ក្រុមបាល់ទាត់ជម្រើសជាតិកម្ពុជាបានចេញដំណើរហើយ នៅព្រឹកថ្ងៃទី២ ខែធ្នូ ឆ្នាំ២០២១នេះ ឆ្ពោះទៅកាន់ ប្រទេសសិង្ហបុរី ដើម្បីចូលរួមប្រកួតប្រជែងពានរង្វាន់ជើងឯកប្រចាំតំបន់អាស៊ីអាគ្នេយ៍ AFF Suzuki Cup 2020។  ព្រឹត្តិការណ៍ AFF SUZUKI CUP 2020 នឹងចាប់ផ្តើមពីថ្ងៃទី០៥ ខែធ្នូ ឆ្នាំ២០២១ ដល់ថ្ងៃទី០១ ខែមករា ឆ្នាំ២០២២ នៅប្រទេសសិង្ហបុរី។

ដីព្រៃលិចទឹកដែលបានដកហូតពីបុគ្គលនិងមន្ត្រីខិលខូចដែលកាប់ទន្ទ្រានក្នុងតំបន់បឹងទន្លេសាបនៃខេត្តកំពង់ ឆ្នាំង ត្រូវបានអាជ្ញាធរខេត្ត បានធ្វើការដាំដុះកូនឈើឡើងវិញនៅថ្ងៃទី០២ ធ្នូ នេះ ។

មនុស្ស៣នាក់បានស្លាប់និងម្នាក់ទៀតកំពុងជួយសង្រ្គោះ ក្នុងហេតុការណ៍ឆេះក្លឹបកម្សាន្តមួយកន្លែង នៅក្រុង សៀមរាបនៃខេត្តសៀមរាប។ សេចក្តីរាយការណ៍ខេត្តបញ្ជាក់ថា ហេតុការណ៍អគ្គិភ័យបានកើតឡើងកាលពីយប់ ថ្ងៃទី០១ខែធ្នូ ឆ្នាំ២០២១ នៅក្លឹបកម្សាន្តក្រោមដីមួយកន្លែង ឈ្មោះ អេលីត ស្ថិតនៅក្នុងភូមិតាភុល សង្កាត់ស្វាយ ដង្គុំ នៃក្រុងសៀមរាប។

កម្ពុជាដែលនឹងត្រៀមធ្វើជាប្រធានអាស៊ានក្នុងឆ្នាំ២០២០ កំពុងពិចារណាដើម្បីស្វែងរកការផ្សះផ្សារសម្រុះ សម្រូលបញ្ហាក្នុងប្រទេសមីយ៉ាន់ម៉ានៅមុនការចាប់ធ្វើជាប្រធានអាស៊ានដែលនឹងចាប់ផ្តើមនៅថ្ងៃទី១មករាឆ្នាំ ២០២២។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៧ពាន់៣៦៥ ករណី និងការស្លាប់ថ្មីមានចំនួន៤៩៦នាក់។ បើធៀបនឹងម្សិលមិញការឆ្លងថ្មីបានកើនឡើងចំនួន១ពាន់៥១៤ ករណី និងការស្លាប់ថយចុះចំនួន១៤០នាក់ ។ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយនេះ នៅអាស៊ានមាន១០ប្រទេស។ ចំណែកការស្លាប់ថ្មីមាន ៩ប្រទេសផងដែរ៕

ចំនួនសរុបចាក់វ៉ាកសាំងលើប្រជាពលរដ្ឋទូទាំងប្រទេសគិតត្រឹមថ្ងៃទី០២ ខែធ្នូ បានកើនដល់១៤លាន ១សែន៥ ម៉ឺន២ពាន់៥២៣នាក់បន្ទាប់ពីតួលេខចាក់វ៉ាក់សាំង២៤ម៉ោងចុងក្រោយនេះ មានចំនួន៦ពាន់ ៩១៧នាក់។

តួលេខឆ្លងជំងឺកូវីដ១៩ក្នុងប្រទេសកម្ពុជាបានបន្តធ្លាក់ចុះក្នុងរយៈពេល២៤ម៉ោងចុងក្រោយនេះ បើទោះបីជា ពិភពលោកបានប្រឈមនឹងកង្វល់វីរុសបំប្លែងថ្មីអូមីក្រុងនោះក៏ដោយ។

កម្ពុជា បានទទួលសិទ្ធិពីក្រុមហ៊ុនចិននៅក្នុងការផលិតវ៉ាក់សាំងបង្កាជម្ងឺកូវីដ ១៩ហើយក្រោមកិច្ចខិតខំប្រឹង ប្រែងស្វះស្វែងរបស់សម្តេចតេជោហ៊ុនសែនខណៈជម្ងឺឆ្លងរាតត្បាតនេះ នៅមិនទាន់អាចដឹងថានឹងបញ្ចប់នៅ ពេលណាមួយនាអនាគតនោះឡើយ។

សម្តេចនាយករដ្ឋមន្ត្រីបានអំពាវនាវពលរដ្ឋខ្មែរក្នុងស្រុកមិនត្រូវភិតភ័យស្លន់ស្លោចំពោះវីរុសបំប្លែងថ្មីអូមីក្រុង ដែលពិភពលោកទើបរកឃើញថ្មីចុងក្រោយនេះឡើយ ប៉ុន្តែសម្តេចបានដាស់តឿនដល់ពលរដ្ឋត្រូវប្រុងប្រយ័ត្ន។ វីរុសអូមីក្រុង ត្រូវគេរាយការណ៍ថាគិតមកទល់នឹងពេលនេះ ទើបតែមានការឆ្លងប្រមាណ២១៥ករណីតែប៉ុណ្ណោះ នៅក្នុងប្រទេសចំនួន២៥៕