ភ្នំពេញ៖ គ្រោះថ្នាក់ចរាចរណ៍ផ្លូវគោកទូទាំងប្រទេស គិតត្រឹម រសៀលថ្ងៃទី១៨ ខែកក្កដា ឆ្នាំ២០២២ ម្សិលមិញ បណ្តាលឱ្ យមនុស្សពីរស្លាប់និង របួសធ្ងន់ស្រាលប្រាំនាក់ (ស្រាលមួយ នាក់)។

ភ្នំពេញ ៖ យោងតាមប្រភពព័ត៌មានពីរបាយការណ៍របស់អគ្គស្នងការនគរបាលជាតិ បានឱ្យដឹងនៅព្រលប់ថ្ងៃចន្ទទី១៨ ខែកក្កដា ឆ្នាំ២០២២ ម្សិលមិញថា ជនសង្ស័យចំនួន ៥៤នាក់ ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀន ចំនួន ២៦ករណី ទូទាំងប្រទេសនៅថ្ងៃទី១៨ ខែកក្កដា ឆ្នាំ២០២២។ ដូច្នេះ សូមជៀសឱ្យឆ្ងាយពីគ្រឿងញៀន គ្រឿងញៀនបំផ្លាញអនាគតអ្នក និងក្រុមគ្រួសារអ្នក។

ភ្នំពេញ ៖ រថយន្តស៊េរីទំនើបមួយគ្រឿងម៉ាកJAGUAR សង្ស័យអ្នកបើកបរលឿនពេកខ្វះការប្រុងប្រយ័ត្ន បណ្ដាលឲ្យរេចង្កូតឡើងលើសួនជាប់ទៅមុខលែងរួច កាលពីវេលាម៉ោង ៩និង ៤០ នាទីយប់ថ្ងៃទី ១៨ ខែកក្កដា ឆ្នាំ ២០២២ នៅត្រង់ចំណុចសួនវិមានឯករាជ្យ តាមបណ្ដោយផ្លូវព្រះនរោត្តម កែងនិងផ្លូវព្រះសីហនុ ស្ថិតក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។

ខេត្តព្រះវិហារ៖ ចៅក្រមស៊ើបសួរ នៃសាលាដំបូងខេត្តព្រះវិហារ បានចេញដីកាឃុំខ្លួនបណ្តោះអាសន្ន លើបុរសជាឪពុកដែលបានប្រើអំពើហិង្សា វាយដំ ទាត់ធាក់ កូនស្រីរបស់ខ្លួន ក្រោមបទចោទ «ប្រើអំពើហិង្សាក្នុងគ្រួសារ និងហិង្សាដោយចេតនា» តាមមាត្រា៥ នៃច្បាប់ ស្តីពីការទប់ស្កាត់ អំពើហិង្សាក្នុងគ្រួសារ និងកិច្ចការពារជនរងគ្រោះ និងមាត្រា ៤១៧ នៃក្រមព្រហ្មទណ្ឌ។

ភ្នំពេញ ៖ សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ព្រឹកថ្ងៃចន្ទ ៥រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៨ ខែកក្កដា ឆ្នាំ២០២២ បានអញ្ជើញជាអធិបតី និងប្រទានភ្លើងបូជាសព ឯកឧត្តម អ៉ឹង គៀត ឧត្តមប្រឹក្សាផ្ទាល់ព្រះមហាក្សត្រ ។ ពិធីបូជាសព បានប្រព្រឹត្តទៅនៅទីមេរុ នាទីធ្លាមុខវត្តបទុមវតី ។

បរទេស៖ គិតត្រឹមព្រឹកថ្ងៃទី១៨ ខែកក្កដា ឆ្នាំ២០២២នេះ ចំនួនអ្នកឆ្លងជំងឺ កូវីដ១៩(COVID-19 )នៅទូទាំងពិភពលោក បានកើនឡើងដល់ ៥៦៧,៥៩៣,៩៦៣នាក់ហើយ។ ក្នុងនោះអ្នកស្លាប់មានចំនួន ៦,៣៨៧,៥១៤នាក់ និងជាសះស្បើយឡើងវិញ ៥៣៨,៦៥៧,២៨៣នាក់។

រីយ៉ាដ៖ ប្រធានាធិបតីអាមេរិកលោក ចូ បៃដិន បានស្នើឱ្យប្រទេសអារ៉ាប់បង្កើនការផលិតប្រេងឆៅ ក្នុងអំឡុងកិច្ចប្រជុំកំពូលនៅប្រទេសអារ៉ាប៊ីសាអូឌីត ប៉ុន្តែលោកមិនបានទទួលការឆ្លើយតបភ្លាមៗនោះទេ។ អេហ្ស៊ីប ហ្ស៊កដានី អ៊ីរ៉ាក់ និងសមាជិកក្រុមប្រឹក្សាសហប្រតិបត្តិការឈូងសមុទ្រ បានចូលរួមក្នុងកិច្ចប្រជុំខាងលើនេះ នៅថ្ងៃសៅរ៍សប្តាហ៍មុន (ម៉ោងក្នុងតំបន់) នៅទីក្រុងJeddah។

ភ្នំពេញ ៖ នារីម្នាក់បានបេីករថយន្តស៊េរីទំនើបម៉ាកឡិចស៊ី ស NX 300ក្នុងល្បឿនលឿន ជ្រុលទៅបុករៈរ៉ឺម៉កកង់បីឥណ្ឌាចំនួន០៣គ្រឿងដែលឈប់នៅចិញ្ចេីមផ្លូវចាំដឹកម៉ូយបណ្តាលឲ្យរងការខូចខាតយ៉ាងដំណំ បង្កការភ្ញាក់ផ្អើលកាលពីវេលាម៉ោង១១និង២០នាទីយប់ ថ្ងៃទី១៧ ខែកក្កដា ឆ្នាំ២០២២ នៅចំណុចមុខអាគាព្រីនស៍ ផ្លាហ្សា តាមបណ្តោយផ្លូវព្រះនរោត្តម ស្ថិតក្នុងសង្កាត់ទន្លេ បាសាក់ ខណ្ឌ ចំការមន ហេីយព្យាយាមបេីករត់រហូតទៅដល់មុខវត្តថាន់ទេីបប្រជាពលរដ្ឋដេញឃាត់ជាប់ ។