ក្រសួងពាណិជ្ជកម្មកម្ពុជា បានបញ្ចេញនូវរបាយការណ៍ជុំវិញការចំណាយត្បិតត្បៀត និងការប្រមូលប្រាក់ ចំណូលបានច្រើនលើសផែនការរំពឹងទុកសម្រាប់ឆ្នាំ២០២១ដែលជិតនឹងដាច់នាប៉ុន្មានថ្ងៃទៅមុខទៀតនេះ។

ស្នងការដ្ឋាននគរបាលរាជធានីភ្នំពេញ បានបញ្ជាក់ជុំវិញការរក្សាបាននូវសន្តិសុខល្អ១០០ភាគរយក្នុងឱកាស ដែលការប្រឡងមធ្យមសិក្សាសញ្ញាបត្រទុតិយភូមិកំពុងតែប្រព្រឹត្តទៅ។ ការប្រឡងបាក់ឌុប នឹងត្រូវបញ្ចប់នៅ ថ្ងៃនេះ។

ទីស្តីការក្រសួងការពារជាតិដែលទើបនឹងមានសំណង់អគាររដ្ឋបាលថ្មី នឹងត្រូវសម្ពោធដាក់ឱ្យប្រើប្រាស់នៅថ្ងៃទី ២៩ធ្នូខាងមុខនេះហើយ។ សម្តេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិ និងជាឧបនាយករដ្ឋមន្ត្រី បានបញ្ជាក់នូវថ្ងៃសម្ពោធជាផ្លូវការនេះ ដែលនឹងចំថ្ងៃពុធសប្តាហ៍នេះក្រោមអធិបតីភាពដ៏ខ្ពង់ខ្ពស់ពីសម្តេច នាយករដ្ឋមន្ត្រីហ៊ុនសែន។ ថ្ងៃទី២៩ធ្នូឆ្នាំ២០២១ គឺ ជាខួប២៣ឆ្នាំនៃការបញ្ចប់ភ្លើងសង្គ្រាមស៊ីវិលនៅកម្ពុជាក្រោម នយោបាយឈ្នះឈ្នះរបស់សម្តេចតេជោ ហ៊ុន សែន។

តួលេខទេសចរណ៍ផ្ទៃក្នុងប្រទេសកម្ពុជា បានកម្រើកសាឡើងវិញក្នុងចុងឆ្នាំ២០២១បើទោះបីប្រទេសជាច្រើន លើពិភពលោកក្នុងបណ្តាប្រទេសក្នុងតំបន់បាននិងកំពុងរឹតបន្តឹងសកម្មភាពតាមប្រទេសរៀងៗខ្លួនទប់ស្កាត់នឹង រលកឆ្លងថ្មីនៃវីរុសកូវីដ១៩ក៏ដោយ។

ដំណើរការប្រឡងបាក់ឌុបថ្ងៃដំបូងបានប្រព្រឹត្តទៅយ៉ាងរលូននៅថ្ងៃម្សិលមិញនេះ ជាមួយនឹងការសន្យារបស់រដ្ឋមន្ត្រីក្រសួងអប់រំថាតម្លៃសញ្ញាបត្រនៃការប្រឡងឆ្នាំ២០២១ ដែលវិបត្តិឆ្លងកូវីដ១៩មិនទាន់ផុតរលត់នេះ គឺមានតម្លៃដូចសញ្ញាបត្រនៃឆ្នាំប្រឡងមុនៗ។

តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះមានជាង២ម៉ឺននាក់។ កម្ពុជាកំពុងជម្រុញ ការចាក់វ៉ាក់សាំងដូសទី៣ក្នុងស្ថានភាពដែលពិភពលោកកំពុងបារម្ភឆ្លងការរាលដាលលឿននេះវីរុសបំប្លែងថ្មី អូមីក្រុង។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ មានការឆ្លងកូវីដ១៩ សរុបមានចំនួន៦ម៉ឺន ៧ពាន់៣៥២ករណីតិចជាងសប្តាហ៍មុនប្រមាណជាងមួយម៉ឺនមួយពាន់ករណី។ 

ក្រសួងសុខាភិបាលកម្ពុជា បានទទួលឱសថលេបសម្រាប់ព្យាបាលជម្ងឺកូវីដ១៩ ហ្វាវីភីរ៉ាវៀ (Favipiravir) ចំនួន ១ពាន់ប្រអប់ពីក្រុមហ៊ុនអាមេរិកាំងវីអាទ្រីស VIATRIS។ ពិធីប្រគល់និងទទួលគឺបានធ្វើឡើងនៅថ្ងៃទី២៧ ខែឆ្នូ ឆ្នាំ២០២១នេះ ក្រោមវត្តមានរដ្ឋមន្ត្រីក្រសួងសុខាភិបាលលោកសាស្ត្រាចារ្យ ម៉ម ប៊ុនហេង និងតំណាងក្រុមហ៊ុន លោកថេចាសវី ស្ហាតា (Tejasvi Sharta)។

តួលេខឆ្លងកូវីដ១៩ក្នុងប្រទេសកម្ពុជាបានកើនមក២ខ្ទង់វិញនៅថ្ងៃច័ន្ទនេះ បន្ទាប់ពីការធ្លាក់មកមួយខ្ទង់រយៈ ពេល១២ថ្ងៃកន្លងរួចមកនេះ។ តួលេខឆ្លងថ្មីថ្ងៃនេះ មានចំនួន១៥ករណីដែលស្ទុះឡើង១១ករណីវិញ បើប្រៀប ធៀបនឹងម្សិលមិញ។ សម្តេចនាយករដ្ឋមន្ត្រី កាលពីម្សិលមិញបានប្រាប់ពលរដ្ឋជុំវិញតួលេខឆ្លង១៥ករណីនេះ។