អភិបាលខេត្តថៃ និងអភិបាលខេត្តកម្ពុជា ដែលមានព្រំដែនភាគខាងលិចជាប់នឹងប្រទេសថៃ បានជួបគ្នានៅថ្ងៃ ទី២៥វិច្ឆិកាដើម្បីស្វែងរកការបើកច្រកព្រំដែនសាឡើងវិញ។

សំណង់ព្រលានយន្ដហោះអន្តរជាតិភ្នំពេញថ្មី ទើបសម្រេចបាន២៧% ទេ ក្នុងដំណាក់កាលទី១ប៉ុន្តែនឹងរំពឹង បញ្ចប់តាមការគ្រោងទុក។

តួលេខពលរដ្ឋដែលបានចាក់វ៉ាក់សាំងក្នុងរយៈពេល២៤ម៉ោងនេះមានចំនួន ៦ពាន់៥៧១នាក់ ។ យោងតាម ក្រសួងសុខាភិបាលតួលេខនៃចំនួនសរុបចាក់លើប្រជាពលរដ្ឋទូទាំងប្រទេសគិតត្រឹមថ្ងៃទី២៥ ខែវិច្ឆិកា បាន កើនដល់១៤លាន១សែន១ម៉ឺន៤ពាន់៤៧៤នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៩ពាន់៤៧៣ ករណី និងការស្លាប់ថ្មីមានចំនួន៤៣៨នាក់។ បើប្រៀបធៀបនឹងម្សិលមិញការឆ្លងថ្មីមានកើនឡើងចំនួន១ពាន់ ៧៦៥ករណី, និងការស្លាប់ថ្មីថយចុះ៦១នាក់។ ប្រទេសដែលមានការឆ្លងថ្មីនិងការស្លាប់ថ្មី ក្នុងរយៈ ពេល២៤ ម៉ោងចុងក្រោយនេះនៅអាស៊ានមាន១០ប្រទេស។

តួលេខឆ្លងកូវីដ១៩ក្នុងប្រទេសកម្ពុជា បានកើនលើស១២ម៉ឺនករណីហើយ បើរាប់បញ្ចូលការឆ្លង៣២ករណី បន្ថែមទៀតនៅថ្ងៃនេះ។ យោងតាមក្រសួងសុខាភិបាល ក្នុងចំណោមការឆ្លងថ្មីចំនួន៣២ករណីក្នុងរយៈពេល ២៤ម៉ោងកន្លងមកនេះ, ការឆ្លងចូលក្នុងសហគមន៍ មានចំនួន២៥ករណី និងការឆ្លងមកពីក្រៅប្រទេសមានចំនួន ៧ករណី។

សមត្ថកិច្ចកំពុងស្វែងតាមចាប់មនុស្សជាប់ពាក់ព័ន្ធនឹងករណីជួញដូរគ្រឿងញៀន១៦៧គីឡូក្រាមក្នុងខេត្តស្ទឹង ត្រែងបន្ទាប់ពីមានការបង្ក្រាបករណីគ្រឿងញៀននេះកាលពីយប់មិញ។

ពលរដ្ឋខ្មែរនៅក្រៅប្រទេស បានថ្កោលទោសទណ្ឌិត សម រង្ស៊ី ដែលបានប្រើនយោបាយបំភិតបំភ័យពលរដ្ឋខ្មែរ អាមេរិកជុំវិញការដកសញ្ជាតិ។

កម្ពុជាបានរំលឹកខូប១៦ឆ្នាំនៃការដាក់បញ្ចូលល្ខោនស្រមោលស្បែកធំរបស់កម្ពុជាក្នុងបញ្ជីបេតិកភណ្ឌពិភព លោក។ ល្ខោនស្រមោលស្បែកធំរបស់កម្ពុជាបានចុះក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ កាល ពីថ្ងៃទី២៥ ខែវិច្ឆិកា ឆ្នាំ២០០៥ របស់អង្គការ យូណេស្កូ។

រដ្ឋមន្រ្តីការទេសកម្ពុជាលោក ប្រាក់ សុខុន និងទីប្រឹក្សាក្រសួងការបរទេសអាមេរិកលោក ដេរ៉េក ឆូឡិត បាន ពិភាក្សាតាមទូរស័ព្ទជុំវិញបញ្ហាទ្វេភាគីនិងបញ្ហាតំបន់ដែលជាការព្រួយបារម្ភ និងផលប្រយោជន៍រួម។

កិច្ចប្រជុំកំពូលអាស៊ី-អឺរ៉ុប ASEM លើកទី១៣រយៈពេល២ថ្ងៃ បានចាប់ផ្តើមហើយនារសៀលថ្ងៃទី២៥វិច្ឆិកា ដោយសម្តេចនាយករដ្ឋមន្ត្រី ហ៊ុន សែន ដែលជាប្រធានដឹកនាំកិច្ចប្រជុំកំពូលនេះ បានជម្រុញប្រទេសជាសមាជិក ASEM ទាំងអស់ប្រកាន់ខ្ជាប់នូវគោលការណ៍ស្នូលរបស់ខ្លួន។