នៅថ្ងៃទី២៥ ខែឧសភា ឆ្នាំ២០២២ ពីទីក្រុងដាវ៉ូស ប្រទេសស្វីស សម្តេចតេជោ ហ៊ុន សែននាយករដ្ឋមន្រ្តីកម្ពុជាបានផ្ញើសារពិសេសជាសំឡេង ដែលទាក់ទិននឹងបេសកកម្មរបស់សម្តេចនៅទីក្រុងដាវ៉ូស ប្រទេសស្វីស ដើម្បីចូលរួមក្នុង«វេទិកាសេដ្ឋកិច្ចពិភពលោក» និងស្ថានភាពវិវត្តន៍ថ្មីៗនៅកម្ពុជា។

គណៈកម្មាធិការ​ជាតិ​រៀបចំ​ការបោះឆ្នោត(​គ.ជ.ប)បានបញ្ជាក់ថាសភាពការណ៍ទូទៅនៃដំណើរការឃោសនាបោះឆ្នោត ​របស់​គណបក្សនយោបាយ​ក្នុង​ថ្ងៃទី​បួន​នេះ គឺ​បាន​ប្រព្រឹត្ត​ទៅដោយ​រលូន មាន​សន្តិសុខ សុវត្ថិភាព សណ្តាប់ធ្នាប់​ល្អ គ្មាន​អំពើហិង្សា និង​គ្មាន​ការគំរាមកំហែង​។

ឯកឧត្តម Remco Johannes va Wijngaarden ឯកអគ្គរាជទូត​នៃ​ព្រះរាជាណាចក្រ​ហូ​ឡង់​ប្រចាំ​កម្ពុជា បាន​វាយតម្លៃ​ខ្ពស់​ចំពោះ​ដំណើរ​វិវត្តន៍​ជា​វិជ្ជមាន​នៃ​ស្ថានការណ៍​នយោបាយ​នៅ​កម្ពុជា ដែល​ស្តែងឡើង​តាមរយៈ​ដំណើរការ​រៀបចំ​ជា​ប្រក្រតី​នៃ​ការបោះឆ្នោត​ឃុំ​-​សង្កាត់​នៅក្នុង​ឆ្នាំ​២០២២​នេះ ក៏ដូចជា​ការបោះឆ្នោត​ថ្នាក់ជាតិ​នៅក្នុង​ឆ្នាំ​២០២៣​ខាងមុខ។

ឯកឧត្តម ជិន វៀត​ជឿ​ង បាន​កោតសរសើរ​ដល់​ការអភិវឌ្ឍ​រីកចម្រើន​លូតលាស់​លើ​គ្រប់​វិស័យ​របស់ កម្ពុជា​នាពេល​បច្ចុប្បន្ន និង​បាន​ថ្លែង​នូវ​ការអបអរសាទរ​ក្នុងឱកាស​ខួប​លើក​ទី​៥៥ នៃ​ទំនាក់ទំនង​ការទូត​រវាង​កម្ពុជា​-​វៀតណាម នៅក្នុង​ឆ្នាំ​២០២២ នេះ​។

រយៈពេល៣ថ្ងៃ គឺចាប់ពីថ្ងៃទី២១-២៣ ខែឧសភា ឆ្នាំ២០២២ ក្នុងដំណាក់កាលឃោសនាបោះឆ្នោត ជ្រើសរើសក្រុមប្រឹក្សា ឃុំ សង្កាត់ អាណទ្តិទី៥ ឆ្នាំ២០២២ គណៈកម្មាការឃុំសង្កាត់រៀបចំការបោះឆ្នោត ទាំង២៥ រាជធានី ខេត្ត បានទទួលបណ្តឹងចំនួន១៨បណ្តឹង ដោយក្នុងបណ្តឹងទាំងនោះ ប្តឹងទៅគណៈកម្មាការឃុំសង្កាត់រៀបចំ ការបោះឆ្នោតសុំឲ្យផ្តន្ទាទោស។ បណ្តឹងទាំង១៨ គឺប្តឹងដោយសកម្មជនគណបក្សប្រជាជនកម្ពុជា ចំនួន ១៤បណ្តឹង ប្តឹង ដោយអាជ្ញាធរ១បណ្តឹង ប្រជាពលរដ្ឋ១បណ្តឹង ប្រធានគណបក្សប្រជាជនកម្ពុជាឃុំ១បណ្តឹង និងគណបក្សភ្លើងទៀន ១បណ្តឹង។

នៅលើបណ្តាញសង្គមហ្វេសប៊ុកនៅថ្ងៃទី២៣ ខែឧសភានេះ ឯកឧត្តម ហ៊ុន ម៉ានី តំណាងរាស្ត្រមណ្ឌលកំពង់ស្ពឺ បានសរសេរថា ទំនុកចិត្ត ក្តីស្រលាញ់ និងការគាំទ្រដែលប្រជាពលរដ្ឋផ្តល់ជូនគណបក្សប្រជាជនកម្ពុជាយើង មិនអាចកើតមានឡើយប្រសិនបើថ្នាក់ដឹកនាំមូលដ្ឋានយើងមិននៅជាប់ជាមួយពួកគាត់ជាប្រចាំ ដឹងសុខដឹងទុក្ខ រួមដំណើរជាមួយគ្នា និងសម្របសម្រួលដោះស្រាយបញ្ហាប្រឈមជូនពួកគាត់ឱ្យបានទាន់ពេលវេលា។

គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសឲ្យដឹងថា ថ្ងៃទីបី នៃយុទ្ធនាការឃោសនាបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ គឺបានប្រព្រឹត្តទៅដោយរលូន មានសន្តិសុខ សុវត្ថិភាព សណ្តាប់ធ្នាប់ល្អ និងគ្មានអំពើហិង្សា។

ឯកឧត្តម បណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាលគណ​បក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាលបានបញ្ជាក់ថា​ ការផ្តល់ឱកាសដល់ការចូលរួមរបស់កម្លាំងយុវជន ត្រូវបានថ្នាក់ដឹកនាំ និងអង្គការចាត់តាំងគណបក្សប្រជាជនកម្ពុជាគ្រប់ថ្នាក់ ចាត់ទុកជាការងារស្នូលចាប់តាំងពីពេលដែលគណបក្សត្រូវបានបង្កើតឡើង និងធ្វើសកម្មភាព។ ជាក់ស្តែង ថ្នាក់ដឹកនាំកំពូលរបស់គណបក្ស ជាពិសេស សម្តេចតេជោ ប្រធានគណបក្ស ក៏តែងបានយកចិត្តទុកដាក់ជាខ្លាំងលើការងារពង្រឹងអង្គការចាត់តាំងយុវជន និងការងារកសាងសមាជិកគណបក្សក្នុងជួរយុវជន ដើម្បីជាយន្តការជំនួយឱ្យគណបក្សលើការងារបំផុសយុវជនឱ្យមានស្មារតីស្នេហាជាតិ ស្រឡាញ់ប្រជាជន បម្រើប្រជាជនដោយឥតលក្ខខណ្ឌ ជឿជាក់លើការដឹកនាំរបស់គណបក្ស ហ៊ានការពារគណបក្ស និងក៏ជាយន្តការសំខាន់មួយជាជំនួយដល់គណបក្សក្នុងការកសាងកម្លាំងបន្តវេន។

នៅថ្ងៃបើកឆាកដំបូង នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ត្រូវនឹងថ្ងៃទី២១ ខែឧសភានេះ គឺការឃោសនារបស់គណបក្សនយោបាយទាំង១៧ នៅទូទាំងប្រទេស គឺបានប្រព្រឹត្តទៅដោយរលូនមិនមានបញ្ហាអ្វីកើតឡើងនោះទេ ដែលនេះបង្ហាញពីភាពចាស់ទុំរបស់គណបក្សនយោបាយ។ នេះបើតាមការបញ្ជាក់របស់ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) ថ្លែងប្រាប់ AMS នៅល្ងាចថ្ងៃទី២១ ខែឧសភា ឆ្នាំ២០២២។

ឯកឧត្តម ហ៊ុន ម៉ានី បានសរសេរនៅលើបណ្តាញសង្គមហ្វេសប៊ុកនៅថ្ងៃទី២១ ខែឧសភានេះថា “ក្រោមម្លប់នៃសន្តិភាព ថ្ងៃនេះ ប្រជាជនកម្ពុជាដែលគ្រប់អាយុបោះឆ្នោត បានចេញដំណើរទៅតាមមូលដ្ឋានរៀងៗខ្លួន ធ្វើចលនាឃោសនាគណបក្ស ដែលខ្លួនគាំទ្រ។ នេះមិនត្រឹមតែជាសេរីភាពបុគ្គល ប៉ុន្តែជាការសរបញ្ជាក់ពីលំនឹងប្រជាធិបតេយ្យ ដែលកម្ពុជាខ្លួនឯង ប្រឹងប្រែងបណ្តុះ និងទទួលបានផ្លែផ្កានៅពេលនេះ។ ខ្ញុំសូមជូនពរយឱ្យដំណើរការនៃយុទ្ធនាការនេះ ប្រព្រឹត្តទៅដោយជោគជ័យ ក្នុងភាពថ្លៃថ្នូរ និងដើម្បីអនាគតកម្ពុជាតែមួយ”។