តួលេខឆ្លងក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១៨ម៉ឺន ៤ពាន់ ៤៦៤ករណី និងការស្លាប់ថ្មីមានចំនួន ២៩៧នាក់ ។ គួរបញ្ជាក់ថា តួលេខឆ្លងដ៏ច្រើន នៅថ្ងៃនេះ គឺគិតចំនួនតែ៨ប្រទេសប៉ុណ្ណោះ ដោយទាន់រាប់បញ្ចូលប្រទេសបុ្រយណេ និងប្រ ទេសឡាវនៅឡើយទេ គិតត្រឹមល្ងាចថ្ងៃទី១៥ កុម្ភះនេះ។ ក្នុងចំណោមតួលេខឆ្លងថ្មីនៃប្រទេស ទាំង១០ ក្នុងរយៈពេល២៤ម៉ោងចុងក្រោយនេះ គឺប្រទេសឥណ្ឌូនេស៊ី នៅតែជាប្រទេសមាន តួលេខឆ្លងច្រើនជាងគេដដែល ។

តួលេខពលរដ្ឋនៅរាជធានីភ្នំពេញ ដែលបានមកចាក់វ៉ាក់សាំងដូសទី៤ ក្នុងរយៈពេល ២៤ ម៉ោងកន្លងមកនេះ មានចំនួន៣ម៉ឺន២ពាន់១៤២នាក់ ដែលនាំឲ្យតួលេខអ្នកចាក់វ៉ាក់សាំង ដូសជម្រុញទី២ រយៈពេល៣៣ថ្ងៃ កន្លងមក នេះបានកើនដល់ចំនួន ៦៦ម៉ឺន៥ពាន់ ៤៩២នាក់ ហើយ ។

ក្តីបារម្ភនឹងការឆ្លងរាលដាលវិរុសបំប្លែងថ្មីអូមីក្រុង បានជម្រុញឱ្យរដ្ឋបាលរាជធានីបានព្រមាន ថានឹងចាត់វិធានការតាមផ្លូវច្បាប់ដោយគ្មានការលើកលែង ចំពោះបាតុកររឹងរូសណាដែល បន្តការតវ៉ានៅមុខកាស៊ីណូណាហ្គាវើលដ៍ ។ ការព្រមាននេះបានធ្វើឡើងតាមសេចក្តី ជូន ដំណឹងរបស់រដ្ឋបាលរាជធានីភ្នំពេញនៅថ្ងៃទី១៥ ខែកុម្ភៈ ឆ្នាំ២០២២ នៅទន្ទឹមតួលេខឆ្លងរាល ដាលវិរុសបំប្លែងថ្មីកូវីដ-១៩ប្រភេទអូមីក្រុង កំពុងតែលុកលុយជាខ្លាំងក្នុងសហគមន៍។

តួលេខឆ្លងកូវីដ១៩ បានថយចុះពីជាង៥០០ករណីមកនៅជាង១០០ករណីវិញនៅថ្ងៃនេះ ដែលជាតួលេខបង្ហាញនូវភាពធូរស្រាលមកវិញ ក្រោយការកើនឡើងជាប់ៗក្នុងប៉ុន្មានថ្ងៃចុង ក្រោយនេះ។

មជ្ឈមណ្ឌលសម្រាប់ព្យាបាលអ្នកជំងឺកូវីដ១៩ ត្រូវបានកសាងជាលើកដំបូងក្នុងរាជធានីភ្នំពេញ ដែលជាការត្រៀមលក្ខណៈមួយនៃការត្រូវរៀនរស់នៅជាមួយនឹងជម្ងឺឆ្លងរាតត្បាតនេះ ខណៈពិភពលោកមិនអាចមានមធ្យោបាយបំបាត់វិរុសឆ្លងនេះបានឡើយ។

ក្រសួងការបរទេសបានចេញសេចក្តីថ្លែងការណ៍មួយនៅថ្ងៃអង្គារនេះ ដោយបំភ្លឺជុំវិញការ ផ្សាយចោទប្រកាន់ខុសដាក់មកលើរាជរដ្ឋាភិបាលជុំវិញការបង្កើតច្រកទ្វារអ៊ិនធឺណិតជាតិ។

មេបញ្ជាការកងទ័ពជើងគោកកម្ពុជាលោកឧត្តមសេនីយ៍ឯក ហ៊ុន ម៉ាណែត បានអញ្ជើញជួប ពិភាក្សាការងារជាមួយមេបញ្ជាការកងកម្លាំងស្វ័យការពារជើងគោកជប៉ុន នាយឧត្តមសេនីយ៍ យ៉ូស៊្ហីដា យ៉ួស៊្ហីហ៊ីដេ នាព្រឹកថ្ងៃ១៥កុម្ភៈនេះ ក្នុងឱកាសកំពុងបំពេញទស្សនកិច្ច៤ថ្ងៃនៅក្នុង ក្រុងតូក្យូ។

រដ្ឋមន្ត្រីការបរទេសជប៉ុន លោក ហាយ៉ាស៊្ហី យ៉ូស៊្ហីម៉ាសា បានថ្លែងកោតសរសើរលើសមត្ថភាព យល់ដឹងនិងការដឹកនាំនៃអនាគតបេក្ខជននាយករដ្ឋមន្ត្រីរបស់គណបក្សប្រជាជនកម្ពុជាក្នុង ឱកាសជួបពិភាក្សាសំណេះសំណាលគ្នាក្នុងរដ្ឋធានីតូក្យូនៃប្រទេសជប៉ុន។

កិច្ចប្រជុំចង្អៀតរដ្ឋមន្រ្តីការបរទេសអាស៊ានដែលកម្ពុជានឹងធ្វើជាម្ចាស់ផ្ទះ នឹងផ្តោតលើបញ្ហា សំខាន់យ៉ាងហោចចំនួន៧។

ប្រធានគណៈកម្មាធិការជាតិរៀបចំការបោះឆ្នោត បានប្រកាសការចាប់ផ្តើមបើកដំណើរ ការនៃ «ការរៀបចំការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២»  ដែលការប្រកាសនៅថ្ងៃអង្គារនេះ គឺនៅទន្ទឹមការបោះឆ្នោតឃុំនិងសង្កាត់នឹងមកដល់រយៈ ពេល១១០ថ្ងៃទៅមុខទៀត។