ប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ាលោក ប្រាក់ សុខុន និងគណៈប្រតិភូ នឹងបំពេញទស្សនកិច្ចការងារលើកទីពីរនៅប្រទេសមីយ៉ាន់ម៉ា ខណៈស្ថានភាពតានតឹងនយោបាយនៅទីនោះ មិនមានភាពធូរស្រាលឡើយ។

គណបក្សប្រជាជនកម្ពុជា បានប្តេជ្ញាការយកឈ្នះឱ្យបានលើការបោះឆ្នោតសកលឆ្នាំ២០២៣ ដែលការប្តេជ្ញានេះ បានធ្វើឡើងក្នុងទិវារំលឹកខួបអនុស្សាវរីយ៍លើកទី៧១នៃថ្ងៃបង្កើតគណបក្សប្រជាជនកម្ពុជា។

ស្ត្រីម្នាក់នៅខេត្ដមណ្ឌលគិរី បានស្លាប់ភ្លាមៗ ដោយរន្ទះបាញ់ ខណៈពេលដែលកំពុងប្រើចប កាយអាចម៍ដី ដើម្បីកុំឱ្យទឹកហូរចូលផ្ទះ ពេលមេឃកំពុងធ្លាក់ភ្លៀងខ្លាំង។ សមត្ថកិច្ចមូលដ្ឋាន បានថ្លែងថាហេតុការណ៍បានកើតឡើង នៅល្ងាចថ្ងៃទី២៦ខែមិថុនា ស្ថិតនៅក្នុងភូមិចុងផាង ឃុំពូជ្រៃ នៃស្រុពេជ្រាដា។

តួលេខឆ្លងកូវីដ១៩ បានថមថយចុះខ្លះក្នុងប្រទេសខ្លះនៅអាស៊ាន ប៉ុន្តែប្រទេសមួយចំនួន នៅតែមានការឆ្លងខ្ពស់ជាដដែល។ ករណីឆ្លង និងស្លាប់ដោយសារកូវីដ១៩ ក្នុងប្រទេស អាស៊ាន ក្នុងរយៈពេល ៧២ម៉ោងចុងក្រោយនេះ មានចំនួន ៤ម៉ឺន ១ពាន់ ៨៥៤ករណី និងការស្លាប់ថ្មីមានចំនួន ៨៧នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លង ច្រើនជាងគេបង្អស់ដដែល ក្នុងរយៈពេល ៧២ម៉ោងចុងក្រោយនេះ ។

សម្តេចតេជោ ហ៊ុន សែន បានថ្លែងនៅថ្ងៃទី២៧មិថុនានេះ អំពាវនាវពលរដ្ឋបន្តនាំគ្នាចាក់វ៉ាក់ សាំងដូសជម្រុញ ខណៈដែលតួលេខចាក់នៅមានភាពយឺតគួរឱ្យកត់សម្គាល់។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន៥១ថ្ងៃជាប់គ្នាជាបន្តបន្ទាប់។

អដ្ឋិធាតុកងទ័ពស្ម័គ្រចិត្តវៀតណាមចំនួន២៣ទៀត ត្រូវបានប្រគល់ ជូនភាគីវៀតណាម ដើម្បីនាំទៅប្រទេសកំណើតវិញ ។ ពិធីផ្ទេរប្រគល់អដ្ឋិធាតុនេះ បានធ្វើឡើងនៅបញ្ជាការដ្ឋាន តំបន់ប្រតិបត្តិការសឹករងសៀមរាប នាថ្ងៃទី២៥ខែមិថុនា ឆ្នាំ២០២២។

សាខាគណបក្សប្រជាជនកម្ពុជានៅក្រៅប្រទេស បានរៀបចំពិធីអបអរខួបលើកទី៧១ ថ្ងៃកំណើតគណបក្ស។ ខួបអនុស្សាវរីយ៍លើកទី៧១ថ្ងៃបង្កើតគណបក្សប្រជាជនកម្ពុជានឹង ឈានមកដល់ថ្ងៃទី២៨មិថុនាឆ្នាំ២០២២សប្តាហ៍នេះហើយ។

សង្គ្រាមក្នុងប្រទេសអ៊ុយក្រែនបានឈានចូលដល់ថ្ងៃទី១២៣ហើយ។ ទាហានអ៊ុយក្រែន បាន បាត់បង់ទីក្រុងស៊ីវៀរ៉ូ ដូណេតស៍ហើយ ដោយមិនអាចស៊ូប្រយុទ្ធឈ្នះនឹងទាហានរុស្ស៊ីឡើយ។ រុស្ស៊ីក្រោយការពង្រីកតំបន់ថ្មីភាគខាងកើតអ៊ុយក្រែន បានបាញ់មីស៊ីលចូលក្នុងរដ្ឋធានីគៀវបន្ថែមទៀតដែលនាំឱ្យការជ្រួលច្របល់ជាខ្លាំង។

កម្ពុជាបានរៀបចំទិវាអន្តរជាតិប្រយុទ្ធប្រឆាំងនឹងគ្រឿងញៀនខណៈដែលកម្ពុជាក្នុងមួយឆ្នាំ ៗការបង្ក្រាបគ្រឿងញៀនមានច្រើនសិបតោន។ ទិវាអន្ដរជាតិ ប្រយុទ្ធប្រឆាំងគ្រឿងញៀន ថ្ងៃទី២៦ មិថុនាក្នុងរាជធានីភ្នំពេញក្រោមប្រធានបទ«ដោះស្រាយបញ្ហាគ្រឿងញៀនក្នុងវិបត្តិ សុខភាពនិងមនុស្សធម៌»បានអញ្ជើញចូលរួមជាអធិបតីដោយសម្តេចក្រឡាហោម ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ។