ក្រុមរុករកគ្រាប់យុទ្ធភណ្ឌមិនទាន់ផ្ទុះក្រោមទឹក កំពុងពិនិត្យការដ្ឋាន៤សំខាន់ទៅមុខទៀត ក្រោយប្រតិបត្តិការជោគជ័យក្នុងការដ្ឋានទី១ក្នុងស្រុកស្រីសន្ធរខេត្តកំពង់ចាម។ ការដ្ឋាន ក្រោមទឹកចំនួន៤ដែលបានលើកឡើងពិនិត្យពិភាក្សានៅថ្ងៃទី៣មីនានេះ គឺរួមមាន២ការដ្ឋាន នៅក្នុងខេត្តកណ្តាល និង២ការដ្ឋានទៀតនៅក្នុងខេត្តព្រៃវែង។

មេបញ្ជាការកងទ័ពជើងគោកកម្ពុជា និងមេបញ្ជាការកងទ័ពជើងគោកម៉ាឡេស៊ី បានជួបគ្នា ថ្ងៃនេះដោយភាគីទាំង២បានសម្តែង «ការពេញចិត្តនូវការរីកចំរើននៃទំនាក់ទំនងមិត្តភាពនិង កិច្ចសហប្រតិបត្តិការរវាងប្រទេសទាំង២កម្ពុជា-ម៉ាឡេស៊ីក្នុងវិស័យសំខាន់ៗជាច្រើនរួមទាំង វិស័យការពារជាតិ»។

គណៈកម្មាធិការជាតិរៀបចំការបោះឆ្នោត គ្រោងនឹងចាប់ផ្តើមចុះឈ្មោះបេក្ខជនចូលរួមបោះ ឆ្នោតក្រុមប្រឹក្សាឃុំ-សង្កាត់មកពីគណបក្សនយោបាយនានា នៅថ្ងៃសុក្រនេះហើយ។

មេបញ្ជាការកងទ័ពជើងគោកម៉ាឡេស៊ី នាយឧត្តមសេនីយ៍ តាន់ស្រ៊ី ដាតូស្រ៊ី ហ្សាមរ៉ូស ប៊ីន ម៉ូដ ហ្សេន កំពុងដឹកនាំគណៈប្រតិភូយោធាបំពេញទស្សនកិច្ចក្នុងរាជធានីភ្នំពេញនាពេលនេះ ។

ការបន្តប្រយុទ្ធគ្នាក្នុងប្រទេសអ៊ុយក្រែន បានជំរុញឱ្យរដ្ឋមន្ត្រីការបរទេសអាស៊ានបានចេញ សេចក្តីថ្លែងការណ៍មួយនៅថ្ងៃទី៣មីនានេះ អំពាវរកការបញ្ឈប់កិច្ចបាញ់គ្នា។

នៅថ្ងៃព្រហស្បតិ៍នេះ គឺជាថ្ងៃទី៨ហើយក្នុងអំពើវាយប្រហាររបស់រុស្ស៊ីដាក់លើប្រទេសអ៊ុយ ក្រែន។ ស្នូរផ្ទុះនៅតែលាន់ឮក្នុងក្រុងគៀវ និងសេចក្តីរាយការណ៍បានសម្តែងការសង្ស័យជុំវិញ ការស្ថិតនៅទ្រឹងមួយកន្លែងរបស់កងកម្លាំងរុស្ស៊ីដែលមិនទាន់បានធ្វើដំណើរទៅមុខក្នុងទិស ដៅសំដៅមករដ្ឋធានីអ៊ុយក្រែននោះ។

មន្ត្រីនាំពាក្យក្រសួងពាណិជ្ជកម្មលោក ស៊ាង ថៃ បានថ្លែងថា ការផ្ទុះសង្គ្រាមរវាងប្រទេស រុស្ស៊ីនិងអ៊ុយក្រែន នឹងបង្កឲ្យមានផលប៉ះពាល់ដល់ការធ្វើពាណិជ្ជកម្មរវាងកម្ពុជា-រុស្ស៊ី បើ ទោះបីជាទំហំពាណិជ្ជកម្មរវាងប្រទេសទាំងពីរមានទំហំតិចតួចក៏ដោយ។

កម្ពុជានិងប្រទេសចំនួន១៤០ដទៃទៀតលើសកលលោកបានចូលរួមក្នុងការអនុម័តសេចក្តី សម្រេចចិត្តរបស់អង្គការសហប្រជាជាតិប្រឆាំងអំពើឈ្លានពានក្នុងប្រទេសអ៊ុយក្រែន។

សម្តេចក្រឡាហោម ស ខេង បានរំលឹកដាស់តឿនដល់កងកម្លាំងសមត្ថកិច្ច ត្រូវបន្តពង្រឹងយកចិត្តទុកដាក់ការពារសុវត្ថិភាព សន្ដិសុខ សណ្ដាប់ធ្នាប់ឲ្យបានម៉ឺងម៉ាត់ នៅតាមបណ្ដាស្ថានទូត និងស្ថានតំណាងនានានៅក្នុងប្រទេសកម្ពុជា។ ប្រសាសន៍រំលឹកនេះ បានធ្វើឡើងនៅថ្ងៃ ទី៣មីនា ក្នុងឱកាសអញ្ជើញបិទសន្និបាតបូកសរុបលទ្ធផលការងារ និងលើកទិសដៅបន្ដ របស់រដ្ឋបាលរាជធានីភ្នំពេញ។

ប្រតិភូនគរបាលជាតិពីបណ្ដាប្រទេសសមាជិកអាស៊ានដែលបានមកចូលរួមក្នុងកិច្ចប្រជុំអា ស៊ានណាប៉ួលក្នុងរាជធានីភ្នំពេញ បានអញ្ជើញជួបសម្តែងក្តីគួរសមចំពោះសម្តេចនាយករដ្ឋ មន្ត្រី ហ៊ុន សែន ក្នុងវិមានសន្តិភាពនាថ្ងៃទី៣មីនានេះ។