មហាសន្និបាតសមុទ្ទអាស៊ីបូព៌ាឆ្នាំ២០២១ និងវេទិការដ្ឋមន្ត្រីលើកទី៧នៃភាពជាដៃគូក្នុងការគ្រប់គ្រងបរិស្ថាន សមុទ្ទអាស៊ីបូព៌ារយៈពេល២ថ្ងៃ បានប្រព្រឹត្តនៅក្នុងក្រុងព្រះសីហនុ ដោយកម្ពុជាបានធ្វើជាម្ចាស់ផ្ទះ។

ប្រធានាធិបតីចិនលោក ស៊ី ជិនពីង បានថ្វាយសារលិខិតមួយរំលែកមរណទុក្ខចំពោះការយាងចូលទីវង្គតរបស់ ព្រះរាមព្រះមហាក្សត្រ។ សម្តេចក្រុមព្រះនរោត្តម រណឫទ្ធិ បានយាងចូលទីវង្គត ក្នុងព្រះជន្ម ៧៧ ព្រះវស្សា ក្នុង ប្រទេសបារាំងកាលពីថ្ងៃទី២៨ ខែវិច្ឆិកា ដោយព្រះជរាពាធ។

តំណាងកងកម្លាំងប្រដាប់អាវុធ, ស្ថាប័ន, ក្រសួង និងបណ្តាអង្គភាពនានា បានធ្វើលិខិតរៀងៗខ្លួននៅថ្ងៃនេះ គាំទ្រប្រសាសន៍សម្តេចនាយករដ្ឋមន្ត្រីហ៊ុនសែន ដែលប្រកាសគាំទ្រលោកហ៊ុនម៉ាណែតជាបេក្ខភាពនាយក រដ្ឋមន្ត្រីនាពេលអនាគត។ ការប្រកាសនេះបានធ្វើឡើងភ្លាមៗ ក្រោយប្រសាសន៍របស់សម្តេចនាយករដ្ឋមន្ត្រី នៅថ្ងៃទី២ធ្នូនេះក្នុងពិធីមួយពីក្រុងព្រះសីហនុ ។

ការវិភាគរេចុះឡើងរបស់ក្រុមដែលមានទស្សនៈប្រឆាំងនឹងនយោបាយរាជរដ្ឋាភិបាល បានជម្រុញឲ្យសម្តេច តេជោហ៊ុនសែនបានបញ្ជាក់ច្បាស់នៅថ្ងៃទី២ធ្នូនេះថា បេក្ខជននាយករដ្ឋមន្ត្រីនៃព្រះរាជាណាចក្រកម្ពុជានាអនាគត គឺលោកហ៊ុន ម៉ាណែត។

ក្រុងទេសចរណ៍ជាប់មាត់សមុទ្ទក្នុងខេត្តព្រះសីហនុ បានសម្ពោធផ្លូវចំនួន៣៧ខ្សែនៅថ្ងៃទី២ធ្នូនេះ នៅទន្ទឹមនឹង កម្ពុជាត្រៀមទទួលទេសចរណ៍វ៉ាក់សាំងពីពិភពលោកសាឡើងវិញ បន្ទាប់ពីបានបើកប្រទេសសាឡើងវិញប្រ មាណមួយខែរួចកន្លងមកនេះ។  ផ្លូវចំនួន៣៧ខ្សែនៅក្នុងខេត្តព្រះសីហនុ ដែលបានសម្ភោធដាក់ឲ្យប្រើប្រាស់ជា ផ្លូវការនៅថ្ងៃព្រហស្បតិ៍នេះ បានប្រព្រឹត្តទៅក្រោមអធិបតីដ៏ខ្ពង់ខ្ពស់របស់សម្តេចនាយករដ្ឋមន្ត្រីហ៊ុន សែន  ។

តម្លៃប្រេងឥន្ធនៈ បានបន្ដថយចុះតិចតួច ថែមទៀតសម្រាប់ការលក់រយៈពេល១៥ថ្ងៃខាងមុខនេះ។ យោងតាម ក្រសួងពាណិជ្ជកម្ម តម្លៃប្រេងឥន្ធនៈ សម្រាប់ការលក់ចាប់ពី ថ្ងៃទី១ រហូតដល់ថ្ងៃទី១៥ ខែធ្នូ ឆ្នាំ២០២១នេះ គឺ ប្រេងសាំងធម្មតា មានតម្លៃ៤ពាន់២០០រៀលក្នុង១លីត្រ ដែលតម្លៃនេះថយចុះចំនួន២៥០រៀល បើធៀប ទៅ ការលក់រយៈពេល១៥ ថ្ងៃមុនដូចគ្នា…ចំណែកប្រេងម៉ាស៊ូត វិញ មានតម្លៃ៣ពាន់៨៥០រៀល ក្នុង១លីត្រដែល តម្លៃនេះ គឺថយចុះចំនួន២០០រៀល បើធៀបទៅនឹងការលក់រយៈពេល១៥ ថ្ងៃមុន។

ទិវា២ធ្នូនៃការបង្កើតអង្គការមជ្ឈិមរណសិរ្សសាមគ្គីសង្គ្រោះជាតិកម្ពុជា បានឈានមកដល់ហើយ។ នៅថ្ងៃទី២ធ្នូ ឆ្នាំ២០២១ គឺជាខួប៤៣ឆ្នាំនៃខួបបង្កើតមហាចលនាតស៊ូរំដោះជាតិនេះ ដែលបានរំដោះប្រទេសកម្ពុជាចេញរួច ផុតពីរបបកាប់សម្លាប់កម្ពុជាប្រជាធិបតេយ្យដែលគេស្គាល់ថាជារបបខ្មែរក្រហមប្រល័យពូជសាសន៍៕