តួលេខឆ្លងក្នុងប្រទេសអាស៊ានទាំង១០ រយៈពេល ២៤ម៉ោងចុងក្រោយនេះ មានចំនួន ៦ម៉ឺន ៣ពាន់ ១៣ករណី  ដែលជាតួលេខឆ្លងកើនលើសពីម្សិលមិញចំនួន១ម៉ឺន ១៩២ករណី។ ចំណែកការស្លាប់សរុបក្នុងប្រទេសអាស៊ាន ក្នុងរយៈពេល ២៤ម៉ោងមកនេះ មានចំនួន ២៩៦នាក់ ។

តួលេខពលរដ្ឋនៅរាជធានីភ្នំពេញ បានមកចាក់វ៉ាក់សាំងដូសទី៤ ក្នុងរយៈពេល ២៤ម៉ោងកន្លងមកនេះ មាន ចំនួន ៣ម៉ឺន ៦ពាន់ ៣៨៩នាក់ ដែលនាំឲ្យតួលេខអ្នកចាក់វ៉ាក់សាំងដូសជម្រុញទី២ រយៈពេល ១សប្តាហ៍មក នេះមានចំនួន១៦ម៉ឺន៦ពាន់២១០នាក់ ហើយ ។

កម្ពុជាមានករណីឆ្លងវីរុសអូមីក្រុងថ្ងៃនេះ ចំនួន៣៧ករណី ដែលនាំឱ្យតួលេខឆ្លងវីរុសបំប្លែងថ្មីអូមីក្រុងបានកើន ដល់៤៧៣ករណីហើយក្នុងប្រទេសកម្ពុជា។

កម្ពុជាបានចុះពិនិត្យតាមដានករណីច្រកចេញចូលអន្តរជាតិកម្ពុជាវៀតណាមក្នុងច្រកទ្វារព្រំដែនភ្នំដិន ខណៈ ការរឹតបន្តឹងចេញចូលនៅតែមានភាពប្រុងប្រយ័ត្នដើម្បីការឆ្លងរាលដាលនៃវីរុសកូវីដ-១៩។

រដ្ឋមន្ត្រីក្រសួងអប់រំ និងឯកអគ្គរដ្ឋទូតបារាំង បានចុះកិច្ចសហប្រតិបត្តិការលើកិច្ចព្រមព្រៀងនៃវិស័យអប់រំ។ ពិធីចុះហត្ថលេខាលើកិច្ចព្រមព្រៀងស្តីពីកិច្ចសហប្រតិបត្តិការក្នុងវិស័យវិទ្យាសាស្រ្ត និងបច្ចេកវិទ្យា ក្នុងក្រប ខណ្ឌនៃភាពជាដៃគូ អ៊ុយបែរ៍ គួរីយៀង (Huber Curien) «ទន្លេសាប» បានប្រព្រឹត្តទៅក្រោមអធិបតីភាពបណ្ឌិត សភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោក ហ្សាក ប៉ឺឡេ Jacques PELLET ឯកអគ្គរដ្ឋទូតនៃ សាធារណរដ្ឋបារាំង ប្រចាំនៅកម្ពុជា កាលពីថ្ងៃទី១៩មករាឆ្នាំ២០២២។

មន្ត្រីខេត្តកំពង់ធំ បានលើកឡើងបកស្រាយជុំវិញករណីទន្ទ្រានដីព្រៃលិចទឹកខុសច្បាប់នៅក្នុងខេត្តក្រោយសេច ក្តីរាយការណ៍នានាជាច្រើនបានលើកឡើងជុំវិញករណីរំលោភដីព្រៃលិចទឹកខុសច្បាប់នៅក្នុងខេត្តជាប់ទន្លេសាប។

ក្រសួងមហាផ្ទៃ បានដាក់បំរាមលើជនជាតិអាមេរិកម្នាក់ ឈ្មោះហ្គិនស៊ើ ចារិត GENSER JARED មិនឱ្យចូល កម្ពុជាជារៀងរហូត ក្រោយអំពើល្មើសច្បាប់អន្តោប្រវេសន៍ និងបំពានដែនយុត្តាធិការ។

រដ្ឋមន្ត្រីការបរទេសវៀតណាម លោក ប៊ូយ ថាញ់សឺន បានហៅដំណើរទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ទៅកាន់ប្រទេសមីយ៉ាន់ម៉ា គឺជាកិច្ចការដ៏មានតម្លៃ និងមានសារៈសំខាន់សម្រាប់រក្សានូវ សាមគ្គីភាព និងឯកភាពរបស់អាស៊ាន។