តម្លៃប្រេងឥន្ធនៈ បានកើនឡើងមកវិញតិចតួច សម្រាប់ការលក់រយៈពេល១៥ថ្ងៃខាងមុខនេះ។ យោងតាម ក្រសួងពាណិជ្ជកម្ម តម្លៃប្រេងឥន្ធនៈ សម្រាប់ការលក់ចាប់ពីថ្ងៃទី០១ រហូតដល់ថ្ងៃទី១៥ ខែមករា ឆ្នាំ២០២២នេះ គឺប្រេងសាំងធម្មតា មានតម្លៃ៤ពាន់២០០រៀលក្នុង១លីត្រ ដែលតម្លៃនេះបានកើនឡើងចំនួន១០០រៀល បើធៀប ទៅការលក់រយៈពេល១៥ ថ្ងៃមុនដូចគ្នា។ ចំណែកប្រេងម៉ាស៊ូតវិញ មានតម្លៃ៣ពាន់៨០០រៀល ក្នុង១លីត្រ ដែល តម្លៃនេះ កើនចំនួន៥០រៀល បើធៀបទៅនឹងការលក់រយៈពេល១៥ ថ្ងៃមុន។

អយ្យការនៃសាលាដំបូងរាជធានី បានសម្រេចចោទប្រកាន់លើមនុស្ស៩នាក់ដែលបានរៀបចំធ្វើបាតុកម្មនៅមុខ ក្រុមហ៊ុនណាហ្គាវើល។

គ្រឿងញៀនជិត២៤គីឡូក្រាម និងជនជាតិវៀតណាមម្នាក់ ត្រូវបានបង្ក្រាបនៅក្នុងរាជធានីភ្នំពេញ។ ការបង្ក្រាប ដែលបានធ្វើប្រមាណជិតមួយសប្តាហ៍មកនេះក្នុងសង្កាត់ព្រែកលាប ខណ្ឌជ្រោយចង្វារ ទើបបានបញ្ជាក់ប្រាប់ បណ្តាញសារព័ត៌មាននៅថ្ងៃទី៣មករាឆ្នាំ២០២២។

គណៈកម្មាធិការជាតិរៀបចំការបោះឆ្នោត គជប បានបិតផ្សាយបញ្ជីបោះឆ្នោតដំបូង និងបញ្ជីឈ្មោះអ្នកដែលនឹង ត្រូវលុបចេញពីបញ្ជីបោះឆ្នោត នៅថ្ងៃទី៣មករានេះ។ យោងតាមសេចក្តីប្រកាសព័ត៌មានរបស់គជប ឈ្មោះអ្នក បោះឆ្នោត មានសរុប៩លាន២០ម៉ឺន៥ពាន់៦៧៥នាក់ ក្នុងនោះស្ត្រីមានចំនួន ៤លាន៩០ម៉ឺន៤ពាន់៨២៥នាក់, ការិ យាល័យបោះឆ្នោតមានចំនួន២ម៉ឺន៣ពាន់៦០២ និងឈ្មោះអ្នកដែលនឹងត្រូវលុបចេញពីបញ្ជីបោះឆ្នោត មានចំនួន ២២ម៉ឺន៤ពាន់៩៧០នាក់។ ការបិទផ្សាយនេះ នឹងតម្រូវឱ្យពលរដ្ឋត្រូវទៅធ្វើការផ្ទៀងផ្ទាត់ឈ្មោះនិងទិន្នន័យ ផ្សេងៗព្រមទាំងអាចសុំការកែតម្រូវតាមរយៈការប្តឹងតវ៉ា ឬនិងការប្តឹងជំទាស់ដែលនឹងមានរយៈពេល១០ថ្ងៃ៕

តួលេខមនុស្សស្លាប់ដោយសារចរាចរណ៍ បានកើនឡើងវិញគួរ ឱ្យកត់សម្គាល់។ សម្តេចនាយករដ្ឋមន្ត្រី ក្នុងប្រ សាសន៍បានថ្លែងនៅថ្ងៃទី៣មករាប្រៀបធៀបថា តួលេខអ្នកស្លាប់ដោយសារ ចរាចរណ៍នាពេលនេះ មានច្រើន ជាងចំនួនអ្នកស្លាប់ដោយសារជម្ងឺកូវីដ១៩ នាពេលនេះ ។

សម រង្ស៊ី បានព្យាយាមស្វែងរកការបង្កើតរឿងថ្មីដើម្បីលុបរឿងចាស់នៃភាពអាម៉ាសរបស់ខ្លួនដែលក្នុងឆ្នាំ២០២១ នេះមានជាច្រើន ជាពិសេសរឿងអាម៉ាសដែលពាក់ព័ន្ធនឹងការចោទប្រកាន់លើបណ្ឌិត ហ៊ុន ម៉ាណែត។ ការបង្កើត រឿងថ្មីមួយដែល សម រង្ស៊ី កំពុងចង់បង្វែរសភាពការណ៍លុបលាងភាពអាម៉ាសរបស់ខ្លួននោះ គឺល្បិចបំបែកផ្ទៃ ក្នុងគណបក្សប្រជាជនកម្ពុជា។ ប៉ុន្តែភ្លេចគិតថា ប្រមុខដឹកនាំគណបក្សប្រជាជនកម្ពុជានាពេលនេះ គឺជាប្រមុខ ដាក់ចេញនូវយុទ្ធសាស្ត្រDIFID ដែលជាយុទ្ធសាស្ត្របំបែកនិងរំលាយក្រុមឧទ្ទាមខ្មែរក្រហមអស់ទាំងស្រុង៕

តួលេខទេសចរណ៍កំសាន្តក្នុងស្រុកបានកើនឡើងទន្ទឹមនឹងតួលេខឆ្លងកូវីដ-១៩មិនបានកើនឡើងលើសពីមួយ ខ្ទង់ឡើយក្នុងរយៈពេលឈប់សម្រាកដំណាច់ឆ្នាំសកលនិងនៅចុងសប្តាហ៍កន្លងមកនេះ។ សម្តេចនាយករដ្ឋមន្ត្រី បានថ្លែងបញ្ជាក់នៅថ្ងៃទី៣មករាឆ្នាំ២០២២ថាតួលេខភ្ញៀវទេសចរណ៍ផ្ទៃក្នុងប្រទេសបានកើនឡើងជាង២លាន នាក់ក្នុងរយៈពេលដំណាច់ឆ្នាំសកលនិងចុងសប្តាហ៍កន្លងមកនេះ ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ មានការឆ្លងកូវីដ១៩ សរុបមានចំនួន៨ម៉ឺន ៤ពាន់២ករណីច្រើនជាងសប្តាហ៍មុនប្រមាណជាង២ម៉ឺនករណី។ ប្រទេសវៀតណាម នៅតែជាប្រទេសដែល មានការឆ្លងច្រើនជាងគេក្នុងចំណោមប្រទេសអាស៊ានទាំង១០។ តួលេខឆ្លង៧២ម៉ោងចុងក្រោយនេះនៅវៀត ណាម មានចំនួនជាង៤ម៉ឺន៨ពាន់២៩៨ករណី ដែលស្មើនឹងជាង ១ម៉ឺន៦ពាន់ករណីក្នុងមួយថ្ងៃៗ៕