ក្រសួងអប់រំបានថ្លែងថា បេក្ខជនប្រឡងជាប់បាក់ឌុបទូទាំងប្រទេសក្នុងឆ្នាំនេះមានចំនួន៧ម៉ឺន២ពាន់១៦នាក់ ដែល ស្មើនឹង៦៥.៦៥%។

ជនសង្ស័យ០៣នាក់នៃមុខសញ្ញាប្រើប្រាស់គ្រឿងញៀន និងជាក្រុមឆក់ទូរស័ព្ទដៃនិងកាបូបតែងធ្វើសកម្មភាព នៅរាជធានីភ្នំពេញនិងខេត្តកណ្តាល ត្រូវបានសមត្ថកិច្ចចាប់ខ្លួននិងបញ្ជួនទៅតុលាការហើយ។

«មជ្ឈមណ្ឌលកែសម្ផស្សផ្ការំដួល» ក្នុងខណ្ឌដូនពេញរាជធានីភ្នំពេញ ត្រូវបានគេបង្ក្រាបដោយសារតែមានមនុស្សរង គ្រោះក្នុងការកែសម្ផស្ស។

យ៉ាងហោចមានក្រុមហ៊ុនចំនួន១៦ដែលត្រូវបានរាជរដ្ឋាភិបាលអនុញ្ញាតស្វែងរុករករ៉ែលោហៈ និងក្រុមហ៊ុន ចំនួន ៤ផ្សេងទៀតនឹងត្រូវចាប់ផ្តើមធ្វើអាជីវកម្មចម្រាញ់រ៉ែមាសជាផ្លូវការរបស់ខ្លួននៅក្នុងឆ្នាំ២០២២នេះ។

អគារទីបញ្ជាការ, អគារស្នាក់នៅរបស់ផ្នែកសឹករងបសេដ្ឋ និងសមិទ្ធផល នានារបស់តំបន់ប្រតិបត្តិការសឹករងកំពង់ស្ពឺ ត្រូវបានសម្ពោធនៅក្នុងថ្ងៃទី១៤មករានេះក្រោមអធិបតីភាពមេបញ្ជាការកងទ័ពជើងគោកលោកឧត្តមសេនីយ៍ឯកហ៊ុន ម៉ាណែត។

ការឆ្លងជម្ងឺកូវីដ១៩ក្នុងប្រទេសអាស៊ានរយៈពេល២៤ម៉ោងនេះ មានតូលេខកាន់តែកើនឡើងជាងម្សិលមិញ។ តួលេខ ឆ្លងថ្ងៃនេះ មានចំនួន ៦ម៉ឺន៨ពាន់ ៥១៤ករណី ដែលកើនច្រើនជាងការឆ្លងពីម្សិលមិញចំនួន ៤ពាន់ ៤៦៨ ករណី ។

កម្ពុជាបានរកឃើញអ្នកឆ្លងវីរុសបំប្លែងថ្មីអូមីក្រុងក្នុងសហគមន៍ចំនួន៤នាក់បន្ថែមទៀតនៅថ្ងៃនេះ ក្នុងចំណោមអ្នក ឆ្លងថ្មីមានសរុបចំនួន១០នាក់។ តួលេខឆ្លងថ្មីចំនួន១០នាក់នៅថ្ងៃសុក្រនេះ គឹជាតួលេខថយចុះ២៤ករណី បើប្រៀប ធៀបនឹងម្សិលមិញ។ ការឆ្លងថ្មី១០ករណីថ្ងៃនេះ គឺជាវីរុសបំប្លែងថ្មីអូមីក្រុងទាំងអស់ក្នុងនោះ ៤ករណីជាការឆ្លងក្នុងសហ គមន៍, ចំណែក៦ករណីទៀតជាការនាំចូលមកពីក្រៅប្រទេស។ តូលេខនៃវីរុសអូមីក្រុងដែលបានរកឃើញសរុបក្នុង ប្រទេសកម្ពុជា បានកើនដល់២៨៧ករណីហើយ ក្នុងនោះ៣២ករណី គឺជាការឆ្លងក្នុងសហគមន៍។

ប្រធានគណៈកម្មការចំពោះកិច្ចចាក់វ៉ាក់សាំងបង្ការជម្ងឺកូវីដ-១៩ លោកស្រី ឱ វណ្ណឌីន បានបន្ទោសការផ្សាយវិទ្យុក្នុង ស្រុកមួយឈ្មោះ វីអូឌី ថាបានផ្សព្វផ្សាយព័ត៌មានបង្កឱ្យមានការភ័ន្តច្រឡំជុំវិញការចាក់វ៉ាក់សាំងបង្ការជម្ងឺកូវីដ-១៩។ ការបន្ទោសនេះ បានធ្វើក្នុងដំណើរមួយរបស់លោកស្រីចុះពិនិត្យការចាក់វ៉ាក់សាំងក្នុងមណ្ឌលសុខភាពមួយនៅក្រុង ពោធិ៍សាត់ ខេត្តពោធិ៍សាត់កាលពីម្សិលមិញ។

ការចាក់វ៉ាក់សាំងដូសទី៣ និងការចាក់វ៉ាក់សាំងដូសមូលដ្ឋាននៅតែបន្តជាដដែលបើទោះបីមានការចាក់វ៉ាក់សាំងដូស ទី៤ក្នុងរាជធានីភ្នំពេញ។ តួលេខអ្នកចាក់វ៉ាក់សាំងដូសទី៣ នៅថ្ងៃនេះ បានកើនដល់ជាង១១ម៉ឺននាក់ ។ វ៉ាក់សាំង ដូសទី៣ ឬវ៉ាក់សាំងដូសជម្រុញ គឺជាវ៉ាក់សាំងដែលអ្នកវិទ្យាសាស្ត្រសុខាភិបាលពិភពលោកបញ្ជាក់ថាអាចមានលទ្ធ ភាពក្នុងការជួយបង្ការការទប់ស្កាត់ការឆ្លងវីរុសកូវីដ-១៩ ជាពិសេសវីរុសបំប្លែងថ្មីអូមីក្រុង ដែលកំពុងធ្វើឱ្យពិភពលោក មានក្តីបារម្ភ ។

រាជធានីភ្នំពេញ បានចាប់ផ្តើមយុទ្ធនាការចាក់វ៉ាក់សាំងដូសទី៤នៅថ្ងៃទី១៤មករានេះ ទៅលើមន្ត្រីក្នុងក្រុមជួរមុខដែល ជាអ្នកធ្វើការប្រឈមនឹងហានិភ័យខ្ពស់។ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន និងមន្ត្រី ថ្នាក់ដឹកនាំជាន់ខ្ពស់ក្នុងរាជរដ្ឋាភិបាល បានចូលរួមចាក់វ៉ាក់សាំងដូសទី៤នៅថ្ងៃបើកយុទ្ធនាការនេះ។