អ្នកនាំពាក្យក្រសួងយុត្តិធម៌ និងប្រធានប្រឹក្សាភិបាលវេទិកាសន្តិភាពកម្ពុជា បានឆ្លើយតទៅនឹងអង្គការឃ្លាំមើលសិទ្ធិមនុស្សអន្តរជាតិ Human Rights Watch ដែលទាមទារឱ្យតុលាការទម្លាក់បទចោទប្រកាន់លើមន្ត្រី និងអតីតមន្ត្រីការពារសិទ្ធិមនុស្សអាដហុក (ADHOC) ចំនួន៥រូប គឺជាការមិនត្រឹមត្រូវ ហើយបើចង់បញ្ជាក់ភាពស្អាតស្អំ គឺចូលរួមក្នុងដំណើរការនីតិវិធីរបស់តុលាការ និងធ្វើការការពារខ្លួនតាមផ្លូវច្បាប់។

សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជានៅថ្ងៃទី ២៣ ខែមិថុនា ឆ្នាំ២០២២នេះ បានផ្ញើសារលិខិត អបអរនិងជូនពរសម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជាបន្ទាប់ពីសម្តេចតេជោនាយករដ្ឋមន្ត្រីត្រូវបានសាលាដំបូងរាជធានីភ្នំពេញបានសម្រេចកែតម្រូវថ្ងៃ-ខែ-ឆ្នាំកំណើតរបស់សម្តេចតេជោទៅជាថ្ងៃកំណើតពិតប្រាកដវិញ។

ថ្ងៃទី២៤ ខែមិថុនា ឆ្នាំ២០២២នេះ កត់សម្គាល់ខួប៥៥ឆ្នាំ នៃទំនាក់ទំនងការទូតផ្លូវការរវាងកម្ពុជានិងវៀតណាម។ កម្ពុជានិងវៀតណាម ជាប្រទេសភូមិផងរបងជាមួយ ដែលមានព្រំដែនជាប់គ្នាប្រវែងប្រមាណជាង១,២៧០គីឡូម៉ែត្រ និងមានទន្លេមេគង្គហូរកាត់ដូចគ្នា។ ទំនាក់ទំនងរវាងប្រទេសទាំងពីរ ត្រូវបានចងភ្ជាប់ដោយចំណងប្រវត្តិសាស្ត្រ ភូមិសាស្ត្រ និងនយោបាយ។ ប្រទេសទាំងពីរបានបង្កើតទំនាក់ទំនងការទូតផ្លូវការនៅថ្ងៃទី២៤ ខែមិថុនា ឆ្នាំ១៩៦៧។

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានកិច្ចប្រជុំរដ្ឋមន្ត្រីរដ្ឋមន្ត្រីការពារជាតិអាស៊ាន-ចិន ក្រៅផ្លូវការតាមប្រព័ន្ធវីដេអូ នៅរសៀលថ្ងៃទី២២ ខែមិថុនា ឆ្នាំ២០២២នេះ។ ដោយនៅក្នុងកិច្ចប្រជុំ គឺអាស៊ាន-ចិន ប្តេជ្ញាពង្រឹងជាមួយជំនួបការពារជាតិ និងកិច្ចសហប្រតិបត្តិការសន្តិសុខ តាមរយៈក្របខ័ណ្ឌ និងយន្តការដែលមានស្រាប់ដូចជា កិច្ចប្រជុំរដ្ឋមន្ត្រីការពារជាតិអាស៊ាន-បូក វេទិកាតំបន់អាស៊ាន ការគាំទ្រដល់ការខិតខំរបស់អាស៊ានក្នុងការរក្សាតំបន់អាស៊ីអាគ្នេយ៍គ្មានអាវុធនុយក្លេអ៊ែរ។

សាលាដំបូងរាជធានីភ្នំពេញ បានចេញដីកាសម្រេចកែតម្រូវថ្ងៃខែឆ្នាំកំណើតរបស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ពីថ្ងៃទី០៤ ខែមេសា ឆ្នាំ១៩៥១ ទៅជាថ្ងៃកំណើតពិតប្រាកដ ថ្ងៃទី០៥ ខែសីហា ឆ្នាំ១៩៥២ ត្រូវនឹងថ្ងៃអង្គារ ១៥កើត ខែស្រាពណ៍ ឆ្នាំរោង ចត្វាស័ក ព.ស ២៤៩៦។ នេះបើតាមដីកាសម្រេចរបស់តុលាការនៅថ្ងៃទី២២ ខែមិថុនា ឆ្នាំ២០២២។

អគ្គលេខាធិការនៃអង្គការសម្ព័ន្ធពិភពឥស្លាម ឯកឧត្តមបណ្ឌិត Muhammad bin Abdul Karim Issa និងជាជាអតីតរដ្ឋមន្រ្តីក្រសួងយុត្តិធម៌នៃព្រះរាជាណាចក្រអារ៉ាប៊ីសាអូឌីត បានបញ្ជាក់ថា គោលនយោបាយសុខដុមនីយកម្មរបស់រាជរដ្ឋាភិបាលកម្ពុជា និងការប្រព្រឹត្តយ៉ាងត្រឹមត្រូវចំពោះជនជាតិម៉ូស្លីម ត្រូវបានទទួលការកោតសរសើរពីសំណាក់អង្គការសម្ព័ន្ធពិភពឥស្លាម និងប្រជាជាតិម៉ូស្លីមផងដែរ និងបានវាយតម្លៃខ្ពស់ចំពោះកម្ពុជាថាជាគម្រូដ៏ល្អមួយរបស់ពិភពលោកសម្រាប់សុខដុមនីយកម្ម និងសន្តិសហវិជ្ជមានក្នុងចំណោមប្រជាជនដែលមានដើមកំណើត និងសាសនាផ្សេងគ្នា។

កិច្ចប្រជុំ​រដ្ឋមន្ត្រី​ការពារជាតិ​អាស៊ាន​លើក​ទី​១៦ នា​ឆ្នាំ​២០២២​នេះ ដែល​កម្ពុជា​ធ្វើជា​ម្ចាស់ផ្ទះ​បាន​ដំណើរការ​ជា​ផ្លូវការ នៅ​ព្រឹក​ថ្ងៃទី​២២ ខែមិថុនា ឆ្នាំ​២០២២ ដែល​ដឹកនាំ​ដោយ​សម្ដេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​។ កិច្ចប្រជុំ​នេះ​មានការ​អញ្ជើញ​ចូលរួម​ពី​សំណាក់​រដ្ឋមន្ត្រី​ការពារជាតិ​នៃ​បណ្តា​ប្រទេស​អាស៊ាន ក្នុងនោះ​ក៏មាន​វត្តមាន​រដ្ឋមន្ត្រី​ការពារជាតិ​នៃ​ប្រទេស​មី​យ៉ាន់​ម៉ា​ផងដែរ​។​

បណ្តា​រដ្ឋមន្ត្រី​ការពារជាតិ​អាស៊ាន​បានបញ្ជាក់​អំពី​ការគាំទ្រ​និង​អបអរសាទរ​ចំពោះ​ភាពជា​ម្ចាស់ផ្ទះ​កិច្ចប្រជុំ​រដ្ឋមន្ត្រី​ការពារជាតិ​អាស៊ាន ក្នុងពេលដែល​កម្ពុជា​ធ្វើជា​ម្ចាស់ផ្ទះ ។

រដ្ឋមន្ត្រីក្រសួងការពារប្រទេសថៃ បានប្តេជ្ញាគាំទ្រចំពោះកម្ពុជាធ្វើម្ចាស់ផ្ទះកិច្ចប្រជុំរដ្ឋមន្ត្រីការពារជាតិអាស៊ាន សំដៅលើកកម្ពស់ទំនាក់ទំនងរវាងកម្ពុជា-ថៃ ជាដៃគូយុទ្ធសាស្រ្តគ្រប់ជ្រុងជ្រោយ និងយូរអង្វែង ពង្រឹងពង្រីកចំណងមិត្តភាព សាមគ្គីភាព ជាបងប្អូន និងកិច្ចសហប្រតិបត្តិការលើគ្រប់វិស័យ ទាំងនយោបាយសន្តិសុខ សេដ្ឋកិច្ច និងសង្គមវប្បធម៌។