ខេត្តបន្ទាយមានជ័យ៖ បងប្អូនប្រជាពលរដ្ឋដែលរងគ្រោះដោយទឹកជំនន់នៅក្នុងខេត្តបន្ទាយមាន បានបង្ហាញអារម្មណ៍ភត្រេកអរ ទោះបីជាកំពុងជួបគ្រោះទឹកជំនន់ក៏ពិតមែន តែសប្បាយចិត្ត មានភាពកក់ក្ដៅ ព្រោះបានសម្ដេចតេជោ ហ៊ុន សែន នាយករដ្ឋមន្ត្រីកម្ពុជា ដែលបានអញ្ជើញចុះមកដោយផ្ទាល់ជួបសំណេះសំណាល សួរសុខទុក្ខ និងចែកអំណោយជូនពួកគាត់ ដែលកំពុងមានការលំបាកនេះ និងបានថ្លែងអំណរគុណយ៉ាងជ្រាលជ្រៅជូនចំពោះសម្ដេចតេជោ ផងដែរ ។ គួររម្លឹកថា កាលពីថ្ងៃទី២១ និង២២ ខែតុលា ឆ្នាំ២០២០ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានអញ្ជើញជួបសំណេះសំណាល និងចែកអំណោយជូនប្រជាពលរដ្ឋចំនួន២ម៉ឺនគ្រួសារ នៅក្នុងខេត្តបន្ទាយមានជ័យ ដែលរងគ្រោះទឹកជំនន់ ។ សូមបញ្ជាក់ថា នៅព្រឹកថ្ងៃសៅរ៍ ទី២៤ ខែតុលា ឆ្នាំ២០២០ ស្អែកនេះ សម្ដេចតេជោ នាយករដ្ឋមន្ត្រីកម្ពុជា នឹងអញ្ជើញជួបសំណេះសំណាល និងចែកអំណោយជូនប្រជាពលរដ្ឋប្រមាណជា ២ម៉ឺនគ្រួសារទៀត នៅក្នុងខេត្តបន្ទាយមានជ័យនេះ ៕ ដោយលោក វ៉េង លីមហួត, សួង ពិសិដ្ឋ, ព្រហ្ម វិចិត្រសោភា, ស៊ូ វណ្ណលុក

ខេត្តបាត់ដំបង៖ ឯកឧត្តម ឈាង វុន តំណាងរាស្ត្រមណ្ឌលខេត្តបាត់ដំបង និងជាប្រធានគណ:កម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា រួមដំណើរដោយ ឯកឧត្តម សឿ ប៊ុនរិទ្ធិ អភិបាលរងខេត្តបាត់ដំបង លោកជំទាវ ញឹក សុគន្ធ សមាជិកក្រុមប្រឹក្សាខេត្ត លោក នូ ប៊ុនយ៉ាង អភិបាលនៃគណៈអភិបាលស្រុកបវេល លោក សុខ គឹមខុន អភិបាលនៃគណ:អភិបាលស្រុកកំរៀង ព្រមទាំងយុវជន ស.ស.យ.ក ខេត្ត និងអាជ្ញាធរមូលដ្ឋាន បាននាំយកអំណោយដ៏ថ្លៃថ្លារបស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន ចែកជូនបងប្អូនប្រជាពលរដ្ឋរងគ្រោះដោយសារជំនន់ទឹកភ្លៀងចំនួន ១៦២គ្រួសារ នៅភូមិទំនប់ត្រកួន ឃុំឃ្លាំងមាស ស្រុកបវេល និងចំនួន១២០គ្រួសារ ស្ថិតនៅក្នុងឃុំអូរដារ ស្រុកកំរៀង ខេត្តបាត់ដំបង នាព្រឹកថ្ងៃទី២២ ខែតុលា ឆ្នាំ២០២០ ។ ឯកឧត្តម ឈាង…

ខេត្តកណ្តាល៖ នាព្រឹកថ្ងៃព្រហស្បិ៍ ទី២២ ខែតុលា ឆ្នាំ២០២០ ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា តំណាងដ៏ខ្ពង់ខ្ពស់របស់សម្តេចវិបុលសេនាភក្តី  សាយ ឈុំ ប្រមុខរដ្ឋស្តីទីនៃព្រះរាជាណាចក្រកម្ពុជា បានអញ្ជើញចុះសួរសុខទុក្ខ និងនាំអំណោយរបស់សម្តេចវិបុលសេនាភក្តី សាយ ឈុំ ចែកជូនប្រជាពលរដ្ឋចំនួន១៤០គ្រួសារ ដែលរងផលប៉ះពាល់ដោយសារជំនន់ទឹកភ្លៀង នៅសង្កាត់កំពង់សំណាញ់ ក្រុងតាខ្មៅ ខេត្តកណ្តាល។ ក្នុងឱកាសនោះ ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា  បានពាំនាំនូវការផ្តាំផ្ញើនូវការសួរសុខទុក្ខពីសំណាក់សម្តេចវិបុលសេនាភ្តី សាយ ឈុំ ប្រមុខរដ្ឋស្តីទីនៃព្រះរាជាណាចក្រកម្ពុជា ដែលតែងតែយកចិត្តទុកដាក់អំពីសុខទុក្ខ និងការលំបាករបស់ប្រជាពលរដ្ឋ។ ក្នុងនោះ សម្តេចវិបុលសេនាភ្តី សាយ ឈុំ បានណែនាំឱ្យក្រុមការងាររបស់ព្រឹទ្ធសភាចុះជាប់ជានិច្ចជាមួយនឹងប្រប្រជាពលរដ្ឋដែលរងផលប៉ះពាល់ដោយសារជំនន់ទឹកភ្លៀង។ ជាមួយគ្នានេះ ឯកឧត្តមកិត្តិសង្គហបណ្ឌិត ទេព ងន បានសម្តែងនូវការសោកស្តាយចំពោះបងប្អូនប្រជាពលរដ្ឋដែលបាត់បង់ និងខួចខាតនូវទ្រព្យសម្បត្តិដោយសារជំនន់ទឹកភ្លៀងនេះ ហើយទោះបីជាអំណោយដែលយកមកចែកជូនបងប្អូនប្រជាពលរដ្នដែលរងគ្រោះដោយសារជំនន់ទឹកភ្លៀងនាពេលនេះ វាតិចតូចក្តីប៉ុន្តែវាក៏អាចជួយសម្រួលនូវការលំបាក និងដោះស្រាយជីវភាពរបស់បងប្អូនបានរហូតដល់ពេលទឹកស្រកទៅវិញផងដែរ។ ឯកឧត្តមកិត្តិសង្គហបណ្ឌិត ទេព ងន បានបញ្ជាក់ថា ក្នុងអំឡុងពេលដែលប្រទេសយើងជួបប្រទះនូវគ្រោះទឹកជំនន់ ថ្នាក់ដឹកនាំគ្រប់លំដាប់ថ្នាក់ ជាពិសេសសម្តេចអគ្គមហាសេនាបតីតេជោ ហ៊ុន…