ការព្យាករណ៍អាកាសធាតុក្នុងប្រទេសកម្ពុជានៅក្នុងមួយសប្តាហ៍ទៅមុខទៀតនេះ បានបង្ហាញថា នឹងមិន មានការធ្លាក់ភ្លៀងចុងឆ្នាំដូចធ្លាប់មានសប្តាហ៍មុននោះទេ, ចំណែកអាកាសធាតុ ក៏មិនទាន់ឈានដល់សីតុណ្ហ ភាពក្តៅខ្លាំងដែរ។ យោងតាមក្រសួងធនធានទឹកនិងឧតុនិយម  កម្ពុជាក្នុងសប្ដាហ៍ទៅមុខទៀតនេះ នឹងទទួល រងឥទ្ធិពលនៃទ្រនុងសម្ពាធខ្ពស់ពីប្រទេសចិន ជាមួយនិងខ្យល់មូសុងឦសានបក់ក្នុងកម្រិតពីមធ្យមទៅបង្គួរ ។

២៣ឆ្នាំមុននេះ គឺនៅចំថ្ងៃទី២៩ធ្នូឆ្នាំ១៩៩៨, នយោបាយឈ្នះឈ្នះដាក់ចេញដោយសម្តេចតេជោ ហ៊ុន សែន បាន បញ្ចប់សង្គ្រាមស៊ីវិលក្នុងប្រទេសកម្ពុជា។ នយោបាយឈ្នះឈ្នះបំបាត់សង្គ្រាមស៊ីវិលបញ្ឆេះដោយរដ្ឋប្រហារ នៃអតីតរបបសាធារណរដ្ឋខ្មែរគាំទ្រដោយសហរដ្ឋអាមេរិក គឺជាព្រឹត្តិការណ៍ប្រវត្តិសាស្ត្រនៃការបញ្ចប់តំបន់អប គមន៍ និងការធ្វើអស់សង្គ្រាមក្នុងស្រុកដែលធ្លាប់កើតឡើងមិនដែលចប់ក្នុងរយៈពេលជាង៥០០ឆ្នាំកន្លងមកនេះ។

មូលនិធិគន្ធបុប្ផាកម្ពុជា បានទទួលថវិកាបរិច្ចាគពីសប្បុរសជនចំនួន ២៤ម៉ឺនដុល្លារនៅក្នុងខែវិច្ឆិកា ឆ្នាំ២០២១។ សេចក្តីប្រកាសព័ត៌មានដែលទើបទទួលបានថ្ងៃនេះបញ្ជាក់ថាសម្រាប់ខែវិច្ឆិកាឆ្នាំ២០២១នេះ  មូលនិធិគន្ធបុប្ផា កម្ពុជា បានទទួលថវិកាបរិច្ចាគសរុបចំនួន១៨ម៉ឺន២ពាន់៥៥១ដុល្លារអាមេរិក និងប្រាក់រៀលចំនួន ២៤៦លាន២ ម៉ឺន៦ពាន់៩០០រៀល ដែលស្មើនឹងប្រមាណ៦ម៉ឺនដុល្លារ ពីសប្បុរសជនសរុប ១ម៉ឺន១ពាន់៥៦ រូប។

អគារមនី្ទរពេទ្យកម្ពុជា-ចិន ព្រះកុសុមៈកម្ពស់១១ជាន់ ដែលចំណាយថវិកា៨១លានដុល្លារ ត្រៀមនឹងបញ្ចប់ការ សាងសង់នៅដើមឆ្នាំ២០២២ខាងមុខនេះហើយ។

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មានចំនួន២ម៉ឺន១ពាន់៥៣៦ករណី ។ ក្នុងចំណោមការឆ្លងថ្មីសរុបនៅក្នុងរយៈពេល២៤កន្លងមកនេះគ្រាន់តែប្រទេសវៀតណាមតែមួយ មានចំនួន ជាង១ម៉ឺន៤ពាន់ករណីដែលស្មើនឹងប្រមាណ៦៩ភាគរយនៃការឆ្លងសរុបក្នុងបណ្តាប្រទេសអាស៊ានទាំង១០។

តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះមានជាង៥ម៉ឺននាក់។ កម្ពុជាកំពុងជម្រុញ ការចាក់វ៉ាក់សាំងដូសទី៣ ក្នុងស្ថានភាពដែលពិភពលោកកំពុងបារម្ភឆ្លងការរាលដាលលឿននេះវីរុស បំប្លែងថ្មី អូមីក្រុង ។ ការចាក់ដូសជម្រុញឬវ៉ាក់សាំងដូសទី៣ ត្រូវគេចាត់ទុកថា ជាមធ្យោបាយមួយដែលអាចជួយទប់ទល់ នឹងការឆ្លងនឹងវីរុសបំប្លែងថ្មីអូមីក្រុង ។

តួលេខឆ្លងថ្មីនៃជម្ងឺកូវីដ១៩រយៈពេល២៤ម៉ោងក្នុងប្រទេសកម្ពុជា បានធ្លាក់ចុះមកមួយខ្ទង់វិញបន្ទាប់ពីការកើន ឡើងម្សិលមិញដល់១៥ករណី។ យោងតាមក្រសួងសុខាភិបាល, ការឆ្លងថ្មីថ្ងៃនេះ មាន៥ករណីដែលថយចុះ១០ ករណីប្រៀបធៀបនឹងម្សិលមិញ។ ក្នុងចំណោមការឆ្លងថ្មីទាំង៥ករណីនៅថ្ងៃនេះ រួមមាន២ករណីគឺជាការឆ្លង វីរុសបំប្លែងថ្មីអូមីក្រុងមកពីក្រៅប្រទេស។ ការស្លាប់ថ្មីនៅថ្ងៃនេះ មានម្នាក់ផងដែរ ដែលជាអ្នកមិនបានទទួល ការចាក់វ៉ាក់សាំង។ តួលេខស្លាប់ដោយកូវីដ១៩ក្នុងប្រទេសកម្ពុជាបានកើនដល់៣ពាន់១០នាក់ហើយ។