ប្រទេសជប៉ុនបានផ្តល់ជំនួយឥតសំណងជាង៧០ម៉ឺនដុល្លារអាមេរិក ដល់គម្រោងចំនួន៣នៅកម្ពុជា។ ពិធី ចុះកិច្ចសន្យាផ្តល់ជំនួយនេះ បានធ្វើឡើងនៅថ្ងៃទី១៩ ខែមករា ឆ្នាំ២០២២ ដោយឯកអគ្គរាជទូតប្រទេសជប៉ុន ប្រចាំនៅកម្ពុជាលោក មិកាមិ ម៉ាសាហ៊ីរ៉ូ និងអ្នកតំណាងអង្គភាពទទួលជំនួយទាំង៣។

តួលេខឆ្លងក្នុងប្រទេសអាស៊ានទាំង១០ រយៈពេល ២៤ម៉ោងចុងក្រោយនេះ មានចំនួន ៥ម៉ឺន ៣ពាន់ ៨៥ករណី ដែលជាតួលេខឆ្លងតិចជាងម្សិលមិញចំនួន ៣ពាន់ ៣១៦ករណី ។ ចំណែកការស្លាប់សរុបក្នុងប្រទេសអាស៊ាន ក្នុងរយៈពេល ២៤ម៉ោងមកនេះ មានចំនួន ៣០៥នាក់ ។ បើប្រៀបធៀបការស្លាប់ រវាង២៤ម៉ោង ចុងក្រោយនេះ ទៅនឹងម្សិលមិញ ការស្លាប់មានការកើនឡើងចំនួន ៥០នាក់ថែមទៀត។ ក្នុងចំណោមតួលេខឆ្លងថ្មី នៃប្រទេស ទាំង១០ គឺប្រទេសហ្វីលីពីន នៅតែជាប្រទេស ដែលមានការឆ្លងច្រើនលើសគេដដែលក្នុងរយៈពេល២៤ម៉ោង កន្លងមកនេះ ។

តួលេខពលរដ្ឋនៅរាជធានីភ្នំពេញ បានមកចាក់វ៉ាក់សាំងដូសទី៤ ក្នុងរយៈពេល ២៤ម៉ោង កន្លងមកនេះ មាន ចំនួន ៣ម៉ឺន ៤ពាន់ ៣៨នាក់ ដែលនាំឲ្យតួលេខអ្នកចាក់វ៉ាក់សាំងដូសជម្រុញទី២ រយៈពេល ៦ថ្ងៃមកនេះមាន ចំនួន១២ម៉ឺន ៩ពាន់ ៨២១នាក់ ហើយ ។

ការឆ្លងវីរុសអូមីក្រុងក្នុងសហគមន៍បានកើនឡើងគ្រាដែលការឆ្លងនាំចូលពីក្រៅប្រទេសបានធ្លាក់ចុះ។ យោង តាមក្រសួងសុខាភិបាល ការឆ្លងវីរុសបំប្លែងថ្មីអូមីក្រុងរយៈពេល២៤ម៉ោងកន្លងមកនេះ មានចំនួន២៣ករណីក្នុង ចំណោមការឆ្លងសរុប៣០ករណីថ្ងៃនេះ។ ការឆ្លង៧ករណីទៀត គឺជាការឆ្លងនាំចូលមកពីក្រៅប្រទេស។ ការ ផ្ទុះឆ្លងច្រើនក្នុងសហគមន៍ គឺជាបញ្ហាដែលរាជរដ្ឋាភិបាលកំពុងចាត់វិធានការទប់ស្កាត់នាពេលនេះ។

កម្ពុជាបានបង្ហាញការត្រៀមខ្លួនរួចជាស្រេចក្នុងការបង្កើតរោងចក្រផលិតវ៉ាក់សាំងក្នុងប្រទេសខណៈជម្ងឺឆ្លង កូវីដ១៩នៅតែបន្តជាគ្រោះគំរាមកំហែងដល់ពលរដ្ឋលើសកលលោក។

ធនាគារពិភពលោក បានអនុម័តជំនួយហិរញ្ញប្បទានជិត៧០លានដុល្លារ ក្នុងការជួយវិស័យអប់រំនៅកម្ពុជា។ សេចក្តីប្រកាសព័ត៌មានរបស់ធនាគារពិភពលោក ដែលបណ្តាញសារព័ត៌មានទទួលបានថ្ងៃនេះ បានសរសេរថា ជំនួយហិរញ្ញប្បទានសរុបចំនួន៦៩លាន២៥សែនដុល្លារអាមេរិក គឺដើម្បីជួយកម្ពុជា ក្នុងការធ្វើឲ្យកាន់តែប្រសើរ នូវលទ្ធភាពប្រកបដោយសមធម៌ក្នុងការទទួលបានការអប់រំជាមូលដ្ឋាន និងក្នុងការឆ្លើយតបឲ្យបានរហ័ស ទៅ នឹងវិបត្តិនានាដែលប៉ះពាល់ ដល់ប្រព័ន្ធអប់រំក្នុងប្រទេស។

រាជរដ្ឋាភិបាលបានបញ្ចប់ការផ្តល់ប្រាក់ឧបត្ថម្ភសម្រាប់កម្មករនិយោជិតក្នុងវិស័យវាយនភណ្ឌកាត់ដេរ ប៉ុន្តែ នៅ បន្តប្រាក់ឧបត្ថម្ភជាដដែលដល់កម្មករនិយោជិតព្យួរកិច្ចសន្យាការងារក្នុងវិស័យទេសចរណ៍។

រដ្ឋមន្រ្តីការបរទេសវៀតណាម កំពុងបំពេញទស្សនកិច្ចផ្លូវការនៅកម្ពុជារយៈពេល២ថ្ងៃដែលចាប់ផ្តើមនៅថ្ងៃទី ១៩មករានេះ។

រដ្ឋមន្ត្រីទេសចរណ៍អាស៊ានបូកបី បានប្តេជ្ញាស្តារវិស័យទេសចរណ៍អាស៊ានបូកបីសាឡើងវិញ ក្រោយភាពរអាក់ រអួលដោយសារតែវិបត្តិជម្ងឺកូវីដ-១៩ ។ ការប្ដេជ្ញានេះធ្វើឡើងកិច្ចប្រជុំរដ្ឋមន្ត្រីទេសចរណ៍អាស៊ានបូកបីរួមមាន ប្រទេសចិន, ជប៉ុននិងកូរ៉េខាងត្បូងតាមប្រព័ន្ធវីដេអូ Conference។

អគ្គលេខាធិការអាស៊ាន លោក លឹម ចុកហ៊ុយ បានថ្លែងកោតសរសើរចំពោះកម្ពុជាដែលជាប្រទេសមុនគេ បង្អស់ក្នុងប្រទេសអាស៊ានទាំង១០ក្នុងការរៀបចំបើកវេទិកាទេសចរណ៍នាពេលនេះ។