គណបក្សប្រជាជនកម្ពុជាបានប្រកាសទទួលយកលទ្ធផលនៃការបោះឆ្នោតក្រុមប្រឹក្សាឃុំនិង សង្កាត់ខណៈដែលប្រជាជនទូទាំងប្រទេសបានសម្តែងក្តីអបអរចំពោះលទ្ធផលដែលឈ្នះ អាសនៈភ្លូកទឹកភ្លូកដីនេះ។

ប្រេសិតពិសេសរបស់ប្រធានអាស៊ាន បានទទូចដល់មេដឹកនាំយោធាមីយ៉ាន់ម៉ា សូមបញ្ជូន លោកស្រី អោងសាន ស៊ូជី ត្រឡប់ទៅលំនៅដ្ឋានវិញ។ លោកស្រីអង់សានស៊ូជី ត្រូវបានរបប ដឹកនាំយោធាមីយ៉ាន់ម៉ា បានផ្លាស់ប្តូរទីកន្លែងស្នាក់នៅដោយការផ្ទេរលោកស្រីពីលំនៅដ្ឋាន ទៅកាន់ពន្ធនាគារក្នុងទីក្រុងណៃពិដោរ។

ពលរដ្ឋកម្ពុជានៅតែបន្តការសម្រុកចាក់វ៉ាក់សាំងប្រឆាំងកូវីដ១៩ បើទោះបីជាតួលេខបាន បង្ហាញថាជាប្រទេសដែលគ្មានអ្នកឆ្លង និងអ្នកស្លាប់ដោយសារកូវីដ១៩ក៏ដោយ។

តួលេខឆ្លងកូវីដ១៩ បានថមថយចុះខ្លះក្នុងប្រទេសខ្លះនៅអាស៊ាន ប៉ុន្តែប្រទេសមួយចំនួន នៅតែមានការឆ្លងខ្ពស់ជាដដែល។ ករណីឆ្លង និងស្លាប់ដោយសារកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុង ក្រោយនេះ មានចំនួន ១ម៉ឺន ៥ពាន់ ១០០ករណី និងការស្លាប់ថ្មីមានចំនួន ៣៥នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ២៤ម៉ោងចុងក្រោយនេះ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន៤៨ថ្ងៃជាប់គ្នាជាបន្តបន្ទាប់។

គម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ៥ ភាគខាងត្បូង (ព្រែកក្តាម-ធ្លាម្អម) សម្រេចបាន៨០% និងគ្រោងនឹងបញ្ចប់នៅចុងឆ្នាំ២០២៣ ។

សារធាតុញៀន សារធាតុគីមីផ្សំ និងសារធាតុគីមីពាក់ព័ន្ធបទល្មើស ចំនួនជាង៩០តោន គ្រោងនឹងត្រូវកម្ទេចនិងបន្សាបចោលនៅឆ្នាំ២០២២នេះ ទៅតាមការរៀបចំដាច់ដោយ ឡែកពីគ្នា។

កំហឹងនៃភ្លើងប្រច័ណ្ឌមួយក្នុងខេត្តសៀមរាប បានបណ្តាលឱ្យបុរសម្នាក់ បានសម្លាប់ គូស្នេហ៍របស់ខ្លួន និងបានដេកឱបសាកសពស្ត្រីនោះ មិនចាកចេញពីបន្ទប់ឡើយ។ ក្លិនឈួល អាសោចន៍សាកសពរយៈពេល៣ថ្ងៃ បានជំរុញឱ្យអ្នកជិតខាងប្តឹងទៅសមត្ថកិច្ច ទើបបាន ដឹងនូវរឿងហេតុ ដែលកើតឡើង។

ក្រុមជនអន្ធពាលដែលពាក់ព័ន្ធនឹងការបាញ់ឱ្យរបួសអធិការរងនគរបាលក្រុងព្រះសីហនុ ខេត្តព្រះសីហនុ ត្រូវបានគេចាប់ខ្លួនជាបន្តបន្ទាប់ សរុបបានចំនួន៦នាក់។