តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ២០ម៉ឺន១ពាន់ ៧២២ ករណី ដែលជាតួលេខឆ្លងច្រើនជាងសប្តាហ៍មុនចំនួន ១ម៉ឺន ៤ពាន់ ៣៣៩ ករណី ។ ចំណែកការស្លាប់ក្នុងរយៈ ពេល ៧២ម៉ោងមកនេះ មានចំនួន ៦៨៣នាក់។ បើប្រៀបធៀបនឹង៧២ម៉ោងនៃសប្តាហ៍មុន តួលេខស្លាប់នេះ គឺ ថយចុះចំនួន ៥៦៤នាក់។ ក្នុងចំណោមតួលេខឆ្លងថ្មីនៃប្រទេសទាំង១០ គឺប្រទេសហ្វីលីពីន នៅតែជាប្រទេស ដែលមានការឆ្លងឈរនៅលំដាប់ទី១ ច្រើនជាងគេដដែល ។

តួលេខពលរដ្ឋបានមកចាក់វ៉ាក់សាំងដូសទី៤ រយៈពេល ៤ថ្ងៃ កន្លងមកនេះ បានចំនួន ៦ម៉ឺន ៦ពាន់ ៣៩០នាក់ ។ រាជរដ្ឋាភិបាលកម្ពុជា បានចាប់ផ្តើមយុទ្ធនាការចាក់វ៉ាក់សាំងដូសទី៤ តាំងពីថ្ងៃទី១៤ មករា នោះមកទៅ លើមន្ត្រីក្នុងក្រុមជួរមុខដែលជាអ្នកធ្វើការប្រឈមនឹងហានិភ័យខ្ពស់ ដែលផ្តើមចេញពីរាជធានីភ្នំពេញដំបូងគេ ។ ដោយឡែកការចាក់វ៉ាក់សាំងដូសទី៣ និងការចាក់វ៉ាក់សាំងដូសមូលដ្ឋាននៅតែបន្តជាដដែល បើទោះបីមាន ការចាក់វ៉ាក់សាំងដូសទី៤ហើយក៏ដោយ ។

កម្ពុជាបានរកឃើញអ្នកឆ្លងវីរុសបំប្លែងថ្មីអូមីក្រុងក្នុងសហគមន៍ចំនួន១១នាក់បន្ថែមទៀត ក្នុង ចំណោមអ្នកឆ្លងថ្មីអូមីក្រុងដែលមានសរុបចំនួន២៩នាក់។

ខេត្តកំពង់ចាមបានប្រកាសសមាសភាពប្រធានក្រុមការងារជនបង្គោលយុវជនថ្នាក់កណ្តាលចុះជួយស្រុក បាធាយនិងក្រុមយុវជនបន្តវេនសម្រាប់ជួយស្រុកបាធាយខណៈការដំណើរការបោះឆ្នោតឃុំសង្កាត់និងការ បោះឆ្នោតសកលកាន់តែរំកិលមកបន្តិចម្តងៗ។

ខេត្តកំពង់ឆ្នាំងបានប្រកាសសមាសភាពក្រុមការងារយុវជនបន្តវេនរបស់គណបក្សប្រជាជនកម្ពុជា ដែលពិធីនេះ បានអញ្ជើញចូលរួមជាអធិបតីភាពដោយប្រធានយុវជនគណបក្សប្រជាជនកម្ពុជាថ្នាក់កណ្តាល លោក ហ៊ុន ម៉ា ណែត ។

សមរង្ស៊ីបានប្រើសម្តីប្រមាថមកលើបុព្វបុរសនៃអង្គការសហព័​ន្ធសន្តិភាពសកល UPF ដោយចោទថាអតីតបុព្វ បុរស UPF លោក Sun Myung Moon ជាមនុស្សមិនគ្រប់ទឹក និងចោទទៀតថាអតីតបុព្វបុរស UPF ជាមនុស្ស ឆបោក និងធ្លាប់បានជាប់គុកក្នុងសហរដ្ឋអាមេរិក។ 

អគ្គលេខាធិការអាស៊ាន លោក លឹម ចុក ហ៊ុយ កំពុងបំពេញទស្សនកិច្ច៥ថ្ងៃក្នុងប្រទេសកម្ពុជាដែលជាដំណើរ ទស្សនកិច្ចតបតាមការអញ្ជើញរបស់រដ្ឋមន្ត្រីក្រសួងការបរទេសកម្ពុជា។ លោក លឹម ចុក ហ៊ុយ បានមកដល់ កម្ពុជា កាលពីថ្ងៃទី១៥មករានិងដំណើរទស្សនកិច្ចនេះ គ្រោងនឹងបញ្ចប់នៅថ្ងៃទី១៩មករា។

រថយន្តមួយគ្រឿង បានឆេះតាមបណ្តោយផ្លូវនៃមហាវិថីឈ្នះឈ្នះនាចំណុចស្ពានព្រែកព្នៅនារសៀលថ្ងៃទី១៤មករា។ សេចក្តីរាយការណ៍ពីអាជ្ញាធរបានបញ្ជាក់ថាមូលហេតុដែលរថយន្តពាក់ផ្លាកលេខភ្នំពេញ 2AA-2852 បានឆេះនោះ គឺដោយសារបានឆ្លងចរន្តអគ្គិសនី។ មិនមានសេចក្តីរាយការណ៍បញ្ជាក់អំពីមនុស្សរងគ្រោះថ្នាក់ក្នុងហេតុការណ៍នោះ ឡើយ។

កម្ពុជាបានទាញចំណាប់អារម្មណ៍របស់សាធារណមតិពិភពលោកក្នុងការយកចិត្តទុកដាក់លើភាពឈ្លាសវៃនៃយុទ្ធ សាស្ត្របំបែកភាពទ័លច្រកនយោបាយជាប់គាំងក្នុងប្រទេសមីយ៉ាន់ម៉ា ក្នុងពេលដែលចាប់ផ្តើមបើកសន្លឹកទំព័រតែ ប៉ុន្មានថ្ងៃក្នុងនាមធ្វើជាប្រធានអាស៊ានប្តូរវេន។

យោធភូមិភាគទី៤ ទើបបានបញ្ចប់វគ្គហ្វឹកហ្វឺនយោធារយៈពេល៩១ថ្ងៃដោយសិក្ខាកាមយោធាបានហ្វឹកហាត់នូវ  មេរៀនលំហាត់របៀប ,ឋានលេខា ,សុខាភិបាល ,ភស្តុភារ ,អប់រំនយោបាយ ចិត្តសាស្ត្រ ,លក្ខណៈបច្ចេកទេសអា  វុធថ្មើរជើង ,យុទ្ធវិធីថ្មើរជើង ,សង្គ្រោះគ្រោះមហន្តរាយ ត្រៀមបង្ការទឹកជំនន់ និងមេរៀនក្បាច់គុនផងដែរ។