គរដ្ឋទូត​ថ្មីប្រទេសចិន នឹងបន្តរួមចំណែកកាន់តែសកម្មនិងខ្លាំងឡើង ដល់ភាពជាដៃគូយុទ្ធសាស្រ្តគ្រប់ជ្រុងជ្រោយ និងមិត្តភាព​ដែកថែបរវាងប្រទសទំាងពីរកម្ពុជា-ចិន ឈានទៅសម្រចបាន​នូវការកសាងសហគមន៍ជោគវាសនារួមក្នុងយុគសម័យថ្មី ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់ ដោយយកប្រជាជនជាស្នូល។ សម្តេចមហារដ្ឋសភាធិការធិបតីលើងឡើងបែបនេះ ក្នុងឱកាសអនុ​ញ្ញាតឱ្យឯកឧត្តម វ៉ាង វិនពីន (WANG Wenbin) ឯកអគ្គរដ្ឋទូតថ្មី នៃសាធារណរដ្ឋប្រជាមានិតចិន ប្រចាំនៅកម្ពុជា ចូលជួបសម្ដែង​ការគួរសមនិងពិភាក្សាការងារ នៅព្រឹកថ្ងៃទី២ ខែសីហា ឆ្នាំ២០២៤ នៅវិមានរដ្ឋសភា។  សម្តេចរដ្ឋសភាធិបតី បានសម្តែងនូវការស្វាគមន៍និងអបអរសារទរយ៉ាង​កក់ក្តៅជូនចំពោះ ឯកឧត្តម វ៉ាង វិនពីន ដែលត្រូវបានតែងតាំងជា​ឯកអគ្គ​រដ្ឋទូតថ្មី  នៃសាធារណរដ្ឋប្រជា​មានិតចិន ប្រចាំព្រះរាជាណាចក្រ​កម្ពុជា។ សម្តេចប្រធានរដ្ឋសភា បានកោតសរសើរនិងវាយតម្លៃខ្ពស់​ចំពោះបេសកកម្មការទូត នៅក្នុងរយៈពេលប្រមាណជាងមួយខែមកនេះ ឯកឧត្តមឯកអគ្គរដ្ឋទូត មិនត្រឹមបានជួបពិភាក្សាការងារជាមួយថ្នាក់​ដឹកនាំសំខាន់ៗរបស់កម្ពុជាប៉ុណ្ណោះទេ ឯកឧត្តមក៏បានចុះ​ជួបប្រជា​ពលរដ្ឋកម្ពុជានៅទីកន្លែងផ្សេងៗដោយផ្ទាល់ផងដែរ ដែលកាយវិការនេះ មានសារៈសំខាន់ណាស់ក្នុងការពង្រឹងទំនាក់ទំនងរវាងប្រជាជនកម្ពុជា-ចិន ស្របជាមួយនឹងឆ្នាំផ្លាស់ប្តូររវាងប្រជាជននិងប្រជាជន នៃប្រទេសទាំងពីរ ក្នុងឆ្នាំ២០២៤នេះ។ ឯកឧត្តម វ៉ាង វិនពីន ក៏បានអបអរទរសាទរ សម្តេចរដ្ឋសភាធិបតី ដែលសម្តេចត្រូវបានជ្រើសតំាងជាប្រធានរដ្ឋសភា និងជាស្រ្តីលើកដំបូងដែលកាន់តួនាទីដ៏សំខាន់នេះ។ ឯកឧត្តមបានសម្តែងនូវការកោតសរសើរ…

ភ្នំពេញ៖ ការបើការដ្ឋានព្រែកជីកហ្វូណនតេជោ កាន់តែខិតជិតមកដល់ គឺចរន្តនៃការគាំទ្រពីសំណាក់ប្រជាពលរដ្ឋខ្មែរគ្រប់មជ្ឈដ្ឋានទាំងក្នុងនិងក្រៅប្រទេសកាន់តែផុសផុល។ គណបក្សនយោបាយ និងសម្ព័ន្ធភាពបណ្តុំសមាគម​អង្គការសង្គមស៊ីវិល រួមទាំងប្រជាពលរដ្ឋនៅព្រឹកថ្ងៃទី២ ខែសីហា ឆ្នាំ២០២៤ បានជួបជុំគ្នានៅវត្តភ្នំជាល ស្ថិតនៅឃុំស្គុះ ស្រុកសំរោងទង ខេត្តកំពង់ស្ពឺ ធ្វើពិធីអបអរសាទរថ្ងៃបើកការដ្ឋានព្រែកជីកហ្វូណនតេជោ ដែលជាព្រឹត្តិការណ៍ប្រវត្តិសាស្ត្រ ដែលនឹងប្រព្រឹត្តទៅនៅថ្ងៃទី៥ ខែសីហា ឆ្នាំ២០២៤ ក្រោអធិបតីភាពដ៏ខ្ពង់ខ្ពស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ អ្នកនាំពាក្យសម្ព័ន្ធភាពបណ្តុំសមាគមអង្គការសង្គមស៊ីវិល លោក ថុល សុផាន់ណា បានមានប្រសាសន៍បថា គណបក្សនយោបាយមួយចំនួនរួមមាន ៖ គណបក្សមហាសាមគ្គីជាតិខ្មែរ គណបក្សខ្មែរតែមួយគណបក្សចលនាប្រជាធិបតេយ្យ គណបក្សសាធារណរដ្ឋ និងគណបក្សខ្មែរក្រោក និងសមាគមអង្គការសង្គមស៊ីវិលមួយចំនួន រួមទាំងសមាគមសម្ព័ន្ធភាពដើម្បីមនុស្សធម៌ កាលពីព្រឹកថ្ងៃទី២ ខែសីហា ឆ្នាំ២០២៤ បានរៀបចំពិធីអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោ ដែលនឹងប្រព្រឹត្តទៅនៅថ្ងៃទី៥ ខែសីហា ឆ្នាំ២០២៤។ លោកបន្តថា សម្ព័ន្ធភាពបណ្តុំសមាគមអង្គការសង្គមស៊ីវិល សូមគាំទ្រយ៉ាងពេញទំហឹង ជុំវិញការអនុវត្តគម្រោងព្រែកជីកហ្វូណនតេជោ ដែលជាគម្រោងព្រែកជីកជាប្រវត្តិសាស្ត្រលើកទី១ នៅកម្ពុជា។ គម្រោងព្រែកជីកហ្វូណនតេជោ គឺជាគម្រោងតភ្ជាប់ផ្លូវទឹករវាងទន្លេ ទៅកាន់សមុទ្ររបស់កម្ពុជា ដោយឆ្លងកាត់ខេត្តកណ្តាល តាកែវ កំពត និងកែប…

ក្នុងឱកាសនៃជំនួបជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា កាលពីព្រឹកថ្ងៃទី១ ខែសីហា ឆ្នាំ២០២៤ ឯកឧត្តម អ៊ូ កូកូ ឡាំង (U Ko Ko Hlaing) បេសកជនពិសេសរបស់ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា បានថ្លែងកោតសរសើរចំពោះការអភិវឌ្ឍដ៏ឆាប់រហ័សរបស់ប្រទេសកម្ពុជា នៅរៀងរាល់ដំណើរទស្សនកិច្ចរបស់ឯកឧត្តម មកកាន់កម្ពុជា។ ឯកឧត្តម អ៊ូ កូកូ ឡាំង បានវាយតម្លៃខ្ពស់អំពីមិត្តភាព និងទំនាក់ទំនងដ៏ល្អប្រសើររវាងមីយ៉ាន់ម៉ា និងកម្ពុជា និងជឿជាក់ថា ក្រោមការដឹកនាំរបស់សម្តេចធិបតី កិច្ចសហប្រតិបត្តិការ និងទំនាក់ទំនងរវាងប្រទេសទាំងពីរ នឹងត្រូវបានពង្រឹង និងពង្រីកបន្ថែមទៀត។ ឯកឧត្តម អ៊ូ កូកូ ឡាំង បានគោរពជម្រាបជូនសម្តេចធិបតី អំពីស្ថានភាពវិវត្តន៍នាពេលថ្មីៗ នៅក្នុងប្រទេសមីយ៉ាន់ម៉ា។ ជាមួយគ្នានេះ សម្ដេចធិបតី បានស្វាគមន៍ដំណើរទស្សនកិច្ចរបស់ ឯកឧត្តម អ៊ូ កូកូ ឡាំង នៅកម្ពុជា និងបានគូសបញ្ជាក់ថា កិច្ចសហប្រតិបត្តិការទ្វេភាគីកម្ពុជា-មីយ៉ាន់ម៉ា នៅមានសក្តានុពល លើវិស័យជាច្រើន។ សម្ដេចធិបតី សង្ឃឹមថា ស្ថានភាពនៅប្រទេសមីយ៉ាន់ម៉ា…

ភ្នំពេញ៖ ឯកឧត្តម យូ កូ កូ ឡាំង (U Ko Ko Hlaing) បេសកជនពិសេសរបស់ប្រធានក្រុមប្រឹក្សារដ្ឋបាលរដ្ឋមីយ៉ាន់ម៉ា បានចាត់ទុកសម្ដេចតេជោ ហ៊ុន សែន ជារដ្ឋបុរសដែលចាស់ទុំជាងគេ ពោរពេញទៅដោយបទពិសោធន៍ នៅក្នុងអាស៊ាន។ ដោយឯកឧត្តមបេសកជនពិសេស បានគូសបញ្ជាក់ថា សម្ដេចតេជោ និងកម្ពុជាបានរួមចំណែកដ៏មានតម្លៃដល់មីយ៉ាន់ម៉ា។ ការបញ្ជាក់នេះ ក្នុងជំនួបសម្តែងការគួរសម និងពិភាក្សាការងារជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា កាលពីព្រឹកថ្ងៃទី១ ខែសីហា ឆ្នាំ២០២៤។ សម្ដេចតេជោ ហ៊ុន សែន បានស្វាគមន៍ចំពោះឯកឧត្តម U Ko Ko Hlaing បេសកជនពិសេសរបស់ប្រធានក្រុមប្រឹក្សារដ្ឋបាលរដ្ឋមីយ៉ាន់ម៉ា និងគណៈប្រតិភូដែលបានអញ្ជើញមកបំពេញទស្សនកិច្ចនៅកម្ពុជា។ សម្ដេចបានថ្លែងអំណរគុណដល់មីយ៉ាន់ម៉ាដែលបានផ្ដល់ទំនុកចិត្តដល់កម្ពុជា និងបញ្ជាក់ពីសារៈសំខាន់នៃទំនាក់ទំនងទ្វេភាគី ហើយសង្ឃឹមថា សម្ដេចនឹងទទួលបានព័ត៌មានពាក់ព័ន្ធនឹងសភាពការណ៍ថ្មីៗនៅមីយ៉ាន់ម៉ា។ ឯកឧត្តម U Ko Ko Hlaing បានថ្លែងអំណរគុណសម្ដេចតេជោ ហើយចាត់ទុកនេះជាកិត្តិយសដ៏ធំធេងដែលសម្ដេចបានអនុញ្ញាតឱ្យចូលជួបសម្តែងការគួរសមនៅពេលនេះ។ ក្នុងនាមជាបេសកជនពិសេស ឯកឧត្តម បានពាំនាំនូវការផ្តាំផ្ញើសួរសុខទុក្ខពីសំណាក់…

ភ្នំពេញ៖ តាមកម្មវិធីដែលបានគ្រោងទុក ឯកឧត្តម KIHARA Minoru រដ្ឋមន្ត្រីក្រសួងការពារជាតិជប៉ុន ក្នុងដំណើរបំពេញទស្សនកិច្ចផ្លូវការ នៅព្រះរាជាណាចក្រកម្ពុជា រយៈពេល២ថ្ងៃ ចាប់ពីថ្ងៃទី៤-៥ ខែសីហា ឆ្នាំ២០២៤។ នេះបើតាមការបញ្ជាក់របស់មន្ត្រីជាន់ខ្ពស់ក្រសួងការពារជាតិ ថ្លែងប្រាប់ AMS នៅព្រឹកថ្ងៃទី១ ខែសីហា ឆ្នាំ២០២៤។ ប្រភពដដែលបានបន្តថា នៅក្នុងការបំពេញទស្សនកិច្ចផ្លូវការនេះគណៈប្រតិភូជាន់ខ្ពស់យោធាជប៉ុន នឹងមានការចូលជួបសម្តែងការគួរសម និងពិភាក្សាការងារជាមួយសម្តេចអគ្គមហាសេនាធិបតីតេជោ ហ៊ុន សែន ប្រធានព្រឹទ្ធសភា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាមួយឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ៕ដោយ៖ពលជ័យ

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញចូលរួមបើក «វេទិកាសហគ្រិនឆ្នើម និងពានរង្វាន់បណ្តាញសហគ្រិនស្ត្រីឆ្នើមអាស៊ាន (AWEN) ឆ្នាំ២០២៤» នៅព្រឹកថ្ងៃព្រហស្បតិ៍ ទី១ ខែសីហា ឆ្នាំ២០២៤។ សម្តេចធិបតី ហ៊ុន ម៉ាណែត បានបញ្ជាក់ថា វេទិកានេះជាឱកាសល្អដែលនាំឱ្យកម្ពុជាកាន់តែមានភាពលេចធ្លោក្នុងតំបន់អាស៊ាន និងពិភពលោកតាមរយៈការបង្ហាញពីសក្តានុពលរបស់ខ្លួនដើម្បីទាក់ទាញវិនិយោគិនពីបណ្តាប្រទេសនានា និងចូលរួមទាក់ទាញភ្ញៀវទេសចរឱ្យមកទស្សនាព្រះរាជាណាចក្រកម្ពុជា។ ប្រធានបទសម្រាប់ឆ្នាំនេះ នឹងផ្តោតជាសំខាន់ទៅលើកិច្ចពិភាក្សាលើការធ្វើជំនួញ និងការធ្វើពាណិជ្ជកម្ម។ សម្តេចធិបតី ហ៊ុន ម៉ាណែត បានបន្តថា វេទិកាបណ្តាញសហគ្រិនស្រ្តីឆ្នើមអាស៊ាន និងពានរង្វាន់សហគ្រិនស្រ្តីឆ្នើមអាស៊ាន ត្រូវបានបង្កើតឡើងក្នុងគោលបំណងឱ្យស្ត្រីនៅក្នុងវិស័យសេដ្ឋកិច្ចទាំងអស់នៅក្នុងរដ្ឋជាសមាជិកអាស៊ានផ្ដោតលើ៖ ការបង្កើតវេទិកាក្នុងតំបន់ ការគាំទ្រសហគ្រិនស្ត្រីអាស៊ានឱ្យមានលទ្ធភាពទទួលបានគ្រឹះស្ថានហិរញ្ញវត្ថុកាន់តែប្រសើរឡើង ផ្តល់ឱកាសឱ្យសហគ្រិនទាំងនេះបង្កើតបណ្តាញសហគមន៍យ៉ាងរឹងមាំមួយ បង្កើតមូលនិធិសម្រាប់គំនិតអាជីវកម្មច្នៃប្រឌិតនានាឱ្យទទួលបានជោគជ័យ។ ចំណែកពានរង្វាន់សហគ្រិនស្រ្តីឆ្នើមអាស៊ានត្រូវបានបង្កើតឡើងតាំងពីឆ្នាំ២០១៥មក ដែលក្នុងនោះសហគ្រិនស្ត្រីឆ្នើមអាស៊ានជិត១០០០នាក់បានទទួលពានរង្វាន់នេះ។ រីឯសហគ្រិនស្រ្តីឆ្នើមកម្ពុជាលើសពី៦០នាក់ បានទទួលបានពាននៅក្នុងឱកាសចូលរួមវេទិកាដែលត្រូវបានរៀបចំឡើងនៅក្នុងប្រទេសអាស៊ាន។ ចំណែកឆ្នាំនេះ សហគ្រិនស្ត្រីឆ្នើមអាស៊ានចំនួន២២រូបក្នុងចំណោមបេក្ខភាពសហគ្រិនស្ត្រីសរុប២៩រូប នឹងទទួលបានពានរង្វាន់ពីវេទិកានេះ៕ដោយ៖ពលជ័យរូបភាព៖ឆាណែលតេឡេក្រាមសម្តេចធិបតី ហ៊ុន ម៉ាណែត

ភ្នំពេញ៖ លោក មួង សូនី ប្រធានសហភាពអង្គការសង្គមស៊ីវិល និងឯកឧត្តម ហែម ប្រសើរ ប្រធានសម្ព័ន្ធភាពសមាគមបណ្ដុំអង្គការសង្គមស៊ីវិល ព្រមទាំងថ្នាក់ដឹកនាំអង្គការសមាគមជាច្រើននៅថ្ងៃទី៣១ ខែកក្កដា ឆ្នាំ២០២៤ បានជួបប្រជុំអំពីការចូលរួមអបអរសាទរថ្ងៃបើកការដ្ឋានព្រែកជីកហ្វូណនតេជោ នៅថ្ងៃទី៥ ខែសីហា ឆ្នាំ២០២៤ខាងមុខ។ កិច្ចប្រជុំនេះ ធ្វើឡើងក្នុងគោលបំណងដើម្បីពិភាក្សាជំរុញឱ្យសមាជិករបស់ខ្លួនតាមបណ្ដាខេត្តចូលរួមជាមួយអាជ្ញាធរមូលដ្ឋាន និងប្រជាពលរដ្ឋគ្រប់មជ្ឈដ្ឋានចូលរួមអបអរសាទរថ្ងៃបើកការដ្ឋានព្រែកជីកហ្វូណនតេជោ។ ថ្នាក់ដឹកនាំអង្គការសមាគមទាំងអស់ពិតជាមានក្ដីសោមនស្សរីករាយដែលមានឱកាសចូលរួមដោយផ្ទាល់ក្នុងពិធីបើកការដ្ឋានសាងសង់ព្រែកជីកហ្វូណនតេជោ នៅខេត្តកណ្ដាល ថ្ងៃទី៥ ខែសីហា ឆ្នាំ២០២៤ ខាងមុខនេះ។ ឆ្លៀតក្នុងឱកាសនេះ សហភាពអង្គការសង្គមស៊ីវិល និងសម្ព័ន្ធភាពបណ្ដុំសមាគមអង្គការសង្គមស៊ីវិល សូមគោរពថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំរាជរដ្ឋាភិបាល ជាពិសេសសម្ដេចតេជោ ហ៊ុន សែន អតីតនាយករដ្ឋមន្រ្តី និងជាប្រធានព្រឹទ្ធសភា ដែលបានផ្ដួចផ្ដើមគំនិតដ៏អស្ចារ្យធ្វើយ៉ាងណាកសាងព្រែកជីកឱ្យចេញជារូបរាង ដើម្បីជាប្រយោជន៍សេដ្ឋកិច្ចកម្ពុជាអភិវឌ្ឍឱ្យមានការរីកចម្រើន។ សហភាពអង្គការសង្គមស៊ីវិល និងសម្ព័ន្ធភាពបណ្ដុំសមាគមអង្គការសង្គមស៊ីវិលអំពាវនាវប្រជាពលរដ្ឋកុំជឿព័ត៌មានប្រឌិតរបស់អាស៊ីសេរី និងក្រុមប្រឆាំងជ្រុលនិយម ដែលបង្កើតព័ត៌មានក្លែងក្លាយជុំវិញរឿងព្រែកជីកដើម្បីប្រយោជន៍នយោបាយផ្ទាល់ខ្លួន៕ដោយ៖ពលជ័យ

ភ្នំពេញ៖ នៅសល់តែ៥ថ្ងៃទៀតប៉ុណ្ណោះ គម្រោងដ៏មហាសាល និងជាប្រវត្តិសាស្រ្តរបស់កម្ពុជា នឹងចាប់ផ្តើមបើកការដ្ឋាន គឺព្រែកជីកហ្វូណនតេជោ។ ចំពោះព្រះចៅអធិការវត្តមហាមន្រ្តី ឈឿន ភន់, ចៅសង្កាត់អូឡាំពិក ពា ហន សិស្សានុសិស្ស តំណាងយុវជន នាំគ្នាជួបជុំដើម្បីចេញសារអបអរសាទរគាំទ្រគម្រោងព្រែកជីកហ្វូណនតេជោ និងត្រៀមចូលរួម វាយស្ករ គោះជួង ទះប៉ោង ជាដើម នាថ្ងៃទី៥ ខែសីហា ឆ្នាំ២០២៤ នេះ។ ពិសេសសូមដឹងគុណមហាធំធេង សម្តេចតេជោ និងសម្តេចធិបតី ក្នុងការអភិវឌ្ឍប្រទេសជាតិឱ្យរីកចម្រើន។ ក្នុងនាមជាព្រះចៅអធិការ និងតំណាងឱ្យវត្តមហាមន្ត្រី ពុទ្ធបរិស័ទ ប្រជាជនមូលដ្ឋាន គឺមានការគាំទ្រចំពោះគម្រោងព្រែកជីកហ្វូណនតេជោ ដែលនឹងផ្ដល់ជាផលប្រយោជន៍ធំធេងសម្រាប់ជាតិកម្ពុជា។ សម្រាប់វត្ត មហាមន្ត្រី​បានត្រៀមរួចរាល់ ក្នុងការចូលរួមសាទរ ការបើកការដ្ឋានសាងសង់នាពេលនេះ។ វត្តនឹងចូលរួមទូងស្គរ និងវាយគង បន្លឺសំឡេងសាទរចំពោះការចាប់ផ្ដើមសាងសង់សមិទ្ធផលជាតិនេះ វត្តផ្ទាល់ក៏បានបានរៀបចំរួចរាល់នៅលើព្រះវិហារផងដែរ។ ព្រះអង្គមានសង្ឃដីកាថា គម្រោងព្រែកជីកហ្វូណនតេជោ ពិតណាស់បានធ្វើឱ្យប្រជាជនខ្មែរមានសេចក្តីសោមនស្សរីករាយយ៉ាងឧបមា ពិសេសស្របតាមគោលនយោបាយរាជរដ្ឋាភិបាលនីតិកាលទី៦ និងនីតិកាលទី៧នេះ ពោល សម្តេចអគ្គមហាសេនាបតីតេជោ ហ៊ុន សែន លោកបានខិតខំព្យាយាមយ៉ាងខ្លាំងក្នុងការអភិវឌ្ឍប្រទេសជាតិ និងសម្តេចមហាបវរធិបតី នាយករដ្ឋមន្រ្តី ប្រកបដោយកម្លាំងថាមពល…

ភ្នំពេញ៖ សម្ព័ន្ធភាពគណបក្សនយោបាយ បានធ្វើការជួបជុំគ្នាដើម្បី​អបអរសាទរថ្ងៃបើកការដ្ឋានសាងសង់ព្រែកជីកហ្វូណនតេជោ ដែលនឹងប្រព្រឹត្តទៅនៅថ្ងៃទី៥ ខែសីហា ឆ្នាំ២០២៤ ឆ្នាំ២០២៤ ខាងមុខនេះ ក្រោមអធិបតីភាពដ៏ខ្ពង់ស្ពស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ការជួបជុំនេះ កាលពីព្រឹកថ្ងៃទី៣១ ខែកក្កដា ឆ្នាំ២០២៤។ គម្រោងព្រែកជីកហ្វូណនតេជោ គឺជាគំនិតផ្តួចផ្តើមប្រកបដយចក្ខុវិស័យវែងឆ្ងាយរបស់សម្តេចតេជោ ហ៊ុន សែន និងកំពុងអនុវត្តដោយរដ្ឋាភិបាល នីតិកាលទី៧ ក្រោមការដឹកនាំដ៏ឈ្លាសវៃរបស់សម្តេចធិបតី ហ៊ុន ម៉ាណែត ផងដែរ។ ឯកឧត្តម អ៊ុន វិសទ្ធគុន ប្រធានគណបក្សកម្លាំងប្រជាធិបតេយ្យ បានមានប្រសាសន៍ថា ក្នុងនាមសម្ព័ន្ធភាពគណបក្សនយោបាយ​តំណាងឱ្យគណបក្សកម្លាំងប្រជាធិបតេយ្យ និងគណបក្សនយោបាយដែលបានចូលរួមនេះ យល់ថាព្រែកជីកហ្វូណនតេជោគឺជាសម្បត្តិជាតិរួម ហើយក៏ជាព្រែកជីកប្រវត្តិសាស្ត្រដែលចាប់ផ្តើមបដិសន្ធិនៅលើទឹកដីកម្ពុជាក្រោមការផ្តួចផ្តើមគំនិតរបស់សម្តេចតេជោ ហ៊ុន សែន និងបន្តដឹកនាំឱ្យមានការអភិវឌ្ឍន៍បន្តទៀតក្រោមការដឹកនាំដ៏ឈ្លាសវៃដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ឯកឧត្តមបន្តថា ក្នុងនាមគណបក្សសម្ព័ន្ធភាពគណបក្សនយោបាយ គឺត្រូវតែចូលរួមគាំទ្រនៅរាល់ចំណាត់ការរបស់រដ្ឋាភិបាល ហើយមិនប្រកាន់និន្នាការអ្វីនោះទេ ពីព្រោះវាជាសម្បត្តិរួម ហេតុនេះហើយបានជាគណបក្សសម្ព័ន្ធភាពបានជួបជុំគ្នាបង្កើតជាព្រឹត្តិការណ៍ដើម្បីអបអរសាទរ ក៏ដូចជាការគាំទ្រយ៉ាងពេញទំហឹងចេញពីឆន្ទៈស្រឡាញ់ជាតិយ៉ាងពិតប្រាកដ។ ចំណែក ឯកឧត្តម រៀល ខេមរិន្ទ្រ ប្រធានគណបក្សខ្មែរអភិរក្ស បានមានប្រសាសន៍ថា គណបក្សខ្មែរអភិរក្ស…