ប្រមុខរាជរដ្ឋាភិបាលកម្ពុជា បានចូលរួមអបអរខួបលើកទី៧៣នៃទិវាសិទ្ធិមនុស្សអន្តរជាតិ «១០ធ្នូ» ដោយបាន រំលឹកនូវអំពើជាន់ឈ្លីសិទ្ធិលើពលរដ្ឋខ្មែរក្នុងអតីតរបបកាប់សម្លាប់ខ្មែរក្រហមពីអតីតកាល។

ពន្ធនាគារខេត្តស្ទឹងត្រែងបានប្រញាប់បដិសេធព័ត៌មានតាមបណ្តាញសង្គមនានាដែលផ្សាយថាមានមន្ត្រីនិង អ្នកទោសក្នុងពន្ធនាគារខេត្តជាង៣០០នាក់បានឆ្លងជម្ងឺកូវីដ១៩។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៧ពាន់ ៣៣៨ករណី និងការស្លាប់ថ្មីមានចំនួន៣៧៦នាក់។ បើប្រៀបធៀបនឹងម្សិលមិញការឆ្លងថ្មីនៅថ្ងៃនេះបាន ថយ ចុះ២០ករណី និងការស្លាប់ថ្មីបានថយចុះ២០២នាក់។

តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ បានកើនឡើង៣ករណីវិញប៉ុន្តែស្ថិតក្នុងខ្ទង់ជាង ១០ ជាដដែល។ ការឆ្លងកូវីដ១៩នៅថ្ងៃសុក្រនេះ មានចំនួន១៥ករណីបើប្រៀបធៀបនឹងម្សិលមិញគឺមានតែ១២ករណី នោះទេ។

កម្ពុជាបានទទួលវ៉ាក់សាំង Astra Zeneca ចំនួន២៩ម៉ឺន៤០០ដូសនៅថ្ងៃសុក្រនេះ ដែលជាវ៉ាក់សាំងតាមរយៈ យន្តការកូវ៉ាក់។ រដ្ឋលេខាធិការក្រសួងសុខាភិបាលលោកស្រីយក់សម្បត្តិក្នុងឳកាស ទទួល វ៉ាក់សាំងAstra Zeneca ចំនួន២៩ម៉ឺន៤០០ដូសនៅថ្ងៃនេះ បានប្រាប់អ្នកសារព័ត៌មានថានៅក្នុងខែធ្នូនេះ កម្ពុជានឹងបន្តទទួល បានវ៉ាក់សាំងបង្កាជម្ងឺកូវីដ១៩ជាច្រើនថែមទៀត។

រដ្ឋមន្ត្រីការបរទេសកម្ពុជាលោកប្រាក់សុខុន គ្រោងនឹងអញ្ជើញចូលរួមកិច្ចប្រជុំលើកទី២នៃរដ្ឋមន្ត្រីការបរទេស និងរដ្ឋមន្ត្រីអភិវឌ្ឍន៍នៃក្រុមប្រទេស G7 តាមប្រព័ន្ធវីដេអូនាថ្ងៃអាទិត្យចុងសប្តាហ៍នេះ។

អគ្គមេបញ្ជាការរងនិងជាមេបញ្ជាការកងទ័ពជើងគោក លោកឧត្តមសេនីយ៍ឯក ហ៊ុនម៉ាណែត បានផ្ញើ សារ រំលែកទុក្ខជូនគ្រួសារសព ព្រមទាំងកងទ័ព និងប្រជាជនឥណ្ឌា ចំពោះការស្លាប់របស់អគ្គមេបញ្ជាការកងទ័ព នៃសាធារណរដ្ឋឥណ្ឌា។

មន្ត្រីក្រសួងការបរទេសចិន បានថ្លែងនៅថ្ងៃនេះថា រដ្ឋាភិបាលចិនគាំទ្រកម្ពុជា និងប្រឆាំងដាច់ខាតលើការកៀប សង្កត់របស់សហរដ្ឋអាមេរិកមកលើរាជរដ្ឋាភិបាលកម្ពុជា។

សម្តេចតេជោហ៊ុនសេន បានបញ្ជាគ្រប់កងអង្គភាពប្រដាប់អាវុធទាំងអស់មិនឱ្យប្រើប្រាស់អាវុធអាមេរិកាំង ទៀតឡើយ ដែលបទបញ្ជានេះបានធ្វើឡើងក្រោយសហរដ្ឋអាមេរិកបានសម្រេចអំពីការរឹតត្បិតការលក់ដូរអាវុធ និងសម្ភារៈយោធាដល់កម្ពុជា។