-
កម្ពុជា-ជប៉ុន នឹងចុះហត្ថលេខាលើលិខិតប្ដូរសារ និងឯកសារពាក់ព័ន្ធស្ដីពីការផ្ដល់ហិរញ្ញប្បទានឥតសំណងប្រមាណ៤១លានដុល្លារ
ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងឯកឧត្ដម មិកាមិ ម៉ាសាហ៊ីរ៉ូ (MIKAMI Masahiro) ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា នៅថ្ងៃទី០២ ខែមីនា ឆ្នាំ២០២២ នឹងចុះហត្ថលេខាលើលិខិតប្ដូរសារ និងឯកសារពាក់ព័ន្ធ ស្ដីពីការផ្ដល់ហិរញ្ញប្បទានឥតសំណងរបស់ជប៉ុន ដើម្បីអនុវត្តគម្រោងចំនួន០២ ដែលមានតម្លៃប្រមាណ៤១លានដុល្លារអាមេរិក។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី២៨ ខែកុម្ភៈ ឆ្នាំ២០២២។
-
អ្នកនាំពាក្យក្រសួងការបរទេសជូនព័ត៌មានបន្ថែមអំពីស្ថានភាពពលរដ្ឋខ្មែរដែលរស់នៅប្រទេសអ៊ុយក្រែន
ឯកឧត្តមអ្នកនាំពាក្យបានបញ្ជាក់ថាបន្ថែមលើព័ត៌មានដែលបានជម្រាបជូនកាលពីថ្ងៃទី២៥ កុម្ភៈ ហើយនឹងព្រឹក និងរសៀល ថ្ងៃទី២៦ ខែកុម្ភៈ ខ្ញុំសូមជម្រាបជូនថា ស្ថានទូតយើងប្រចាំនៅប្រទេសរុស្ស៊ី បានរក្សាទំនាក់ទំនងជាប់ជាមួយក្រុមអតីតនិស្សិតកម្ពុជាទាំងចំនួន២៣នាក់ ដែលកំពុងរស់នៅជាមួយក្រុមគ្រួសាររបស់ពួកគេ នៅប្រទេសអ៊ុយក្រែន។ ឯកឧត្តមបន្តថា “តាមព័ត៌មានដែលស្ថានទូតទទួលបាននៅថ្ងៃទី២៧ កុម្ភៈ ពួកគាត់ទាំងអស់គ្នាមានសុវត្ថិភាពជាធម្មតាទេ។ ពួកគាត់ក៏បានឱ្យដឹងផងដែរថា បុរសអ៊ុយក្រែនអាយុពី១៨ឆ្នាំ ទៅ៦០ឆ្នាំ មិនអាចចេញពីប្រទេសបានទេ ដោយត្រូវនៅជួយការពារប្រទេស”
-
សម្តេចតេជោ ហ៊ុន សែន៖ កងទ័ពរុស្ស៉ីមិនអាចផ្តួលរំលំអ៊ុយក្រែន តាមរយៈកម្លាំងយោធាបានទេ ឯអ៊ុយក្រែនក៏មិនអាចកម្ទេចកម្លាំងយោធារបស់រុស្ស៉ីបានដែរ ពោលគឺមិនអាចយកសង្រ្គាមបញ្ចប់សង្រ្គាមបានទេច្រកចេញតែមួយគត់ គឺ ការចរចាដោយសន្តិវិធី
តាមទស្សនៈផ្ទាល់របស់ខ្ញុំ កងទ័ពរបស់ប្រទេសរុស្ស៉ីប្រហែលជាមិនអាចផ្តួលរំលំប្រទេសអ៊ុយក្រែនតាមរយៈការប្រើប្រាស់ កម្លាំងយោធាបានទេ។ចំណែកឯយោធារបស់អ៊ុយក្រែនក៏មិនអាចកំទេចកម្លាំងយោធារបស់រុស្ស៉ីបានដែរ។ពោលគឺមិនអាចយកសង្រ្គាមបញ្ចប់សង្រ្គាមបាននោះទេ ។នៅសល់ច្រកចេញតែមួយគត់ គឺការចរចាដោះស្រាយដោយសន្តិវិធី។
-
លោក ញឹក ប៊ុនឆៃ រម្លឹកពីការបែកបាក់មេដឹកនាំបក្សប្រឆាំង និងហ៊្វុនស៊ិនប៉ិច ដល់អ្នកគាំទ្រ
លោក ញឹក ប៊ុនឆៃ បានបន្តថា ផ្ទៃក្នុងរបស់អតីតមេដឹកនាំបក្សប្រឆាំងកំពុងតែបែកបាក់រវាងក្រុមលោកកឹម សុខា និងលោក សម រង្ស៊ី ដោយវ៉ៃប្រហារហែកហួរគ្នាតាមបណ្តាញសង្គម។ ការបែកបាក់នេះ គឺមកដល់ពេលនេះលោក កឹម សុខា និងលោក សម រង្ស៊ី មិនមែនជាមនុស្សតែមួយទៀតទេ ពីព្រោះមនុស្សរបស់អតីតមេដឹកនាំបក្សប្រឆាំងទាំងពីររូបនេះ បានសុំសិទ្ធិធ្វើនយោបាយឡើងវិញ និងបានបង្កើតគណបក្សនយោបាយ
-
សេចក្តីថ្លែងការណ៍របស់រដ្ឋមន្ត្រីការបរទេសអាស៊ានស្តីពីស្ថានការណ៍នៅប្រទេសអ៊ុយក្រែន
រដ្ឋមន្ត្រីការបរទេសអាស៊ាន បានចេញសេចក្តីថ្លែងការណ៍ស្តីពីស្ថានការណ៍នៅប្រទេសអ៊ុយក្រែនរួមមាន៖ ១)រដ្ឋមន្ត្រីការបរទេសអាស៊ានមានការព្រួយបារម្ភយ៉ាងខ្លាំងចំពោះការវិវត្តនៃស្ថានការណ៍ និងការប៉ះទង្គិចអាវុធនៅប្រទេសអ៊ុយក្រែន។ យើងសូមអំពាវនាវឱ្យភាគីពាក់ព័ន្ធទាំងអស់អនុវត្តការអត់ធ្មត់ជាអតិបរមា និងខិតខំប្រឹងប្រែងឱ្យអស់ពីសមត្ថភាព ដើម្បីបន្តការសន្ទនាតាមគ្រប់ច្រកផ្លូវ រួមទាំងមធ្យោបាយការទូត ដើម្បីទប់ស្កាត់ស្ថានការណ៍កុំឲ្យកាន់តែធ្ងន់ធ្ងរ កាត់បន្ថយភាពតានតឹង
-
ឯកឧត្តម ហ៊ុន ម៉ានី៖ «ដំបូន្មានរបស់ចាស់ទុំ ប្រៀបដូចជាទឹកអម្រឹត»
នៅលើបណ្តាញសង្គមហ្វេសប៊ុក នាថ្ងៃទី២៦ ខែកុម្ភៈនេះ ឯកឧត្តម ហ៊ុន ម៉ានី តំណាងរាស្ត្រមណ្ឌលកំពង់ស្ពឺបានសរសេរខ្លឹមសារដ៏មានអត្ថន័យថា “ឆ្លងកាត់បទពិសោធន៍ផ្ទាល់ក្នុងការបំពេញការងារជាមួយអ៊ំ ពូ មីង ជាកម្មាភិបាលគណបក្សប្រជាជនក្នុងមូលដ្ឋានខេត្តកំពង់ស្ពឺ និងដោយមានការអប់រំ បណ្តុះបណ្តាល ណែនាំពីប្រមុខថ្នាក់ដឹកនាំ ខ្ញុំអាចបញ្ជាក់បានថា កម្មាភិបាលវ័យក្មេងរបស់គណបក្សប្រជាជនទាំងអស់ ពិតជាបានយល់ច្បាស់ពីគុណតម្លៃនៃការចេះគោរពចាស់ទុំ និងការរួមបំពេញការងារជាមួយគ្នាដោយមិនមានប្រកាន់វ័យ”
-
សម្តេចតេជោ ហ៊ុន សែន អំពាវនាវដល់ម្ចាស់ក្រុមហ៊ុន រោងចក្រ សហគ្រាសរដ្ឋ-ឯកជន សិប្បកម្ម និងសេវាកម្មផ្សេងៗ ជួយគាំទ្រនិងចូលរួមការងារធ្វើជំរឿនសេដ្ឋកិច្ចឆ្នាំ២០២២
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្តី្រ នៃព្រះរាជាណាចក្រកម្ពុជា បានអំពាវនាវដល់ម្ចាស់ក្រុមហ៊ុន រោងចក្រ សហគ្រាសរដ្ឋ-ឯកជន សិប្បកម្ម អាជីវកម្មលក់ដុំ លក់រាយ និងសេវាកម្មផ្សេងៗទាំងអស់ សូមជួយគាំទ្រនិងចូលរួមការងារធ្វើជំរឿនសេដ្ឋកិច្ចឆ្នាំ២០២២ ដោយរីករាយ ព្រមទាំងផ្តល់ព័ត៌មានតាមសំណួរសម្ភាសន៍ដល់មន្ត្រីធ្វើជំរឿនសេដ្ឋកិច្ចឱ្យបានគ្រប់គ្រាន់ ត្រឹមត្រូវ ជាក់លាក់ និងទាន់ពេលវេលា ដើម្បីជាប្រយោជន៍ដល់រាជរដ្ឋាភិបាល សម្រាប់រៀបចំគោលនយោបាយអាទិភាពសំខាន់ៗ ក្នុងការអភិវឌ្ឍប្រទេសជាតិឱ្យបានរីកចម្រើនជឿនលឿន។
-
ក្រសួងការបរទេសកម្ពុជា បញ្ជាក់ពីស្ថានភាពប្រជាពលរដ្ឋខ្មែរចំនួន២៣នាក់ ដែលកំពុងរស់នៅអ៊ុយក្រែន
អ្នកនាំពាក្យក្រសួងការបរទេសកម្ពុជា បានឱ្យដឹងថា បន្ថែមលើព័ត៌មានដែលបានជម្រាបជូនកាលពីថ្ងៃទី២៥ ខែកុម្ភ: និងនៅព្រឹកថ្ងៃទី២៦ ខែកុម្ភ: សូមជម្រាបជូនថា ដោយមានការសម្របសម្រួលរបស់ “សមាគមអតីតនិស្សិតកម្ពុជាពីសូវៀត និងរុស្សី” លោកបានជួបសន្ទនាដោយផ្ទាល់តាមប្រព័ន្ធតេលេក្រាមជាមួយពលរដ្ឋខ្មែរយើងម្នាក់ដែលកំពុងរស់នៅក្នុងប្រទេសអ៊ុយក្រែន ហើយទទួបានព័ត៌មានថា បច្ចុប្បន្ន មានអតីតនិស្សិតដែលបានទៅសិក្សាក្នុងជំនាន់អតីតសហភាពសូវៀត ចំនួន២៣នាក់ដែលកំពង់រស់នៅជាមួយគ្រួសាររបស់ពួកគេ នៅ Kharkov ចំនួន៧នាក់ នៅតំបន់ Kyiv ១១នាក់ និងនៅ Odessa ៥នាក់។ ពួកគាត់ទាំងអស់គ្នាមានទំនាក់ទំនងជាមួយគ្នាជាប់ជាប្រចាំតាមក្រុមតេលេក្រាម។
-
លោកបណ្ឌិត គិន ភា៖ រុស្ស៊ីវាយចូលអ៊ុយក្រែននៅពេលនេះ គឺមានទម្ងន់គ្រប់គ្រាន់សម្រាប់ការចរចា
ស្ថានការណ៍នៅប្រទេសអ៊ុយក្រែនកាន់តែមានភាពតានតឹងខ្លាំងឡើងៗ និងសង្គ្រាមក៏បានផ្ទុះឡើងពេញបន្ទុកដោយការវាយលុករបស់សហព័ន្ធរុស្ស៊ីទៅលើប្រទេសអ៊ុយក្រែន គឺហាក់ដូចជាបានធ្វើឡើងតាមគ្រប់មធ្យោបាយទាំងតាមផ្លូវគោក ផ្លូវទឹក និងផ្លូវអាកាស។ តាមបណ្តោយព្រំដែនរបស់អ៊ុយក្រែនដែលជាប់ជាមួយរុស្ស៊ី គឺកងទ័ពរុស្ស៊ីកំពុងវាយលុកសម្រុកចូលអ៊ុយក្រែន។ អ្នកវិភាគបានលើកឡើងថា រុស្ស៊ីវាយចូលអ៊ុយក្រែននៅពេលនេះ គឺមានទម្ងន់គ្រប់គ្រាន់សម្រាប់ការចរចាជាមួយនឹងអង្គការណាតូ ជាមួយនឹងសហរដ្ឋអាមេរិក ជាមួយនឹងអ៊ុយក្រែន ហើយរុស្ស៊ីនឹងចាកចេញពីអ៊ុយក្រែនវិញដោយមិនដៃទទេនោះទេ។
-
ប្រធាន គ.ជ.ប ជួបជាមួយអតីតអគ្គលេខាធិការ នៃគណៈកម្មាធិការជាតិរៀបចំការបោះឆ្នោតរបស់ជប៉ុន
ឯកឧត្តម ប្រាជ្ញ ចន្ទ ប្រធាន គ.ជ.ប បានទទួលជួបសវនាការជាមួយប្រតិភូមកពីប្រទេសជប៉ុន លោក ឈីមីហ៊្សូ ដៃស៊ូខេ ( Shimizu Daisuke) អតីតអគ្គលេខាធិការនៃគណៈកម្មាធិការជាតិរៀបចំការបោះឆ្នោតរបស់ជប៉ុន ដើម្បីពិភាក្សា និងចែករំលែកបទពិសោធន៍ពាក់ព័ន្ធនឹងការគ្រប់គ្រង និងការអប់រំអ្នកបោះឆ្នោត នារសៀលថ្ងៃទី២៥ ខែកុម្ភៈ ឆ្នាំ២០២២ នៅបន្ទប់សវនាការរបស់គណៈកម្មាធិការជាតិរៀបចំការបោះឆ្នោត។