សកម្មភាពជួញគ្រឿងញៀនកាន់តែកើនឡើងក្នុងរាជធានីភ្នំពេញ។ ថ្នាំញៀនជិត២០០គីឡូក្រាម ជាមួយនឹង ជនសង្ស័យជាតិវៀតណាមម្នាក់ ត្រូវបានចាប់ខ្លួននៅខណ្ឌបឹងកេងកង និងខណ្ឌមានជ័យ។ ប្រតិបត្តិការដែលធ្វើ ឡើងតាំងពីយប់ថ្ងៃទី៣០ធ្នូ ឆ្នាំ២០២១ ទើបត្រូវបានបញ្ជាក់ប្រាប់សារព័ត៌មានក្នុងស្រុក ។

សម្ដេចនាយករដ្ឋមន្ត្រី គ្រោងនឹងអញ្ជើញប្រគល់រង្វាន់លើកទឹកចិត្តម្ចាស់ជ័យលាភីមេដាយមាស កីឡាប៉េតង់ ជើងឯកពិភពលោកនៅថ្ងៃពុធនេះ។ វីរកីឡាការីនី អ៊ុក ស្រីមុំ នៃប្រទេសកម្ពុជាទើបបានដណ្តើមមេដាយ មាសផ្នែកនារី ក្នុងការប្រកួតកីឡាប៉េតង់ជើងឯកពិភពលោក ថ្ងៃទី១២ដល់១៤វិច្ឆិកា ឆ្នាំ២០២១ នៅក្នុងប្រទេស អេស្ប៉ាញ។ ពិធីប្រគល់ ពានរង្វាន់លើកទឹកចិត្តដល់វីរកីឡាការីនីអ៊ុកស្រីមុំ គ្រោងនឹងប្រព្រឹត្តទៅនាវិមានសន្តិភាព ព្រឹកថ្ងៃទី៥ធ្នូឆ្នាំ២០២២ ។

កម្ពុជាដែលជាប្រធានអាស៊ានប្តូរវេនឆ្នាំ២០២២ បានអញ្ជើញអគ្គមេបញ្ជាការកងទ័ពសិង្ហបុរី ដើម្បីចូលរួម ក្នុង កិច្ចប្រជុំដោយផ្ទាល់មួយទៅនៅរាជធានីភ្នំពេញ។ ការអញ្ជើញលោកអញ្ជើញឧត្តមសេនីយ៍ឯក មែល វីនអុង នៃ ប្រទេសសិង្ហបុរីនេះ បាន ធ្វើឡើងដោយអគ្គមេបញ្ជាការកងយោធពលខេមរភូមិន្ទ នាយឧត្តមសេនីយ៍វង្ស ពិសេន ក្នុងជំនួបទ្វេភាគីមួយ រវាងអគ្គមេបញ្ជាការកងទ័ពនៃប្រទេសទាំង២ តាមប្រព័ន្ធវីដេអូ ថ្ងៃទី៤មករានេះ។

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មានចំនួន២ម៉ឺន៨ពាន់៥៨៧ករណី ។ ក្នុងចំណោមការឆ្លងថ្មីសរុបនៅក្នុងរយ:ពេល២៤កន្លងមកនេះ, ប្រទេសវៀតណាមតែមួយ មានការឆ្លង ចំនួនជាង១ម៉ឺន៥ពាន់ករណីដែលស្មើនឹងប្រមាណ៥៥ភាគរយនៃការឆ្លងសារុបក្នុងបណ្តាប្រទេសអាស៊ានទាំង១០។

តួលេខអ្នកចាក់វ៉ាក់សាំងដូសទី៣រយៈពេល២៤ម៉ោងចុងក្រោយនេះ មានជិត៦ម៉ឺននាក់។ រាជរដ្ឋាភិបាល បាន ជម្រុញពលរដ្ឋក្នុងការចាក់ដូសវ៉ាក់សាំងដូសទីបី និងការអនុវត្តខ្ជាប់ខ្ជួននូវវិធានការ៣កុំនិងបីការពារ ខណៈពិ ភពលោកកំពុងតែរងនឹងការឆ្លងខ្លាំងនូវវីរុសបំប្លែងថ្មីអូមីក្រុង។ កាលពីម្សិលមិញ, យុទ្ធនាការចាក់វ៉ាក់សាំងសំរាប់ កុមារនិងយុវវ័យជំទង់អាយុរវាងពី១២ដល់១៧ឆ្នាំបានចាប់ផ្តើមចេញរាជធានីភ្នំពេញ។

ការឆ្លងជំងឺកូវីដ១៩ក្នុងរយៈពេល២៤ម៉ោងកន្លងមកនេះ បានកើនដល់ចំនួន១០នាក់ ខណៈការព្យាបាលសះ ស្បើយមានចំនួន១១នាក់។ យោងតាមក្រសួងសុខាភិបាល ការឆ្លងចំនួន១០ករណីថ្ងៃនេះ គឺសុទ្ធជាវីរុសបំប្លែងថ្មី អូមីក្រុង ដែលនាំចូលមកពីក្រៅប្រទេស។

មេខ្លោងញុះញង់កម្មករធ្វើបាតុកម្មឈ្មោះ ឈឹម ស៊ីថរ និងបក្ខពួក២នាក់ទៀត ដែលទទួលលុយពីបរទេសក្នុងការ រៀបចំធ្វើបាតុកម្មនៅមុខអគារកាស៊ីណូ Naga World កណ្តាលរាជធានី បានព្យាយាមរត់គេចខ្លួន និងទុកចោល ឱ្យមនុស្ស ដទៃត្រូវសមត្ថកិច្ចចាប់ខ្លួនក្រោយការព្រមានបញ្ឈប់ការធ្វើបាតុកម្មខុសច្បាប់នោះជាច្រើនលើក។

សម្តេចតេជោ ហ៊ុន សែន នៃប្រធានប្តូរវេនអាស៊ានឆ្នាំ២០២២​ បានជួបជជែកតាមទូរស័ព្ទជាមួយនឹងប្រធានាធិបតី ឥណ្ឌូណេស៊ីលោកចូកូ វីដូដូ ដែលបានប្រកាសគាំទ្រប្រមុខប្រទេសកម្ពុជាក្នុងការដឹកនាំអាស៊ានឆ្នាំ២០២២។ កម្ពុជាដែលបានក្លាយជាប្រធានអាស៊ានឆ្នាំ២០២២បានថ្លែងប្តេជ្ញាពង្រឹងឯកភាពអាស៊ានឱ្យមានជាសម្លេង១០មកវិញ ដោយមិនផាត់ចោលប្រទេសមីយ៉ាន់ម៉ាឡើយ។