សំណល់ជាតិផ្ទុះសេសសល់ពីសង្គ្រាមជាង៦ពាន់គ្រាប់ ត្រូវបានកម្ទេចចោល នៅស្រុកសំបូរ ខេត្តក្រចេះ។ យោងតាមមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម, ការកម្ទេចគ្រាប់សេសសល់ប្រមាណ៦ពាន់២៧៤គ្រាប់ទាំងនេះ បានធ្វើឡើងនៅថ្ងៃសុក្រនេះ ក្នុងពិធីមួយស្ថិតនៅចំណុចអូរអណ្តាក់ ភូមិអូរព្រះ ឃុំអូរគ្រៀង នៃស្រុកសំបូរ។

ដំឡូងមីស្ងួតរបស់កម្ពុជាចំនួន ៤០ម៉ឺនតោន គ្រោងនឹងត្រូវនាំចេញទៅកាន់ប្រទេសចិន នៅខែក្រោយនេះ។ សេចក្តីរាយការណ៍ជុំវិញការនាំដំឡូងមីស្ងួតរប​ស់កម្ពុជាចូលក្នុងទី ផ្សារ នៃប្រទេសចិនេះ បានឱ្យដឹងក្នុងពិធីចុះហត្ថលេខាមួយថ្ងៃទី២៤កុម្ភៈ ស្តីពីកិច្ចសហប្រតិបត្តិ ការជំរុញពាណិជ្ជកម្ម រវាងអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម និងមន្ទីរ ពាណិជ្ជកម្មនៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន តាម រយៈប្រ ព័ន្ធវីដេអូពីចម្ងាយ។

អគ្គិភ័យមួយបានកើតឡើងនៅក្នុងខេត្តសៀមរាប ដោយបានឆាបឆេះផ្ទះពលរដ្ឋ ១ខ្នង។ ស្នងការរងទទួលការិយាល័យនគរបាលបង្ការពន្លត់អគ្គិភ័យ និងសង្គ្រោះ លោកវរសេនីយ៍ឯក ឌុត ខុន បានថ្លែងថា ហេតុការណ៍ឆេះនេះ បានកើតឡើងនៅវេលាម៉ោង ៨កន្លះព្រឹក ស្ថិតនៅភូមិត្រពាំងស្វាយ ឃុំរើល នៃស្រុកពួក  ខណៈម្ចាស់ផ្ទះ បានអុជភ្លើងធូប និងទៀន ចោលនៅកន្លែងអាសនៈ ខាងក្រោមផ្ទះ។

ជនសង្ស័យចោរប្លន់៣នាក់ក្នុងខណ្ឌដង្កោត្រូវបានចាប់ខ្លួននិងបញ្ជួនទៅតុលាការ។ ជនសង្ស័យចោរប្លន់ទាំង៣នាក់នេះ បានជាប់ទាក់ទងនឹងអំពើប្លន់មួយវេលាម៉ោង១១យប់ថ្ងៃទី ១៩កុម្ភៈឆ្នាំ២០២២។

មន្ទីរពេទ្យមិត្តភាពកម្ពុជា-ចិនត្បូងឃ្មុំ តម្លៃ៥០លានដុល្លារ និងសាលាបឋមសិក្សា-វិទ្យាល័យ តេជោសែនត្បូងឃ្មុំ គ្រោងនឹងត្រូវដាក់សម្ពោធឲ្យប្រើប្រាស់ជាផ្លូវការ នាដើមខែមីនាខាងមុខ នេះ ក្រោមអធិបតីភាពសម្តេចតេជោ ហ៊ុន សែន។

ឯកសារផ្សព្វផ្សាយមួយចំនួន ត្រូវបានគណៈកម្មាធិការជាតិរៀបចំការបោះឆ្នោត បាន សម្រេចលើខ្លឹមសារចេញផ្សាយ នៅមុនដំណើរការបោះឆ្នោតឃុំនិងសង្កាត់គ្រោងនឹងមក ដល់រយៈពេល១០០ថ្ងៃទៅមុខទៀតនេះ។

ប្រទេសអាល្លឺម៉ង់ បានចូលរួមគាំទ្រកម្ពុជាក្នុងការស្វែងរកសន្តិភាពដល់ប្រទេសមីយ៉ាន់ម៉ា និងការសន្យារួមចំ ណែកជួយជំនួយមនុស្សធម៌ដល់មីយ៉ាន់ម៉ាផងទៀត។ ការបង្ហាញជំហរ គាំទ្រនេះ បានធ្វើឡើងក្នុងឱកាសជួបពិ ភាក្សារវាងរដ្ឋមន្ត្រីការបរទេសអាល្លឺម៉ង់និងរដ្ឋមន្ត្រី ការបរទេសកម្ពុជាលោកប្រាក់សុខុន ថ្ងៃទី២៣កុម្ភៈ ក្នុងទី ក្រុងប៊ែ័រឡាំង នៃប្រទេសអាល្លឺម៉ង់់។

តួលេខឆ្លងក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២១ម៉ឺន ១ពាន់ ២៦២ករណី និងការស្លាប់ថ្មីមានចំនួន ៥៩៤នាក់ ។ តួលេខឆ្លងនៅថ្ងៃនេះ មានការកើន ឡើងចំនួន ៥ពាន់ ៥០៥នាក់ និងការស្លាប់មានការថយចុះចំនួន ២១នាក់ បើប្រៀបធៀបជា មួយនឹងការឆ្លង និងការស្លាប់កាលពីថ្ងៃម្សិលមិញ ។ ក្នុងចំណោមតួលេខឆ្លងថ្មីនៃប្រទេសទាំង១០ ក្នុងរយៈពេល២៤ម៉ោងចុងក្រោយនេះ គឺប្រ ទេសវៀតណាមជាប្រទេសដែលមានតួលេខឆ្លងច្រើនជាងគេបង្អស់ ។

មន្ត្រីក្រសួងសុខាភិបាល បានថ្លែងអំពាវនាវពលរដ្ឋបន្ថែមទៀតនៅថ្ងៃទី២៥កុម្ភៈនេះ ជុំវិញ ការកាត់បន្ថយការ ជួបជុំមនុស្សច្រើន និងការជំរុញបន្តអនុវត្តបន្ថែមទៀតនូវវិធានការ ៣កុំ និងការពារ។

អ្នកឆ្លងកូវីដ១៩ម្នាក់ទៀតបានស្លាប់នៅថ្ងៃនេះ ដែលជាការស្លាប់បន្តបន្ទាប់ក្នុងរយៈពេល៦ថ្ងៃ ជាប់គ្នាមកនេះ។ យោងតាមក្រសួងសុខាភិបាល, ករណីស្លាប់៦ថ្ងៃជាប់គ្នាមកនេះ មាន ចំនួន១២នាក់ហើយ។ តួលេខមនុស្សស្លាប់ សរុបដោយសារកូវីដ១៩ បានកើនឡើងដល់ ចំនួន៣ពាន់២៧នាក់ គិតត្រឹមថ្ងៃទី២៥កុម្ភៈឆ្នាំ២០២២។