ក្រសួងធនធានទឹកនិងឧតុនិយម បានជួនដំណឹងដាស់តឿនប្រជាពលរដ្ឋជុំវិញការធ្លាក់ចុះនៃសីតុណ្ហភាពដែល រដូវធ្លាក់ខ្យល់នាំភាពត្រជាក់បានឈានមកដល់ហើយ។ យោងតាមការព្យាករណ៍, បណ្ដាខេត្តនៅតំបន់វាល ទំនាបកណ្ដាលរវាងពីថ្ងៃទី១ដល់៧ធ្នូ នឹងមានសីតុណ្ហភាពត្រជាក់អប្បបរមារវាងពី១៧ទៅ១៩អង្សាសេ, ចំណែក សីតុណ្ហភាពកម្តៅអតិបរមា មានរវាងពី២៦ទៅ២៨ អង្សាសេ។ តំបន់ទាំងនេះ អាចមានអាកាសធាតុត្រជាក់បង្គួរ និងខ្យល់ខុសធម្មតាដែលជាខ្យល់រដូវ។

សមត្ថកិច្ចបានបំបែកករណីសំណុំរឿងប្លន់មួយកន្លែងក្នុងខណ្ឌជ្រោយចង្វាររាជធានីភ្នំពេញក្រោយហេតុការណ៍ បានកើតឡើងរយៈពេល៣ថ្ងៃ។ ជនសង្ស័យ៣នាក់នៃអំពើប្លន់និងប្រើហិង្សាវាយឲ្យសន្លប់ទៅលើមនុស្សភេទទី ៣ម្នាក់ ត្រូវបានចាប់ខ្លួនពេលរត់លាក់ខ្លួននៅក្នុងខេត្តកំពង់ឆ្នាំង៕

មេខ្លោងសមរង្ស៊ី បានទទួលសម្តីព្រមានពីកូនស្រីទាំង២របស់លោកកឹមសុខាបន្ថែមទៀតនៅថ្ងៃទី៣០វិច្ឆិកា បន្ទាប់ពីទណ្ឌិតសមរង្ស៊ីនោះ នៅតែបន្តប្រើប្រាស់នយោបាយបោកប្រាស់កឹមសុខានិងសមរង្ស៊ីជាមនុស្សតែ មួយ ។ កូនស្រីរប់សលោកកឹមសុខា ថែមទាំងបានព្រលះនូវសារព័ត៌មានដែលតែងតែនិយាយមិនពិតនិងជួយលាប ពណ៌គាំទ្រសម រង្ស៊ីនោះថែមទៀត៕

មន្រ្តីផ្កាយបីយោធាម្នាក់ រួមនិងកូនប្រសារស្រី បានបាត់បង់ជីវិតដោយារគ្រោះអគ្គិភ័យមួយកើតឡើងនៅក្នុង បុរីមួយកន្លែងក្នុងខណ្ឌកំបូល។ ហេតុការណ៍បានកើតឡើងវេលាម៉ោង១២យប់រំលងអធ្រាត្រឈានចូលថ្ងៃទី៣០ ខែវិច្ឆិកា ឆ្នាំ ២០២១ នៅ បុរីគឹមសាន្ដ ភូមិតាកេរ្ដិ៍ សង្កាត់កំបូល ខណ្ឌកំបូល។

នាយករដ្ឋមន្រ្តីឡាវ លោក ផនខាំ វីផាវ៉ាន់ បានចូលក្រាបបង្គំគាល់ព្រះករុណាព្រះមហាក្សត្រខ្មែរ និងបានធ្វើ ដំណើរចាកចេញពីប្រទេសកម្ពុជាទៅកាន់ប្រទេសឡាវវិញហើយនៅថ្ងៃទី៣០វិច្ឆិកានេះ។ ការចូលក្រាបបង្គំគាល់ ព្រះករុណាព្រះមហាក្សត្រខ្មែរ គឺជាដំណើរចុងក្រោយនៃការបញ្ចប់ទស្សនកិច្ចផ្លូវការរយៈពេល២ថ្ងៃនៅក្នុងប្រ ទេសកម្ពុជានេះ៕

មន្ត្រីមូលដ្ឋាននៃអតីតគណបក្សសង្គ្រោះជាតិ ក្នុងក្រុងកំពង់ចាមចំនួន៥នាក់ បានចូលរួមជីវភាពនយោបាយ ជាមួយគណបក្សប្រជាជន។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៥ពាន់១៨៨ ករណី និងការស្លាប់ថ្មីមានចំនួន៣៥៦នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយ នេះនៅអាស៊ានមាន១០ប្រទេស។ ចំណែកការស្លាប់ថ្មីមាន ៩ប្រទេសផងដែរ៕

តួលេខឆ្លងជំងឺកូវីដ១៩ក្នុងប្រទេសកម្ពុជា ក្នុងរយៈពេល២៤ម៉ោងចុងក្រោយនេះ បានស្ថិតក្នុងខ្ទង់២០ករណីជា ដដែលក្នុងរយៈពេល៥ថ្ងៃជាប់គ្នាមកនេះ។ តួលេខឆ្លងថ្ងៃនេះ មាន២២ករណី។

រដ្ឋបាលរាជធានីភ្នំពេញ បានផ្លាស់ប្តូរការសម្រេចចិត្តរបស់ខ្លួនវិញ ដោយបានប្រកាសបើកដំណើរការឡើងវិញ ចំពោះអាជីវកម្ម ខារ៉ាអូខេ រង្គសាល និងឌីស្កូតែក ចាប់ពីថ្ងៃទី៣០ខែវិច្ឆិកា ឆ្នាំ២០២១នេះតទៅ។

មេបញ្ជាការកងទ័ពជើងគោកនៃកងយោធពលខេមរភូមិន្ទ លោកឧត្តមសេនីយ៍ឯក ហ៊ុន ម៉ាណែត បានជួបពិភា ក្សាការងារជាមួយឯកអគ្គរដ្ឋទូតនៃប្រទេសសិង្ហបុរីប្រចាំកម្ពុជានាព្រឹកថ្ងៃទី៣០វិច្ឆិកានៅទីបញ្ជាការដ្ឋានកងទ័ព ជើងគោកជាយរាជធានី។