ឱសថនិងគ្រឿងសំអាងក្លែងក្លាយដែលបង្កគ្រោះថ្នាក់ដល់សុខភាព ត្រូវបានបង្ក្រាបក្នុងទីតាំង២ផ្សេងគ្នាក្នុងរាជ ធានីភ្នំពេញ។ មនុស្សយ៉ាងហោច៣នាក់ ត្រូវបានគេសាកសួរជុំវិញករណីឳសថនិងគ្រឿងសំអាងក្លែងក្លាយទាំង នោះ៕

រថយន្ដដឹកទំនិញធុនធំមួយគ្រឿង បានបើកបុករះពេលចុះពីលើស្ពានព្រះមុនីវង្សចាស់នារសៀលថ្ងៃទី២៣ធ្នូនេះ បង្កឱ្យមានមនុស្សយ៉ាងហោច១០នាក់បានរងរបួសធ្ងន់និងស្រាល។

សំណង់អគារ៣៥ជាន់របស់រដ្ឋបាលនៃអគ្គនាយកដ្ឋានគយនិងរដ្ឋាករកម្ពុជាកម្ពស់១២០ម៉ែត្រ ត្រូវបានដាក់ សម្ពោធជាផ្លូវនៅថ្ងៃទី២៣ធ្នូឆ្នាំ២០២១ក្រោមអធិបតីភាពសម្តេចនាយករដ្ឋមន្ត្រីហ៊ុនសែន។ សំណង់អគារតម្លៃ ជាង៥០លានដុល្លារនេះ បានចាប់ផ្តើមសាងសង់កាលពីខែកុម្ភៈឆ្នាំ២០១៧ និងដែលជាសំណង់ដ៏ស្កឹមស្កៃមួយ ក្នុងលំដាប់លេខរៀងទី២៦ក្នុងចំណោមអគារខ្ពស់ៗទាំងឡាយក្នុងរាជធានីភ្នំពេញ៕

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មានចំនួន២ម៉ឺន៥ពាន់៣៦៨ករណី, ប៉ុន្តែក្នុងនោះប្រទេសវៀតណាមតែមួយ មានការឆ្លងជាង៦៥ភាគរយទៅហើយ៕

តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះមានជាង៤ម៉ឺននាក់។ អ្នកវិទ្យាសាស្ត្រពិ ភពលោក បានចាត់ទុកការចាក់ដូសជម្រុញ គឺជាមធ្យោបាយមួយដែលអាចជួយទប់ទល់នឹងការឆ្លងនឹងវីរុស បំប្លែងថ្មីអូមីក្រុង។

កម្ពុជាមានការឆ្លងជម្ងឺកូវីដ១៩ចំនួន៤ករណីក្នុងនោះ២ករណីគឺជាការឆ្លងវីរុសបំប្លែងថ្មីអូមីក្រុង។ កម្ពុជាគិតត្រឹម ថ្ងៃទី២៣ធ្នូនេះ ការឆ្លងវីរុសបំប្លែងថ្មីអូមីក្រុង បានកើនដល់៨ករណីហើយ។ សម្តេចនាយករដ្ឋមន្ត្រីហ៊ុនសែនបាន ថ្លែងបញ្ជាក់ជុំវិញស្ថានភាពឆ្លងអូមីក្រុងក្នុងប្រទេសកម្ពុជា ។

សម្តេចនាយករដ្ឋមន្ត្រី បានបញ្ចេញនូវលិខិតសម្ងាត់មួយដែលបង្ហាញនូវប្រវត្តិតស៊ូសិក្សារៀនសូត្ររបស់កូន ប្រុសច្បងលោកហ៊ុនម៉ាណែត។ លោកហ៊ុន ម៉ាណែត គឺបេក្ខជនម្នាក់ក្នុងចំណោមបេក្ខជនឈរឈ្មោះជានាយក រដ្ឋមន្ត្រីសម្រាប់អនាគតដែលសម្តេចតេជោហ៊ុនសែន បានប្រកាសជំហរគាំទ្រកាលពីដើមខែធ្នូឆ្នាំ២០២១។