តួលេខពលរដ្ឋដែលបានចាក់វ៉ាក់សាំងក្នុងរយៈពេល២៤ម៉ោងនេះមានចំនួន៧ពាន់៩៦៣នាក់ នៅទន្ទឹមនឹងតួ លេខចាក់ទូទាំងប្រទេសបានឈានដល់ជិត៩០ភាគរយហើយ។

តួលេខឆ្លងជំងឺកូវីដ១៩ក្នុងប្រទេសកម្ពុជា ក្នុងរយៈពេល២៤ម៉ោងចុងក្រោយនេះ បានស្ថិតក្នុងខ្ទង់២០ករណីជា ដដែលក្រោយការធ្លាក់ចុះពី៣០ករណីប្រមាណ៦ថ្ងៃជាប់គ្នាមកនេះ។ តួលេខឆ្លងថ្ងៃនេះ មាន២៦ករណី។

សកម្មភាពជួញដូរគ្រឿង បានកម្រើកខ្លាំងសាឡើងវិញជាពិសេសក្នុងរាជធានី។ កាលពីម្សិលមិញសមត្ថកិច្ចបាន ចាប់ជនសង្ស័យគ្រឿងញៀន១៣នាក់នៅតំបន់បឹងឈួកនៃខណ្ឌសែនសុខ៕

ការអនុវត្តបទបញ្ជាសម្តេចតេជោហ៊ុនសែនដើម្បីចាប់ខ្លួនជនខិលខូចនូវអំពើឈូសឆាយដីព្រៃលិចទឹកយកធ្វើជា កម្មសិទ្ធិនៅតំបន់ជុំវិញបឹងទន្លេសាបក្នុងខេត្តកំពង់ឆ្នាំងនៅតែបន្ត។

ជនសង្ស័យចំនួន៤៧នាក់ ត្រូវបានអាជ្ញាធរខេត្តសៀមរាបឃាត់ខ្លួននិងបានបញ្ជូនទៅតុលាការពាក់ព័ន្ធនឹង ករណីកាប់ទន្ទ្រានដីព្រៃលិចទឹក។

អតីតមេដឹកនាំគណបក្សប្រឆាំងលោកកឹមសុខាបានសរសេរលើបណ្តាញសង្គមហ្វេសប៊ុកបញ្ជាក់ថាលោកមិន ដែលមានការរងគំរាមកំហែងពីអ្នកណាម្នាក់ឡើយ។ ការសរសេរបញ្ជាក់លើបណ្តាញសង្គមជាផ្លូវការនៅថ្ងៃ ទី១ ធ្នូ ជុំវិញការមិនរងនឹងអំពើគំរាមកំហែងនេះ បានធ្វើឡើងបន្ទាប់ពីមេខ្លោងក្រុមឧទ្ទាមលោកសមរង្ស៊ី បានសរសេរ ចោទថា លោកកឹមសុខាបានរងការគំរាមកំហែងពីសំណាក់លោកហ៊ុនសែនដែលចាប់យកលោកកឹម សុខា ធ្វើ ជាចំណាប់ខ្មាំង។

សម្តេចតេជោហ៊ុនសែន កំពុងស្ថិតក្នុងក្រុងព្រះសីហនុដើម្បីអញ្ជើញចូលរួមជាអធិបតីដ៏ខ្ពង់ខ្ពស់ក្នុងពិធីដាក់ សម្ពោធផ្លូវ៣៧ខ្សែជាផ្លូវការ។ ពីធីសម្ពោធផ្លូវទាំង៣៧ខ្សែក្នុងក្រុងព្រះសីហនុ នឹងគ្រោងធ្វើនៅថ្ងៃទី២ធ្នូស្អែក នេះ។ ក្នុងប្រសាសន៍នាពេលធ្វើទស្សនកិច្ចតាមផ្លូវដែលគ្រោងនឹងសម្ពោធថ្ងៃស្អែក សម្តេចនាយករដ្ឋមន្ត្រី​បាន ថ្លែងប្រាប់អ្នកសារព័ត៌មានជុំវិញការអភិវឌ្ឍន៍ហេដ្ឋារចនាសម្ព័ន្ធក្នុងខេត្តព្រះសីហនុ ។

មេបញ្ជាការកងទ័ពជើងគោក នៃកងយោធពលខេមរភូមិន្ទ លោកឧត្តមសេនីយ៍ឯកហ៊ុនម៉ាណែត បានទទួល ជួបពិភាក្សាការងារជាមួយឯកអគ្គរដ្ឋទូតនៃសហព័ន្ធរុស្ស៊ីប្រចាំនៅព្រះរាជាណាចក្រកម្ពុជា។ មន្ត្រីកងទ័ពជើង គោកបានថ្លែងថា ជំនួបថ្ងៃទី៣០វិច្ឆិកា កន្លងមកនេះ គឺជាជំនួបសម្តៅរឹតចំណងមិត្តភាពឱ្យកាន់តែជិតស្និទ្ធ និង លើកកម្ពស់ទំនាក់ទំនងកិច្ចសហប្រតិ បត្តិការយោធាឱ្យមានសន្ទុះឈានឡើងថែមទៀត៕

ក្រសួងការបរទេសកម្ពុជាបានបញ្ជាក់លទ្ធផលសរុបនៃដំណើរទស្សនកិច្ចរបស់គណៈប្រតិភូរដ្ឋាភិបាលឡាវ ដឹកនាំដោយនាយករដ្ឋមន្ត្រីលោក ផនខាំ វីផាវ៉ាន់ ក្រោយដំណើរទស្សនកិច្ចរយៈពេល២ថ្ងៃក្នុងប្រទេសកម្ពុជា៕

នាយករដ្ឋមន្ត្រីនៃប្រទេសកម្ពុជាសម្តេចតេជោហ៊ុនសែន បានទទួលជួបរដ្ឋមន្ត្រីក្រសួងការបរទេសឥណ្ឌូណេស៊ី ដែលធ្វើទស្សនកិច្ច២ថ្ងៃក្នុងប្រទេសកម្ពុជា។ លោកស្រីរដ្ឋមន្ត្រីការបរទេសឥណ្ឌូណេស៊ី បានអញ្ជើញមកដល់ រាជធានីភ្នំពេញតាមជើងយន្តហោះពិសេសនាវេលាម៉ោង៥និង៤០នាទី៕