អគ្គិភ័យបានឆាបឆេះដេប៉ូលក់ហ្គាសនិងស្ថានីយប្រេងឥន្ធនៈមួយកន្លែង ក្នុងខេត្តកំពង់ឆ្នាំងនាព្រឹកថ្ងៃទី២៩ធ្នូ ឆ្នាំ២០២១ និងការឆេះនោះត្រូវគេបន្ទោសថាបណ្តាលមកពីការឆ្លងចរន្តអគ្គិសនីម៉ូទរ័បូមហ្គាស់ ។ សមត្ថកិច្ច បានថ្លែងថា ហេតុការណ៍បានកើតឡើងវេលាម៉ោង ៨និង៥០នាទីព្រឹក ថ្ងៃពុធនេះនៅចំណុចជិតសួនច្បារដំរីស ក្នុងភូមិព្រៃពួច ឃុំជ្រៃបាក់ នៃស្រុករលាប្អៀរ។

ហ្វូងសត្វត្មាតភ្លើង ដែលបានបាត់វត្តមានអស់រយៈពេលជា២ឆ្នាំ កន្លងទៅនេះ ត្រូវបានគេប្រទះឃើញវត្តមាន សាជាថ្មី ក្នុងដែនជម្រកសត្វព្រៃស្រែពក នៃខេត្ដមណ្ឌលគិរី។ របាយការណ៍ របស់មន្ទីរបរិស្ថានខេត្តមណ្ឌលគិរី បានឱ្យដឹងថា វត្ដមានរបស់ហ្វូងសត្វត្មាតភ្លើង នេះត្រូវបានប្រទះឃើញកាលពីថ្ងៃទី២៧ធ្នូ ឆ្នាំ២០២១កន្លងទៅ។ សត្វត្មាតភ្លើង គឺជាប្រភេទ ត្មាត ដែលអ្នកស្រុកជនជាតិអាស៊ី មួយចំនួនធំ បានចាត់ទុកជាមេត្មាត ឬមេហ្វូង ឬ ហៅថា ស្តេចត្មាត ។

គ្រឿងញៀនជាង៣០០ គីឡូក្រាម និងជនសង្ស័យ៩នាក់រួមមានមេខ្លោងជាជនជាតិចិន ត្រូវបានសមត្ថកិច្ច បង្រ្កាបបាននៅរាជធានីភ្នំពេញ។ សមត្ថកិច្ចគ្រឿងញៀនបានថ្លែងថា ប្រតិបត្តការបង្ក្រាបនោះគឺបានធ្វើឡើង នៅ២គោលដៅផ្សេងគ្នាគឺនៅវីឡាភ្លោះក្នុងបុរីប៉េង ហួតបឹងស្នោ សង្កាត់និរោធ នៃខណ្ឌច្បារអំពៅ និងទីតាំង មួយទៀតនៅចំណុច ភោជនីយដ្ឋាន អីយិនម៉ាថូវ សង្កាត់បឹងព្រលឹត នៃខណ្ឌ៧មករា កាលពីថ្ងៃទី ២៤ ខែធ្នូ ឆ្នាំ២០២១។

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មានចំនួន២ម៉ឺន២ពាន់៣៩០ករណី ដែលកើនឡើងជាងម្សិលមិញ។ តួលេខឆ្លង២៤ម៉ោងកាលពីថ្ងៃអង្គារម្សិលមិញ មានចំនួន២ម៉ឺន១ពាន់៥៣៦ ករណី។ ប្រទេសវៀតណាមនៅតែជាប្រទេសដែលឆ្លងច្រើនជាងគេបង្អស់ក្នុង២៤ម៉ោងចុងក្រោយនេះនៅប្រ ទេសអាស៊ាន។

តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះមានជាង៤ម៉ឺននាក់។ កម្ពុជាកំពុងជម្រុញ ការចាក់វ៉ាក់សាំងដូសទី៣ ក្នុងស្ថានភាពដែលពិភពលោកកំពុងបារម្ភឆ្លងការរាលដាលលឿននៃវីរុសបំប្លែងថ្មី អូមីក្រុង ។