នៅក្នុង​សង្គម​ប្រជាធិបតេយ្យ យើង​អាចមាន​ជម្រើស​ច្រើន។ ប៉ុន្តែ​យើង​មិនត្រូវ​បោះឆ្នោត​ដើម្បី​តែ​ប្រយោជន៍​របស់​គណបក្ស​ណាមួយ​នោះឡើយ​។ គណបក្សនយោបាយគ្រាន់តែ​ជា​បេក្ខភាព​ដើម្បី​បម្រើ​រាស្ត្រ​តែប៉ុណ្ណោះ​។ ដូច្នេះ គឺជា​ការចាំបាច់​ណាស់ដែល​យើង​ត្រូវ​បោះឆ្នោត​ដើម្បី​ខ្លួនឯង ដើម្បី​គ្រួសារ និង​ដើម្បី​សង្គមជាតិ​យើង​។

អ្នកនាំពាក្យ​គណៈកម្មាធិការ​ជាតិ​រៀបចំ​ការបោះឆ្នោត(គ.ជ.ប) ឯកឧត្តម ហង្ស ពុទ្ធា បាន​បញ្ជាក់ថា ចាប់ពី​ថ្ងៃ​បើក​យុទ្ធនាការ​ឃោសនាបោះឆ្នោត​ជ្រើស​ជ្រើសរើស​ក្រុមប្រឹក្សា​អាណត្តិ​ទី​៥ ពោលគឺ​ចាប់ពី​ថ្ងៃទី​២១-២៦ ខែឧសភាឆ្នាំ​២០២២ មាន​ពាក្យបណ្ដឹង​ចំនួន ៣៣ ហើយ​ត្រូវបាន​គណៈកម្មការ​ឃុំ សង្កាត់​រៀបចំ​ការបោះឆ្នោតបាន​ដោះស្រាយ និង​កំពុងធ្វើការ​ដោះស្រាយ​ពាក្យបណ្តឹង​ទាំងនោះ​ទៅតាម​នីតិវិធី​។

ឯកឧត្តម ហ្សា​ហៀ​រូ​ឌី​ន បា​បា ថា​ហ៊ីម ឯកអគ្គរដ្ឋទូត​អ៊ីស្លាម​ប៉ា​គី​ស្ថានប្រចាំ​ព្រះរាជាណាចក្រ​កម្ពុជា បាន​សម្តែង​នូវ​ការកោតសរសើរអបអរសាទរ និង​វាយតម្លៃ​ខ្ពស់​ចំពោះ​ប្រទេស​កម្ពុជា​ក្នុងការ​គ្រប់គ្រង​ជំងឺ​កូ​វីដ​-១៩ ប្រកបដោយ​ជោគជ័យ​។ ក្រោម​ការដឹកនាំ​ដ៏​ឈ្លាសវៃ​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា កម្ពុជា​បានទទួល​នូវ​សមិទ្ធផល​ដ៏ អស្ចារ្យ​ក្នុងការ​គ្រប់គ្រង​សេដ្ឋកិច្ច និង​ការគ្រប់គ្រង​ជំងឺ​កូ​វីដ​-១៩ ហើយ​ប្រទេស​កម្ពុជា​បាន​បើក​ដំណើរការ​ពេញលេញ​ឡើងវិញ​។ ជាពិសេស​ក្នុង​រយៈកាល​ថ្មីៗ​នេះ មិនមាន​ការឆ្លង​ជំងឺ​កូ​វីដ​-១៩ នៅក្នុង​សហគមន៍​ឡើយ​។

ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងជាអនុប្រធានគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ បានបញ្ជាក់ថា កត្តាជោគជ័យនៃការគ្រប់គ្រងការរីករាលនៃជំងឺកូវីដ-១៩ នៅកម្ពុជា គឺបានមកដោយកត្តា០២យ៉ាង ប្រទេសកម្ពុជាមានថ្នាក់ដឹកនាំកំពូល គឺសម្តេចតេជោ នាយករដ្ឋមន្ត្រី ដែលបានដឹកនាំដោយតម្កល់ការសង្គ្រោះអាយុជីវិត និងជីវភាពរស់នៅរបស់ប្រជាពលរដ្ឋជាកត្តាអាទិភាពចម្បងបំផុត។ សម្តេចមានចក្ខុវិស័យវែងឆ្ងាយ ហើយបានប្រមើលមើលតាំងតែពីដើមដំបូង​នៃស្ថានការណ៍រីករាលដាលនៃជំងឺនេះ ដោយបានកំណត់ទុកថា មានតែការចាក់ថ្នាំវ៉ាក់សំាងជូនប្រជាពលរដ្ឋនៅទូទាំងប្រទេសប៉ុណ្ណោះ ទើបអាចទប់ស្កាត់ការរីករាលដាលបាន។

សភាពការណ៍​ទូទៅ នៃ​ដំណើរការ​ឃោសនាបោះឆ្នោត​របស់​គណបក្សនយោបាយ​ក្នុង​ថ្ងៃទី​ប្រាំមួយ​នេះ បាន​ប្រព្រឹត្ត​ទៅក្នុង​បរិយាកាស​មាន​សន្តិសុខ សុវត្ថិភាព សណ្តាប់ធ្នាប់​ល្អ គ្មាន​អំពើហិង្សា និង​គ្មាន​ការគំរាមកំហែង​។ នេះ​បើ​យោងតាម​សេចក្តីប្រកាស​ព័ត៌មាន​របស់ គ​.​ជ​.​ប នៅល្ងាច​ថ្ងៃទី​២៦ ខែឧសភា ឆ្នាំ​២០២២​នេះ។​

​គណបក្ស​ប្រជាជន​កម្ពុជា ជា​គណបក្សកាន់អំណាច​រាប់សិប​ឆ្នាំ​មកហើយ ។ ​ខ្លឹមសារ​កម្មវិធី​នយោបាយ​មិនមាន​អ្វី​ប្រែប្រួល​ទេ ។បន្ត​កែលំអកម្មវិធី​នយោបាយ​ដែល​បានដាក់​ចេញ និង​បាន​អនុវត្ត​រួចហើយ​ឲ្យ​កាន់​តែមាន​លក្ខណៈ​ល្អប្រសើរ និង​មាន​ប្រសិទ្ធភាព​ក្នុងការ​កសាង​អភិវឌ្ឍន៍​ប្រទេស ភូមិ ឃុំ សង្កាត់​របស់​យើង ឲ្យ​កាន់​តែមាន​លក្ខណៈ​ល្អប្រសើរ​ជាង​រយៈពេល​កន្លងទៅនេះ និង​កែលំអ​ចំណុច​ណា​ដែល​ខ្វះខាត ចំណុច​ណា​ដែល​មិនទាន់​សុក្រឹតភាព ធ្វើ​យ៉ាងម៉េច​ឲ្យ​មាន​សុក្រឹតភាព។

ឯកឧត្តម ហ៊ុន ម៉ានី សមាជិកគណៈកម្មាធិការកណ្តាល និងជាអនុប្រធានទី១ ក្រុមការងារគណបក្សប្រជាជនកម្ពុជា ចុះជួយខេត្តកំពង់ស្ពឺ បានបញ្ជាក់ថា គណបក្សប្រជាជនកម្ពុជា គឺជាគណបក្សដែលមានស្មារតីស្រលាញ់ និងគោរពដល់ប្រជាជនខ្មែរ និងស្ម័គ្រចិត្តបម្រើប្រជាជនអស់ពីចិត្ត ពីថ្លើម ប្រកបដោយគុណធម៌ សាមគ្គីភាព និងស្មារតីជួយគ្នានាគ្រាអាសន្ន ដែលនេះក៏ជាប្រពៃណីទំនៀមទម្លាប់របស់ប្រជាជនខ្មែរតាំងពីបុរាណកាលមកម្លេះ។ មានតែគណបក្សប្រជាជនកម្ពុជាទេ ដែលច្បាស់លាស់ និងអាចធានាវឌ្ឍនភាពយ៉ាងពិតប្រាកដរបស់ប្រជាជនកម្ពុជា។

គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា សភាពការណ៍ទូទៅនៃដំណើរការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ របស់គណបក្សនយោបាយក្នុងថ្ងៃទីប្រាំនេះ បានប្រព្រឹត្តទៅដោយរលូន មានសន្តិសុខ សុវត្ថិភាព សណ្តាប់ធ្នាប់ល្អ គ្មានអំពើហិង្សា និងគ្មានការគំរាមកំហែង។ នេះបើតាមសេចក្តីប្រកាសព័ត៌មានរបស់ គ.ជ.ប នៅថ្ងៃទី២៥ ខែឧសភា ឆ្នាំ២០២២។

គណៈកម្មាធិការ​ជាតិ​រៀបចំ​ការបោះឆ្នោត​(​គ​.​ជ​.​ប​)​នៅ​ថ្ងៃទី​២៥ ​ខែឧសភា​នេះ​ បានធ្វើការ​កត់សម្គាល់ថា​ផ្អែក​តាម​ប្រតិទិន នៃ​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ ការឃោសនាបោះឆ្នោត​ត្រូវ​ចាប់ផ្តើម​ពីថ្ងៃ​ទី​២១ ខែឧសភា រហូតដល់​ថ្ងៃទី​៣ ខែមិថុនា ឆ្នាំ​២០២២​។ ក្នុង​រយៈពេល​ប៉ុន្មាន​ថ្ងៃ​ដំបូង​នៃ​ការចាប់ផ្តើម​យុទ្ធនាការ​នេះ​ ដោយមាន​ការសម្របសម្រួល និង​ផ្តល់​កិច្ចសហការ​ល្អ​ពី​សំណាក់​អាជ្ញាធរ​ដែនដី ជាមួយ​គណៈកម្មការ​រៀប​ចំការ​បោះឆ្នោត​តាម​លំដាប់ថ្នាក់ គណបក្សនយោបាយ​ដែល​បាន​ចុះបញ្ជី​បេក្ខជន​ឈរឈ្មោះ​បោះឆ្នោត​ទាំងអស់​បានធ្វើ​សកម្មភាព​ឃោសនា​តាម​មណ្ឌលបោះឆ្នោត​រៀងៗ​ខ្លួន​តាម​លទ្ធ​ភាពស្រប​តាម​កម្មវិធី​ដែល​បានកំណត់ ​និង​ក្នុង​បរិយាកាស​មាន​សន្តិសុខ​សុវត្ថិភាព​និង​សណ្តាប់ធ្នាប់​សាធារណៈ គ្មាន​អំពើហិង្សា គ្មាន​ការគំរាមកំហែង។

តបតាមការអញ្ជើញរបស់លោក ហាសិបេ ត្សឺយ៉ូហ្ស៊ី (HASEBE Tsuyoshi) ប្រធាន និងជានាយកប្រតិបត្តិក្រុមហ៊ុននីកកេ (Nikkei Inc.)  សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នឹងចូលរួមជាមួយប្រមុខរដ្ឋ/រដ្ឋាភិបាល និងឥស្សរជនជាន់ខ្ពស់មកពីបណ្ដាប្រទេសអាស៊ីដ៏ទៃទៀត  ថ្លែងសុន្ទរកថាក្នុងសន្និសីទ អន្តរជាតិ លើកទី២៧  ស្ដីពី «អនាគតរបស់អាស៊ី»  ក្រោមមូលបទ  «ការកំណត់ឡើងវិញនូវតួនាទីរបស់ទ្វីបអាស៊ីនៅក្នុងពិភពលោកដែលបែកខ្ញែក»  ដែលនឹងប្រព្រឹត្តទៅក្នុងទម្រង់រូបវ័ន្តផង និង តាមប្រព័ន្ធអនឡាញផង នៅថ្ងៃទី ២៦-២៧ ខែ ឧសភា ឆ្នាំ២០២២ នៅទីក្រុងតូក្យូ ប្រទេសជប៉ុន។