ចាប់ផ្តើមអាជីពជាអ្នកលក់ត្រី និងបន្លែតូចតាចក្នុងផ្សារជាង១០ឆ្នាំ សហគ្រិន លីម ប៉ុន្នី បានបង្កើតសិប្បកម្មត្រីមួយ នាដើមឆ្នាំ ២០២០ ដើម្បីផ្គត់ផ្គង់អាហារសុវត្ថិភាពដល់ទីផ្សារក្នុងស្រុក ដោយប្រើប្រាស់ត្រីក្នុងស្រុក និង​ បង្កើតឪកាសការងារដល់ប្រជាជនមួយចំនួនក្នុងសហគមន៍ នៃភូមិថ្មី ឃុំសូទិព ស្រុក ជើងព្រៃ ខេត្តកំពង់ចាម។ ដោយមើលឃើញពីតម្រូវការ ក៏ដូចជាមានកង្វល់ទៅលើសុវត្ថិភាពលើចំណីអាហារ សហគ្រិន លីម ប៉ុន្នី បានពង្រឹង ជាសំខាន់ទៅលើសុវត្ថិភាពនៃសង្វាក់ផលិតកម្ម ចាប់តាំងពីការចឹញ្ចឹម ការប្រមូលផល ការកែច្នៃ រហូតដល់ផលិតផលសម្រេច។ បច្ចុប្បន្ន ម្ចាស់សិប្បកម្មនេះ មានក្តីសុបិន្តពង្រីកវិសាលភាពរបស់ខ្លួន ហើយអាចជួយកសិករ អ្នកចិញ្ចឹមត្រី ក្នុងស្រុក ក្នុងសហគន៍ អោយបានទូលំទូលាយជាងនេះ ដើម្បីកាត់បន្ថយការនាំចូលនូវផលិតផលក្រៅ ស្រុក។ ម្ចាស់សិប្បកម្មត្រី ធឿន ស្រីនី សង្ឃឹមថា ប្រជាពលរដ្ឋខ្មែរ ក៏ដូចជា អង្គការក្រៅរដ្ឋាភិបាល ក៏ដូចជា រដ្ឋាភិបាល នឹងផ្គួបដៃគ្នាប្រឹងបន្តបន្ថែមទៀត ក្នុងការគាំទ្រអោយមានការបង្កើតផលិតផលក្នុងស្រុក អោយបានកាន់តែច្រើន ក្នុងន័យ កាត់បន្ថយការនាំចូល ចំណាកស្រុក និង ធ្វើអោយសេដ្ឋកិច្ចមានការរីក…

ចាប់ផ្តើមពីអាជីពជាកសិករដាំបន្លែចម្រុះ លោក ឡុង គាន បានបែកគំនិតផលិតជាដីបណ្តុះ គ្រាប់ពូជដំណាំគ្រប់ប្រភេទចេញពីស្រកីដូងស្ងួត ដែលស្ថិតនៅ ភូមិព្រះដាក់ ស្រុក បន្ទាយស្រី ខេត្ត សៀមរាប។ ចុងឆ្នាំ ២០២០ អតីតកសិករ ឡុង គាន បានទិញដីបណ្តុះមកបណ្តុះគ្រាប់ពូជបន្លែ ដូចសព្វមួយដង តែពេលមួយគាត់សង្កេតឃើញថា ក្នុងដីបណ្តុះដែលទិញមក វាមានកម្ទេចស្រកីដូង លាយឡំជាមួយនឹងធ្យូងអង្កាម។ អតីតកសិករ ឡុង គាន និង ភរិយាក៏ ពិគ្រោះគ្នាក្នុងការផលិតដីបណ្តុះនេះ។ ពួកគាត់គិតថា ពួកគាត់អាចនឹងធ្វើបានដោយខ្លួនឯង មិនចាំបាច់ទិញ។ ព្រោះថា ប្រភេទដីនោះថ្លៃសម្រាប់គាត់ផង ហើយវា ជាផលិតផលនាំចូលពីបរទេសដូចជាប្រទេសវៀតណាម និង ប្រទេសថៃផង គាត់ក៏សម្រេចចិត្តប្រាប់ទៅអង្គការក្រៅរដ្ឋាពិបាលមួយដែល បានជួយជ្រោមជ្រែងដល់ប្រជាកសិករក្នុងតំបន់ អង្គការក៏បានផ្តល់ជូននូវកូនម៉ាស៊ីនតូចមួយ។ លោក ឡុង គាន និង ភរិយា បានខិតខំ ប្រឹងប្រែងផ្តោតទៅលើការផលិតមានខុស៣ទៅ៤ដង ចំណាយពេលវេលាយូជាងការដាំបន្លែ និង មានច្រើនដំណាក់កាល ក៏ប៉ុន្តែ ពួកគាត់ នៅតែជឿជាក់ថា ពួកគាត់អាចធ្វើបាន។…