អគ្គមេបញ្ជាការរងនៃកងយោធពលខេមរភូមិន្ទលោកឧត្តមសេនីយ៍ឯក ហ៊ុន ម៉ាណែតបានថ្លែងថាកម្ពុជាចាប់ ផ្តើមមានសញ្ញាវិជ្ជមានស្ទុះងើបឡើងវិញនៃវិស័យអចលទ្រព្យនិងសំណង់បន្ទាប់ពីទទួលរងផលប៉ះពាល់ពីការ រាតត្បាតជំងឺកូវីដ-១៩ ។

ក្រុមហ៊ុនអាកាសចរណ៍ចំនួន៨ បានស្នើសុំការហោះហើរឡើងវិញ និងបង្កើនជើងហោះហើរនៅកម្ពុជា ចាប់ពីខែ ធ្នូតទៅ។ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិលបណ្ឌិត ម៉ៅ ហាវណ្ណាល់ក្នុងកិច្ចប្រជុំមួយ នៅ ព្រឹកថ្ងៃទី២៩ ខែវិច្ឆិកានេះ តាមប្រព័ន្ធវីដេអូ បានថ្លែងថា នៅក្នុងខែធ្នូជិតមកដល់នេះ មានក្រុមហ៊ុនអាកាស ចរណ៍ចំនួន៨ ក្នុងនោះក្រុមហ៊ុនចំនួន៦បានដាក់ពាក្យស្នើសុំបន្តការហោះហើរឡើងវិញ និងក្រុមហ៊ុនចំនួន២បាន ស្នើសុំបន្ថែមជើងហោះហើរ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន៨ម៉ឺន៦ពាន់១៧៣ ករណី និងការស្លាប់ថ្មីមានចំនួន១ពាន់២៦៧នាក់។ បើធៀបនឹងសប្តាហ៍មុន, ការឆ្លងថ្មីមានការកើនឡើងចំនួន ៤ពាន់៥៣៨ករណី, ចំណែកការស្លាប់ថ្មីមានការកើនឡើងចំនួន១៧នាក់ ។ប្រទេសដែលមានការឆ្លងថ្មី និងការ ស្លាប់ថ្មីក្នុងរយៈ ពេល៧២ម៉ោងចុង ក្រោយនេះនៅអាស៊ាន រួមមាន១០ប្រទេស៕

តួលេខពលរដ្ឋដែលបានចាក់វ៉ាក់សាំងក្នុងរយៈពេល២៤ម៉ោងនេះមានចំនួន ១ពាន់ ៥៣៣នាក់ ដែលជាចំនួន កាន់តែធ្លាក់ចុះទន្ទឹមនឹងតួលេខចាក់ទូទាំងប្រទេសបានឈានដល់ជិត៩០ភាគរយ។

តួលេខឆ្លងជំងឺកូវីដ១៩ក្នុងប្រទេសកម្ពុជា ក្នុងរយៈពេល២៤ម៉ោងចុងក្រោយនេះ បានស្ថិតក្នុងខ្ទង់២០ករណីជា ដដែលក្រោយការធ្លាក់ចុះពី៣០ករណីប្រមាណ៤ថ្ងៃជាប់គ្នាមកនេះ។ តួលេខឆ្លងថ្ងៃនេះ មាន២៥ករណី។ យោង តាមក្រសួងសុខាភិបាល ក្នុងចំណោមការឆ្លងថ្មីចំនួន២៥ករណីកនោះ ការឆ្លងចូលក្នុងសហគមន៍ មានចំនួន១៩ ករណី និងការឆ្លងមកពីក្រៅប្រទេសមានចំនួន៦ករណីផងដែរ។

ប្រទេសតួកគី បានបង្ហាញនូវបំណងចង់រួមចំណែកជួយកម្ពុជាលើវិស័យសុខាភិបាលខណៈកម្ពុជានិងតួកគី មានចំណងជិតស្និទ្ធរួចទៅហើយរវាងក្រសួងការពារជាតិនិងក្រសួងមហាផ្ទៃ។ រដ្ឋលេខាធិការក្រសួង សុខាភិ បាលលោកស្រី យក់ សម្បត្ដិ នៅថ្ងៃទី២៩ ខែវិច្ឆិកានេះ ក្រោយបានជួបជាមួយនឹងឯកអគ្គរដ្ឋទូតតួកគីប្រចាំកម្ពុជា លោកស្រី Gizem Kumas បានថ្លែងបញ្ជាក់នូវបំណងរបស់តួកគីដែលចង់ជួយកម្ពុជាលើវិស័យសុខាភិបាល។

ការយាងចូលទីវង្គតរបស់សម្តេចក្រុមព្រះនរោត្តមរណឫទ្ធិ បាននាំឲ្យពលរដ្ឋខ្មែរដែលមានសាមានចិត្ត​​បានថ្លែង ​បង្ហាញក្តីអាឡោះអាល័យនិងបង្ហាញភាពក្តុកក្តួលរំជួលចិត្ត។ សម្តេចក្រុមព្រះនរោត្តមរណឫទ្ធិ ដែលជាព្រះរាម របស់ព្រះមហាក្សត្រខ្មែរ បានសោយទីវង្គតក្នុងព្រះជន្មាយុ៧៧ព្រះវស្សាក្នុងប្រទេសបារាំងកាលពីថ្ងៃទី២៨វិច្ឆិកា ដោយព្រះរោគាពាធិ។

កម្ពុជាកំពុងតាមដានភាពវិវត្តន៍នៃការឆ្លងវីរុសកូវីដបំប្លែងថ្មីឈ្មោះអូមីក្រុង បើទោះជាវីរុសនេះ នៅមិនទាន់មាន វត្តមានចូលមកដល់កម្ពុជាក៏ដោយ។ វីរុសអូមីក្រុង ត្រូវបានរកឃើញដំបូង​នៅ​ដើមខែនេះ នៅក្នុងប្រទេសអា ហ្វ្រិកខាង​ត្បូង ហើយត្រូវបានគេរាយការណ៍ជូនទៅឲ្យ​អង្គការ​សុខភាពពិភព​លោក​កាលពីថ្ងៃពុធ​សប្ដាហ៍មុន ។

សមត្ថកិច្ចបានចុះស្រាវជ្រាវនិងស៊ើបអង្កេតជុំវិញអំពើឈូសឆាយដីព្រៃលិចទឹកយកធ្វើជាកម្មសិទ្ធិនៅតំបន់ជុំវិញ បឹងទន្លេសាបក្រោយការដាក់បទបញ្ជារបស់សម្តេចនាយករដ្ឋមន្ត្រីហ៊ុនសែនក្នុងការប្តេជ្ញាអនុវត្តអភិក្រមវះកាត់លើមន្ត្រីណាដែលខិលខូច។

នាយករដ្ឋមន្ត្រីនៃប្រទេសកម្ពុជាសម្តេចតេជោហ៊ុនសែន និងនាយករដ្ឋមន្ត្រីឡាវ លោកផនខាំ វីផារ៉ាន់ បានជួប ពិភាក្សាគ្នានៅថ្ងៃទី២៩វិច្ឆិកានេះនៅវិមានសន្តិភាព ក្នុងដំណើរបំពេញទស្សនកិច្ចនាយករដ្ឋមន្ត្រីឡាវជាលើកដំ បូងបង្អស់ក្នុងប្រទេសកម្ពុជា។