ភ្នំពេញ ៖ នារីម្នាក់បានស្លាប់ក្រោយពេលបញ្ជូនទៅសង្គ្រោះនៅឯមន្ទីរពេទ្យ និងបុរសពីរនាក់ទៀតបានរងរបួសធ្ងន់ បន្ទាប់ពីជិះម៉ូតូមួយគ្រឿង ជ្រុលទៅបុករថយន្តទំនើបម៉ាកALPHARD កំពុងបត់ត្រឡប់ក្រោយ ពេញទំហឹង កាលពីវេលាម៉ោង១ និង ៤៥នាទីយប់រំលងអាធ្រាត្រឈានចូលថ្ងៃទី ១៣ ខែកក្កដាឆ្នាំ ២០២២នៅត្រង់ចំណុចមុខអាគារអេវូដ តាមបណ្តោយផ្លូវសហព័ន្ធរុស្ស៊ី ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។

ភ្នំពេញ ៖ គ្រោះអគ្គិភ័យ ឆ្លងចរន្តអគ្គិសនីឆេះរោងកម្មករ សំណង់ របស់ក្រុមហ៊ុន ហួង សាន អ៉ីនធេីណេសិនណលមួយកន្លែង បណ្តាលឱ្យឆេះខូចខាតចំនួន ១០បន្ទប់ស្នាក់នៅអស់ទាំងស្រុង តែសំណាងល្អ មិនបណ្ដាលឱ្យមានមនុស្សរងរបួសនោះទេ។ ហេតុការណ៍គ្រោះអគ្គិភ័យនេះ បានកើតឡើងកាលពីវេលាម៉ោង៧ និង៤៥នាទីព្រឹក ថ្ងៃទី១៣ ខែកក្កដា ឆ្នាំ២០២២ ស្ថិតនៅតាមបណ្តោយផ្លូវចៃកា នៅភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ខេត្តព្រះវិហារ៖ ឈើប្រណិតប្រភេទធ្នុងជាង ២០ដុំ ត្រូវបានកម្លាំងសង្កាត់រដ្ឋបាលព្រៃឈើត្បែងមានជ័យ ចុះបង្ក្រាប និងរឹបអូសបាន គ្រាដែលឈ្មួញបានធ្វើការដឹកជញ្ជូនតាមគោយន្តកន្ត្រៃ មកទម្លាក់ទុកក្នុងបរិវេណផ្ទះប្រជាពលរដ្ឋ និងត្រៀមលក់បន្តឲ្យឈ្មួញ ដឹកយកទៅលក់ឲ្យក្រុមអ្នកបើកសិប្បកម្មកែច្នៃឈើ នៅក្នុងក្រុងព្រះវិហារ។

ព្រះសីហនុ:ព័ត៌មានបឋមបានឱ្យដឹងថា កំណាត់ផ្លូវជាតិលេខ៤ ចន្លោះ គ.ម ១១៥- គ.ម ១១៦ ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សិលា ខេត្តព្រះសីហនុ ដែលអាជ្ញាធរបានផ្អាកការធ្វើចរាចរណ៍ជាបណ្ដោះអាសន្ន ឥឡូវដោយទឹកជំនន់បានស្រកវិញ ។ដូច្នេះកាលម៉ោង ជាង១១ យប់ ថ្ងៃទី ១២ ខែ កក្កដា អាជ្ញាធរបានអនុញ្ញាតឱ្យយានយន្តធ្វើចរាចរជាធម្មតាវិញហើយ។

មណ្ឌលគីរី:សេចក្ដីរាយការណ៍ពីប្រជាពលរដ្ឋនៅស្រុកកែវសីមាបានឲ្យដឹងថា នៅព្រឹកថ្ងៃទី១២ កក្កដា ២០២២ ជំនន់ទឹកភ្លៀងបានជន់ឡើងពីដងអូរ លិចចូលក្រោមផ្ទះសម្បែងរបស់ប្រជាពលរដ្ឋមួយចំនួនក្នុងភូមិស្រែខ្ទុម ឃុំស្រែខ្ទុម ស្រុកកែវសីមា ប៉ុន្តែមិនបង្កផលប៉ះពាល់ធ្ងន់ធ្ងរនោះទេ ហើយគិតរហូតដល់ម៉ោង១១ព្រឹកថ្ងៃដដែលនេះ ជំនន់ទឹកភ្លៀងមិនទាន់មានសភាពជន់ឡើងបន្តទៀតទេ ។

កំពង់ឆ្នាំង៖ នៅភូមិស្វាយផ្អែម ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង អំឡុងនៃថ្ងៃបុណ្យរ៉យ៉ាហាជីត្រូវបានប្រជាពលរដ្ឋដែលជាបងប្អូនខ្មែរអ៊ីស្លាមបានប្រារព្ធពីធីបុណ្យរ៉យ៉ាហាជីយ៉ាងអធិកអធម។ក្នុងនេះក៏មាន ការចែកជូនសាច់គោ ពីសប្បុរសជន ដែលត្រូវបានសំឡេះ (Kurban) គោចំនួន៣០ក្បាល ចែកជូន៦ភូមិក្នុងឃុំស្វាយជុក ។