ភ្នំពេញ ៖ រថយន្កហ្វត មួយគ្រឿង ដែលបេីកបរដោយបុរសម្នាក់ធ្វេីដំណេីរក្នុងល្បឿនលឿន បានជ្រុលទៅបុករថយន្តកូរ៉េត្រង់ចំណុចស្តុបបែកជាបួនបណ្ដាលឲ្យក្រឡាប់ផ្ងារជើងម្ខាង តែមិនបង្កឲ្យមានអ្នករងរបួសនោះទេ ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ១០ និង ៤០នាទីយប់ថ្ងៃទី២ ខែធ្នូ ឆ្នាំ២០២០ នៅចំណុចមុខស្តុបណតប្រីត តាមបណ្ដោយផ្លូវ២០០៤កែង និងផ្លូវ១០១៩ ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តម៉ាកហ្វតមួយគ្រឿង ពណ៌កណ្ដុរប្រមេះ ពាក់ស្លាកលេខភ្នំពេញ2BF-5215ធ្វើដំណើរតាមបណ្តោយផ្លូវ១០១៩ ទិសដៅពីត្បូងមកជេីងក្នុងល្បឿនលឿន លុះមកដល់ចំណុចកើតហេតុខាងលើ បានជ្រុលទៅបុករថយន្តកូរ៉េ ពណ៌ខៀវ ពាក់ស្លាកលេខភ្នំពេញ2V-0010បើកបរដោយបុរសម្នាក់ធ្វើដំណើរតាមបណ្តោយផ្លូវ១០១៩ដូចគ្នា ទិសដៅពីជេីងមកត្បូងក្នុងល្បឿនលឿនដូចគ្នា ហេីយក៏បានបុកគ្នាចំពីមុខពេញទំហឹង បណ្ដាលឲ្យរថយន្តកូរ៉េ ក្រឡាប់ផ្ងាងជើងម្ខាង ចំណែករថយន្តហ្វតរងការខូចខាតផ្នែកខាងមុខទាំងស្រុង តែក៏សំណាងល្អគ្មានអ្នកណាម្នាក់រងរបួស។ ក្រោយកើតហេតុ សមត្ថកិច្ចមូលដ្ឋានបានចុះទៅដល់ ហេីយបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទាំងពីរគ្រឿងនេះទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរង់ចាំធ្វើការដោះស្រាយគ្នាទៅតាមច្បាប់ ៕ ដោយ ៖ ជីម ភារ៉ា

ក្នុងសារលិខិតរបស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានកិត្តិយសក្រុមប្រឹក្សា សកម្ម ភាពជនពិការ ក្នុងឱកាសទិវាជនមានពិការភាពកម្ពុជាលើកទី២២ និងទិវាជនមានពិការភាពអន្តរជាតិ លើកទី ៣៨ នាថ្ងៃទី៣ ខែធ្នូ ឆ្នាំ២០២០ បានឱ្យដឹងថា បច្ចុប្បន្ននេះ ជនមានពិការភាព ត្រូវបានយកចិត្តទុកដាក់ពីគ្រប់ មជ្ឈដ្ឋាន ដោយក្នុងឆ្នាំ២០១៩កន្លងទៅនេះ ជនមានពិការភាព ចូលបម្រើការងារ ក្នុងក្រសួង ស្ថាប័នរដ្ឋចំនួន ៤០ ហើយមានជនមានពិការភាពចំនួន២៨៦០នាក់ ក្នុងនោះស្ដ្រីពិការមានចំនួន ៧៨៩នាក់ ហើយជនពិការ កម្រិតធ្ងន់ចំនួន ១៥៥៧នាក់ បើគិតជាភាគចំនួន ១,៩៥% ។ ដោយឡែកក្នុងវិស័យឯកជន ដែលរួមមាន៖ ធនាគារ គ្រឹះស្ថានមីក្រូហិរញ្ញវត្ថុ សណ្ឋាគារ រោងចក្រ ស្ថិតិដែលក្រសួងសង្គមកិច្ច បានធ្វើការសាលល្បងនៅរាជធានី ភ្នំពេញ ខេត្តកណ្ដាល និងខេត្តសៀមរាប លើ១០២អង្គភាព មានជនមានពិការភាពចូលបម្រើការងារ ចំនួន ៣៧៩២នាក់ ក្នុងនោះស្រ្ដី ២១៦២នាក់ សរុបទាំងស្ថាប័នរដ្ឋ និងឯកជនទូទាំងប្រទេស មានចំនួនជន មានពិការភាពចំនួន…

ពោធិ៍សាត់៖ មនុស្ស២នាក់បានស្លាប់បាត់បង់ជីវិតហេតុការណ៍គ្រោះថ្នាក់ចរាចរណ៍ផ្លូវទឹក ២ករណីផ្សេងគ្នា នៅលើផ្លូវទឹកបឹងទន្លេសាប ។ សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍ផ្លូវទឹកមួយ បានកើតឡើងកាលពីវេលាម៉ោង០២៖៣០នាទីរសៀលថ្ងៃទី០១ ខែធ្នូ ឆ្នាំ២០២០ រវាងកាណូត និងកាណូត នៅចំណុចដងស្ទឹងច្រកែងស្រោង ស្ថិតក្នុងភូមិសំរោង ឃុំកញ្ជរ ស្រុកកណ្តៀង ខេត្តពោធីសាត់។ ជនបង្កមានឈ្មោះ ព្រំ គឺ អាយុ៥៥ឆ្នាំរស់នៅភូមិកូនក្រាយ ឃុំកញ្ជរ ស្រុកកណ្តៀង ខេត្តពោធិ៍សាត់ បានបើកក្នុងល្បឿនលឿន បញ្ច្រាសទិសគ្នា មកដល់ចំណុចកើតហេតុខាងលើ បានបុកជាមួយកាណូត ជនរងគ្រោះឈ្មោះ សាំង ផេង អាយុ៤៦ឆ្នាំ រស់នៅភូមិឃុំខាងលើ (បណ្តាលឲ្យស្លាប់)។ បច្ចុប្បន្ន សាកសពជនរងគ្រោះ ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ ដោយឡែកជនសង្ស័យ និងវត្ថុតាង ត្រូវឃាត់ខ្លួនរក្សាទុកនៅប៉ុស្តិ៍នគបាលកញ្ជរ ដើម្បីបំពេញនីតិវិធីចាត់ការតាមច្បាប់។ ករណីមួយទៀត កាលពីវេលាម៉ោង០៨៖២០នាទីយប់ ថ្ងៃទី៣០ ខែវិច្ឆិកា ឆ្នាំ២០២០កន្លងទៅ នៅចំណុចប្រឡាយផ្លូវទឹក ស្ថិតក្នុងភូមិទី១ ឃុំកំពង់លួង ស្រុកក្រគរ ខេត្តពោធិ៍សាត់ ក៏មានករណីគ្រោះថ្នាក់ចរាចរណ៍ផ្លូវទឹកមួយទៀត បង្កឡើងដោយកាណូតមិនស្គាល់ភិនភាគ (បើករត់បាត់) បានបុកកាណូតសំប៉ាន…

ភ្នំពេញ ៖ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានបញ្ជាក់ថា នៅវេលាម៉ោង ១០និង ១០នាទីព្រឹក ថ្ងៃទី០២ ខែធ្នូ ឆ្នាំ២០២០ កម្លាំងជំនាញខណ្ឌ រួមសហការជាមួយកម្លាំងប៉ុស្តិ៍បានធ្វើការបង្ក្រាបជាក់ស្ដែង និងបានឃាត់ខ្លួនជនសង្ស័យស្រីប្រុស៣នាក់ ករណីជួញដូរដោយខុសច្បាប់នូវសារធាតុញៀនត្រង់ចំណុចក្រុមទី៦ ភូមិ២ សង្កាត់ច្រាំងចំរេះ១ ខណ្ឌឫស្សីកែវរាជធានីភ្នំពេញ។ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានឲ្យដឹងថា ជាលទ្ធផលកម្លាំងជំនាញខណ្ឌ+ប៉ុស្តិ៍បានធ្វើការឃាត់ខ្លួនជនសង្ស័យចំនួន០៣នាក់រួមមាន ៖ទី១ ឈ្មោះ រូន រ៉ សេត ភេទប្រុសអាយុ២៧ ឆ្នាំជនជាតិខ្មែរឥស្លាមមានទីលំនៅផ្ទះលេខ៩០៧ ក្រុមទី៦ ភូមិ ១ សង្កាត់ច្រាំងចំរេះ១ ខណ្ឌឫស្សីកែវរាជធានីភ្នំពេញ មុខរបរមិនពិតប្រាកដ។ ទី២ ឈ្មោះ លី យូសុះ ភេទប្រុសអាយុ៣៥ ឆ្នាំជនជាតិខ្មែរឥស្លាមមានទីលំនៅផ្ទះលេខ៩៦៣ ក្រុមទី៦ ភូមិ២ សង្កាត់ច្រាំងចំរេះ១ ខណ្ឌឫស្សីកែវរាជធានីភ្នំពេញ មុខរប កម្មករសំណង់។ ៣ ឈ្មោះ ហុង ស្រី…

ភ្នំពេញ៖ បុរសបីនាក់ទើបតែលក់រថយន្តកូរ៉េចំណុះ ៣តោន បានលុយ១០៥០០$ ហើយនាំគ្នាចូលម៉ាស្សាកោសជប់ឲ្យស្រួលខ្លួនបន្តិច ខណៈចេញមកខាងក្រៅវិញឆែកកាបូបមើលបាត់លុយដុល្លាអស់៥០០០ដុល្លារ ហេីយឃើញដុល្លាខ្មោច៦០០ដុល្លាក្នុងកាបូកមកវិញ ។ ករណីខាងលេីនេះបានបង្កការភ្ញាក់ផ្អើលកាលវេលាម៉ោង១២ និង១០នាទីយប់រំលងអធ្រាត្រឈានចូលថ្ងៃទី២ ខែធ្នូ ឆ្នាំ២០២០ ស្ថិតតាមបណ្ដោយផ្លូវ២០០៤ ត្រង់ចំណុចហាងម៉ាស្សាមួយកន្លែង ក្នុងសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។ ជនរងគ្រោះជាម្ចាស់លុយ មានឈ្មោះ រុន អេម ភេទប្រុស អាយុ៣៩ឆ្នាំ មុខរបកសិករ មានស្រុកកំណេីត ក្នុងភូមិជ្រុងពពេល ស្រុករមាសហែក ខេត្តស្វាយរៀង។ តាមប្រភពព័ត៌មានពីជនរងគ្រោះបានឲ្យដឹងថា មុនពេលកើតហេតុពួកគេមានគ្នាបីបានបើករថយន្តកូរ៉េមួយគ្រឿងមកពីខេត្តស្វាយរៀងយកមកលក់នៅភ្នំពេញម្ដុំផ្លូវ២០០៤ បានលុយ១០៥០០ដុល្លារ ខណៈពេលលក់បានលុយហើយក៏បាននាំគ្នាចូលម៉ាស្សាកោសជប់ឲ្យស្រួលខ្លួនបន្តិច ពេលដោះខោអាវ និងកាបូកចេញព្យួរមិនទាន់បានម៉ាស្សាស្រួលខ្លួនផង ស្រាប់តែមានបុរសម្នាក់ជិះម៉ូតូមួយគ្រឿងមិនចាំម៉ាកមកស្រែនៅខាងមុខហាងថា (ប៉ូលីសៗមកហើយ ) រួចបានជិះម៉ូតូចេញទៅបាត់ធ្វើឲ្យគេទាំងបីនាក់មានការភិតភ័យដោយខ្លាចប៉ូលីសចាប់ដោយ ក៏ចេញពីហាងម៉ាស្សាទាំងប្រញាប់ប្រញាល់ហៅកង់បីជិះមកផ្លូវវេងស្រេងរកផ្ទះសំណាក់ដេកនៅម្ដុំបឹងក្រពើ ពេលមកដល់ផ្ទះសំណាក់ហើយបានដោះកាបូបស្ពាយចេញដោយមានការសង្ស័យកាបូបស្រាលពេក រួចក៏ឆែកមើលស្រាប់តែបាត់លុយអស់៥០០០ដុល្លារ ហេីយបែជាមានលុយដុល្លាខ្មោច៦០០ដុល្លារ ។ ប្រភពដដែលបានបន្តទៀតថា ពេលឃើញបាត់លុយដូច្នេះគាត់ទាំងបីនាក់បានជិះកង់បីមកកន្លែងម៉ាស្សាវិញស្រាប់មកដល់គេបិតភ្លើងងងឹតនិងយកស្លាកយីហោចេញអស់ មួយសន្ទុះក្រោយមកក៏បងប្អូនអ្នកសារព័ត៌មានជាច្រើនចុះមកសួរនាំ និងធ្វើការឡាយផ្ទាល់ផងដែរ ។ ក្រោយមក ជនរងគ្រោះបានជិះកង់បីឥណ្ឌាទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលកាកាប១ ដើម្បីដោះស្រាយតាមនីតិវីធីច្បាប់ ៕ ដោយ ៖…

ភ្នំពេញ ៖ រថយន្តម៉ាក Toyota Prius មួយគ្រឿងសង្ស័យអ្នកបេីកបរស្រវឹងស្រាបានបេីកបរក្នុងល្បឿនលឿនរេចង្កូតទៅបុករបាំងថ្មពុះចែកទ្រូងផ្លូវពេញបណ្តាលឲ្យដាច់កាឡេម្ខាងទៅមុខលេងរួច ។ ករណីគ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១០និង២០នាតីយប់ ថ្ងៃទី១ ខែធ្នូ ឆ្នាំ២០២០ នៅចំណុចស្ពានអាកាសថ្មេីជេីងទី២ ផ្លូវជាតិលេខ៤ ភូមិជម្ពូវ័ន ២ សង្កាត់ចោមចៅទី៣ ខណ្ឌពោធិ៍សែនជ័យ ។ តាមប្រភពពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាក Toyota Prius ពណ៌ ទឹកប្រាក់ ពាក់ស្លាកលេខភ្នំពេញ 2BA -7928 ធ្វេីដំណេីរតាមបណ្តោយផ្លូវជាតិលេខ៤ ទិសដៅពី កេីតទៅលិច ក្នុងល្បឿនលឿននិងសង្ស័យម្ចាស់ស្រវឹង ស្រា ខណៈមកដល់ចំណុចកេីតហេតុស្រាប់តែរេចង្កូតទៅបុករបាំងថ្មពុះចែកទ្រូងផ្លូវពេញទំហឹងបណ្តាលឲ្យរថយន្តដាច់កាឡេម្ខាងខាងឆ្វេងទៅមុខលេងរួច ចំណែករបាំងថ្មវៀចមួយកង់ តែមិនបង្កឲ្យមានមនុស្សរងរបួសនោះទេ ។ ក្រោយកេីតហេតុ សមត្ថកិច្ចមូលដ្ឋានបានចុះទៅដល់ចំណុចកេីតហេតុ និងទាក់ទងទៅជំនាញការិយាល័យចរាចរណ៍ផ្លូវគោករាជធានីភ្នំពេញធ្វេីការវាស់វែងយករថយន្តបង្កទៅរក្សាទុករងចាំដោះស្រាយតាមច្បាប់៕ ដោយ ៖ ជីម ភារ៉ា

ខេត្តកំពង់ឆ្នាំង៖ រដ្ឋមន្រ្តីក្រសួងរ៉ែ និង ថាមពលអញ្ជើញចុះមកទស្សនកិច្ច ស្ថានីយអគ្គិសនីដើរដោយថាមពលពន្លឺព្រះអាទិត្យអនុភាព៦០មេហ្កាវ៉ាត ស្ថិតក្នុងភូមិរមាស ឃុំតាំងក្រសាំង ស្រុកទឺកផុស ខេត្កំពង់ឆ្នាំង។ ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល អមដំណើរដោយ លោក ស៊ីវ រ៉ុន សមាជិកក្រុមប្រឹក្សា ខេត្តកំពង់ឆ្នាំង ព្រមទាំងប្រតិភូជាច្រើនផ្សេងទៀតនៅថ្ងៃទី០១ ខែធ្នូ ឆ្នាំ២០២០ បានចុះទស្សនកិច្ច ស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ ដែលមានអនុភាពសរុប៦០មេហ្កាវ៉ាត់ ស្ថិតក្នុងភូមិរមាស ឃុំតាំងក្រសាំង ស្រុកទឹកផុស ខេត្តកំពង់ឆ្នាំង។ ប្រធានមន្ទីររ៉ែ និងថាមពលខេត្តកំពង់ឆ្នាំង លោក អ៊ុករស បានបញ្ជាក់អោយដឹងថាៈ ខេត្តកំពង់ឆ្នាំងមានអនុស្ថានីយចែកថាមពលអគ្គិសនី១កន្លែងនៅស្រុកទឹកផុស និងស្ថានីយផលិតឋាមពលអគ្គិសនីដើរដោយពន្លឺព្រះអាទិត្យដែលមានអនុភាព៦០មេហ្កាវ៉ាត ដែលសាងសង់រួចរាល់ និងកំពុងដំណើរការរៀងរាល់ថ្ងៃលើផ្ទៃដី៨០ហិកតាដែលស្ថិតនៅក្នុងភូមិរមាស ឃុំតាំងក្រសាំង ស្រុកទឹកផុស ខេត្តកំពង់ឆ្នាំង និងកំពុងសិក្សាស្រាវជ្រាវទីតាំងស្ថានីយមួយកន្លែងទៀតដែលដើរដោយពន្លឺព្រះអាទិត្យតាមទិសដៅនិងផែនការសកម្មភាពរបស់អគ្គិសនីកម្ពុជាផងដែរ៕ ដោយ៖ សុក្ខារិន

អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៅរសៀលថ្ងៃទី១ធ្នូឆ្នាំ២០២០នេះ បានបញ្ជាក់ថា បន្ទាប់ពីទទួលបានព័ត៌មានពីករណីពុល នៅស្រុកទឹកផុស ខេត្តកំពង់ឆ្នាំង មន្ត្រីជំនាញអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» នៃក្រសួងពាណិជ្ជកម្ម បានសហការជាមួយ កម្លាំងនគរបាលខេត្តកំពង់ឆ្នាំង កម្លាំងសមត្ថកិច្ចពាក់ព័ន្ធ និងអាជ្ញាធរដែនដី ដោយមានកិច្ចដឹកនាំសម្របសម្រួលពី លោកព្រះរាជអាជ្ញារង ខេត្តកំពង់ឆ្នាំង នៅថ្ងៃទី២៩វិច្ឆិកាឆ្នាំ២០២០ បានចុះប្រតិបត្តិការត្រួតពិនិត្យ ស្រាវជ្រាវ និងស៊ើបអង្កេត នៅទីតាំងកើតហេតុស្ថិតក្នុងភូមិជីប៉្រង ឃុំជៀប ស្រុកទឹកផុស ខេត្តកំពង់ឆ្នាំង និងសិប្បកម្មផលិតផលស្រាចំនួន ៨កន្លែង ក្នុងនោះ៣កន្លែង ស្ថិតក្នុងស្រុកទឹកផុស និង ៥កន្លែងទៀតក្នុងស្រុកកំពង់ត្រឡាច ។ ក្នុងប្រតិបត្តិការនោះ មន្ត្រីជំនាញនៃអគ្គនាយកដ្ឋាន ក.ប.ប. បានចុះធ្វើការសាកសួរព័ត៌មាន សាវតា ពាក់ព័ន្ធនៃការពុល និងបានប្រមូលនិងដកយកគំរូសំណាកស្រាសរុបចំនួ ៧៣គំរូ ដោយ១៨គំរូទទួលពីស្នងការដ្ឋាននគរបាលខេត្តកំពង់ឆ្នាំង និង៥៥គំរូ ទទួលបានពីទីតាំងសិប្បកម្ម៨កន្លែង មកធ្វើការវិភាគនៅ មន្ទីរពិសោធន៍របស់អគ្គនាយកដ្ឋាន ក.ប.ប.។ លទ្ធផលនៃការធ្វើតេស្តគំរូសំណាករួមមាន ៥គំរូ នៃស្រាចំនួន១៦គំរូ ដែលទទួលបានពីស្នងការដ្ឋាននគរបាលខេត្ត មានវត្តមានមេតាណុលក្នុងកម្រិតខ្ពស់ចាប់ពី ១០.៥%…

ភ្នំពេញ ៖ កម្លាំងនគរបាលប្រឆាំងគ្រឿងញៀន (ក១០) នាព្រឹកថ្ងៃទី០១ ខែធ្នូ ឆ្នាំ២០២០នេះ បានបញ្ជូនខ្លួនជនជាតិចិន និង បក្ខពួកជនជាតិខ្មែរ២នាក់ ទៅកាន់សាលាដំបូងរាជធានីភ្នំពេញ ដើម្បីចាត់ការបន្ដតាមនីតិវិធី ពាក់ព័ន្ធករណី ដឹកគ្រឿងញៀនឆ្លងដែនដោយខុសច្បាប់ ចេញពីកម្ពុជា ទៅ ញូហ៊្សីលែន និង អូស្ត្រាលី តាមរយៈកញ្ចប់បញ្ញើញប្រៃសណីយ៍ ចាប់វត្ថុតាងថ្នាំញៀនជិត៣គីឡូក្រាម ។ ជនសង្ស័យទាំង៣នាក់រួមមាន៖ទី១/ឈ្មោះ CHEN KEXI ភេទប្រុស ជនជាតិចិន កើត១៩៨១ កាន់លិខិត ឆ្លងដែនលេខ EB2396631 ស្នាក់នៅក្នុងបន្ទប់ ២០៥ អាផាត់មិនវិមាឯករាជ្យ ផ្លូវ១២៤ សង្កាត់លេខ៣ ក្រុង-ខេត្តព្រះសីហនុ (មេក្លោង) ។ ទី២/ឈ្មោះ លឿង សៀងហៃ ភេទប្រុស) កើត ១៩៨៩ ជនជាតិខ្មែរ (អ្នកផ្ញើគ្រឿងញៀន) ។ ទី៣/ឈ្មោះ ឈុន ម៉ារ៉ាឌី ភេទប្រុស កើត ១៩៩៥ ជនជាតិខ្មែរ…

ភ្នំពេញ ៖ យុវជនម្នាក់ជិះម៉ូតូយ៉ាងលឿនមិនប្រយ័ត្នជ្រុលទៅបុករថយន្តកុងតឺន័រពីក្រោយពេញទំហឹងបណ្ដាលឲ្យរងរបួសធ្ងន់ធ្ងរ ហេីយបានស្លាប់ក្រោយពេលបញ្ចូនទៅកាន់មន្ទីពេទ្យ ។ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១១ និង១០នាទីយប់ថ្ងៃច័ន្ទ ទី៣០ ខែវិច្ឆិកា ឆ្នាំ២០២០ នៅចំណុចមុខអាកាសយានដ្ឋានអន្តរជាតិភ្នំពេញ តាមបណ្តោយផ្លូវសហព័ន្ធរុស្សុី ក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។ សពជនរងគ្រោះមានឈ្មោះ អ៊ុច ប៉ាវ ភេទប្រុស អាយុ២៦ឆ្នាំ ជនជាតិខ្មែរ មុខរបរអ្នកគិតលុយនៅម៉ាត ជិតរ៉ារទេះភ្លើង រស់នៅជិតវត្តតាំងកសាង ក្នុងសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។ដោយជិះម៉ូតូម៉ាកហុងដាប៊ិត ពណ៌សលាយខៀវ ពាក់ស្លាកលេខ កណ្តាល1AI.8404 តែម្នាក់ឯង។ ចំណែករថយន្តកុងតឺន័រ សណ្តោងរឺម៉ក ពាក់ស្លាកលេខខាងក្រោយភ្នំពេញ 4A.5958 ក្បាលពណ៌ស ពាក់ស្លាកលេខភ្នំពេញ3E.6599 និងរថយន្តស្ទូច ពណ៌ស ពាក់ស្លាកលេខភ្នំពេញ3F.1307ដែលចត ទន្ទឹមគ្នាលើទ្រូងផ្លូវ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា ដំបូងឡើយគេឃើញរថយន្តកុងតឺន័រ និងរថយន្តស្ទូចចតទន្ទឹមគ្នាលើទ្រូងផ្លូវកំពុងតែស្ទូចថ្មដាក់នៅលើចិញ្ចើមផ្លូវ ខណៈពេលនោះស្រាប់តែមាន យុវជនម្នាក់ជិះម៉ូតូ ហុងដាប៊ិតយ៉ាងលឿនតាមបណ្ដោយផ្លូវសហព័ន្ធរុស្ស៊ីទិសដៅពីកើតទៅលិចមកបុកចំគូទរថយន្តកុងតឺន័រពីក្រោយពេញទំហឹងបណ្ដាលឲ្យរងរបួសធ្ងន់ធ្ងរត្រូវបានរថយន្តដឹកយកទៅសង្គ្រោះនៅគ្លីនិកឯកជន សួគ៌ា ក្រោយមកក៏បានដាច់ខ្យល់ស្លាប់នៅក្នុងមន្ទីរពេទ្យឯកជន សួគ៌ា តែម្ដង ។ ក្រោយពីកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុហើយក៏បានទំនាក់ទំនងទៅជំនាញចរាចរណ៍ក្រុងភ្នំពេញ មកវាស់វែងយក…