ដំណើរនយោបាយរបស់ក្រុមប្រឆាំងជ្រុលនិយម ក្នុងវេលាចុងឆ្នាំ២០២១បានឈានដល់ការបែកបាក់ដ៏ធំមួយ ដោយលោក កឹម សុខា បានរលាស់ដៃនិងទាត់ចោលបុគ្គល សម រង្ស៊ី។

រដ្ឋមន្ត្រីការបរទេសកម្ពុជានិងហ្វីលីពីនជាមួយនឹងគណៈប្រតិភូរៀងៗខ្លួន បានធ្វើកិច្ចពិភាក្សាគ្នារយៈពេល២ថ្ងៃ កន្លងមកនេះតាមប្រព័ន្ធវីដេអូក្នុងកិច្ចប្រជុំលើកទី៣របស់គណៈកម្មការចម្រុះកម្ពុជា ហ្វីលីពីនស្តីពីកិច្ចសហប្រតិ បត្តិការទ្វេភាគី។

ខេត្តព្រះសីហនុ បានសាងសង់ទីលានចាក់សំរាមមួយ ដែលជាសំណង់លើកដំបូងបំផុតរបស់កម្ពុជាដែលមាន បទដ្ឋានបច្ចេកទេសដ៏ត្រឹមត្រូវ។ ខេត្តព្រះសីហនុគឺជាខេត្តដែលមានសំរាមប្រមាណពី៣៥០ ទៅ ៤០០ តោន ក្នុងមួយថ្ងៃៗ។

ទំហំពាណិជ្ជកម្មរវាងចិន និងកម្ពុជា បានកើនរហូតដល់ជាង៩ពាន់លានដុល្លារអាមេរិក ក្នុងរយៈពេលចំនួន១០ ខែ ឆ្នាំ២០២១។ យោងតាមការចេញផ្សាយថ្ងៃទី២ធ្នូរបស់ស្ថានទូតចិនប្រចាំកម្ពុជា ក្នុងរយៈពេលចំនួន១០ខែក្នុង ឆ្នាំ២០២១, ទំហំពាណិជ្ជកម្មទ្វេភាគីរវាងចិន និងកម្ពុជា មានចំនួនទឹកប្រាក់កើនរហូតដល់៨ពាន់៩៣១លាន ដុល្លារអាមេរិក ដែលមានកំណើន៣៨.៥៦%បើប្រៀបធៀបនឹងរយៈពេលដូចគ្នាកាលពីឆ្នាំ២០២០។

បុរសម្នាក់បានស្លាប់ក្នុងហេតុការណ៍ផ្ទុះធុងហ្គាសនៅក្នុងខណ្ឌសែនសុខរាជធានីភ្នំពេញ។ ហេតុការណ៍បាន កើតឡើងនៅថ្ងៃទី០៣ ខែធ្នូ ឆ្នាំ២០២១ នៅចំណុចផ្ទះជួលក្នុងភូមិដំណាក់ នៃសង្កាត់គោកឃ្លៀង។ សមត្ថកិច្ច បានបញ្ជាក់ថា បុរសរងគ្រោះដែលស្លាប់នោះមានឈ្មោះ ហ៊ីង សំអុន អាយុ  ៥៤ឆ្នាំ។

មនុស្សនៅតែបន្តរងគ្រោះថ្នាក់ដោយសារគ្រាប់មីននិងគ្រាប់មិនទាន់ផ្ទុះ ក្នុងពេលដែលផែនការបោសសំអាត គ្រាប់មីននិងគ្រាប់មិនទាន់ផ្ទុះ នឹងត្រូវគ្រោងបញ្ចប់ទាំងស្រុងក្នុងរយៈពេល៤ឆ្នាំទៅមុខទៀតនេះ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៨ពាន់១១១ ករណី និងការស្លាប់ថ្មីមានចំនួន៥៦៥នាក់។ បើធៀបនឹងម្សិលមិញការឆ្លងថ្មីបានថយចុះចំនួន៧៦៨ករណី និង ការស្លាប់ថ្មីបានកើនឡើងចំនួន២០៩នាក់ ។ប្រទេសដែលមានការឆ្លងថ្មីនិងការស្លាប់ថ្មី ក្នុងរយៈ ពេល២៤ម៉ោង ចុងក្រោយនេះនៅអាស៊ានមាន៩ប្រទេស៕

ចំនួនសរុបចាក់វ៉ាកសាំងលើប្រជាពលរដ្ឋទូទាំងប្រទេសគិតត្រឹមថ្ងៃទី០៣ ខែធ្នូ បានកើនដល់១៤លាន១សែន៥ ម៉ឺន៩ពាន់១៦៩នាក់បន្ទាប់ពីតួលេខចាក់វ៉ាក់សាំង២៤ម៉ោងចុងក្រោយនេះ មានចំនួន៦ពាន់ ៦៤៦នាក់។

តួលេខឆ្លងជំងឺកូវីដ១៩ក្នុងប្រទេសកម្ពុជា ក្នុងរយៈពេល២៤ម៉ោងចុងក្រោយនេះមានចំនួន២៤ករណីដែលថយ ចុះ១ករណីបើប្រៀបធៀបនឹងម្សិលមិញ។ យោងតាមក្រសួងសុខាភិបាល ក្នុងចំណោមការឆ្លងថ្មីចំនួន២៤ករណី នោះ ការឆ្លងក្នុងសហគមន៍ មានចំនួន២០ករណី និងការឆ្លងមកពីក្រៅប្រទេសមានចំនួន៤ករណីផងដែរ។

រាជរដ្ឋាភិបាលកម្ពុជាបានបញ្ជាទិញឱសថវេជ្ជសាស្ត្រប្រឆាំងជំងឺកូវីដ-១៩ MOLNUPIRAVIRរបស់ក្រុមហ៊ុនមើក (MERCK) ចំនួន ៤លានគ្រាប់ សម្រាប់ព្យាបាលអ្នកជំងឺកូវីដ-១៩។