រដ្ឋមន្ត្រីការបរទេសកម្ពុជានិងរដ្ឋមន្ត្រីការបរទេសចិន បានប្តេជ្ញាការជម្រុញដំណើរការពាណិជ្ជកម្មរវាងប្រទេស ទាំង២ឳ្យដល់មួយម៉ឺនលានដុល្លារក្នុងឆ្នាំ២០២៣។ ការប្តេជ្ញាជម្រុញនេះ បានបញ្ជាក់ឳ្យដឹងតាមរយៈសេចក្តីប្រ កាសព័ត៌មានស្តីលទ្ធផលនៃទស្សនកិច្ចរបស់ឧបនាយករដ្ឋមន្ត្រីកម្ពុជាលោកប្រាក់សុខុន ដែលបានបំពេញ ទស្សនកិច្ចរយៈពេល៣ថ្ងៃក្នុងខេត្តជឺជាំងនៃប្រទេសចិននិងបានជួបពិភាក្សាទ្វេភាគីជាមួយនឹងរដ្ឋមន្ត្រីការបរទេសចិនលោក វ៉ាងយី នៅទីនោះ៕

កម្ពុជាដែលនឹងក្លាយជាប្រធានអាស៊ានក្នុងឆ្នាំ២០២២ បានបញ្ជាក់នូវការតាំងចិត្តធ្វើកិច្ចការសម្រុះសម្រួល ជាមួយនឹងមេដឹកនាំយោធាមីយ៉ាន់ម៉ា ខណៈការចូលរួមរបស់ប្រទេសមីយ៉ាន់ម៉ាក្នុងអាស៊ាននាពេលនេះ ត្រូវបានផ្អាកជាបណ្តោះអាសន្នដោយសារតែវិបត្តិផ្ទៃក្នុងប្រទេសនៅមិនទាន់អាចដោះស្រាយបាន។

ផ្លែមៀននិងត្រីប្រារបស់កម្ពុជា នឹងក្លាយជាផលិតផលនាំចូលលក់ក្នុងទីផ្សាររបស់ប្រទេសចិននាពេលខាងមុខ នេះ ដែលនឹងជួយជម្រុញកាន់តែខ្លាំងលើជីវភាពរបស់ប្រជាពលរដ្ឋខ្មែរ។ កសិករកម្ពុជាកាលពីខែសីហាឆ្នាំ ២០២១ដោយសារតែវិបត្តិនៃជម្ងឺកូវីដ១៩និងរបាំងនៃភូតគាមអនាម័យ បានធ្វើទំនិញកសិផលផ្លែមៀនបានស្ទះ មិនអាចរកច្រកចេញលក់លើទីផ្សារអន្តរជាតិបានឡើយ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន៨ម៉ឺន៧១១ករណី និងការ ស្លាប់ថ្មីមានចំនួន១ពាន់៣៨៧នាក់។ ប្រទេសដែលមានការឆ្លងថ្មី និងការស្លាប់ថ្មីក្នុងរយៈ ពេល៧២ម៉ោង ចុង ក្រោយនេះនៅអាស៊ាន រួមមាន១០ប្រទេស៕

តួលេខឆ្លងជំងឺកូវីដ១៩ក្នុងប្រទេសកម្ពុជា បានថយចុះពីខ្ទង់២០ករណីមកខ្ទង់ជាង១០ករណីនៅថ្ងៃនេះដែលជា លើកដំបូងហើយក្រោមយុទ្ធសាស្ត្រចាក់ស្រោចវ៉ាក់សាំងនិងការអនុវត្តវិធានការសុខាភិបាលកម្ពុជា។ យោងតាម ក្រសួងសុខាភិបាល, ក្នុងរយៈពេល២៤ម៉ោងចុងក្រោយនេះ ការឆ្លងមានចំនួន១៦ករណី ដែលថយ ចុះ៨ករណី បើប្រៀបធៀបនឹងម្សិលមិញ។

ចំនួនសរុបចាក់វ៉ាកសាំងលើប្រជាពលរដ្ឋទូទាំងប្រទេសគិតត្រឹមថ្ងៃទី០៦ ខែធ្នូ បានកើនដល់១៤លាន១សែន៧ ម៉ឺន៧៤នាក់ហើយ បន្ទាប់ពីតួលេខចាក់វ៉ាក់សាំង២៤ម៉ោងចុងក្រោយនេះ មានចំនួន១ពាន់ ៧៣១នាក់។

សម្តេចនាយករដ្ឋមន្ត្រីបានថ្លែងបញ្ជាក់នៅថ្ងៃនេះថែមទៀតជុំវិញកម្ពុជាដែលបានទទួលសិទ្ធិនូវការផលិតវ៉ាក់ សាំងបង្កាកូវីដ១៩ នៅក្នុងស្រុកដែលរំពឹងថាកម្ពុជានឹងលែងមានក្តីបារម្ភជុំវិញភាពខ្វះខាតវ៉ាក់សាំងចាក់មកលើ ប្រជាជនកម្ពុជា។ ជម្ងឺឆ្លងកូវីដ១៩ បានចាប់ផ្តើមរាតត្បាតពិភពលោកតាំងពីដើមឆ្នាំ២០២០នោះមក ក្រោយការ រកឃើញជាលើកដំបូងក្នុងក្រុងវូហាននេះប្រទេសចិននាចុងឆ្នាំ២០១៩។

សម្តេចនាយករដ្ឋមន្ត្រី ហ៊ុន សែន បានបញ្ជាក់សាឡើងវិញនូវបេក្ខភាពឈរឈ្មោះរបស់លោក ហ៊ុន ម៉ាណែត ជានាយករដ្ឋមន្ត្រី ដែលនឹងត្រូវរង់ចាំរហូតក្រោយឆ្នាំ២០២៨។

ផ្លូវជាតិលេខ១១តម្លៃប្រមាណ១០០លានដុល្លារដែលជាផ្លូវជាតិភ្ជាប់ខេត្តភាគខាងកើតកម្ពុជាទៅកាន់ខេត្ត ភាគ ឥសានប្រទេសនិងទៅកាន់ផ្នែកដទៃនៃខេត្តនានាភាគពាយព្យនិងឧត្តរប្រទេសផងដែរនោះ បានធ្វើពិធីដាក់ សម្ពោធឳ្យប្រើប្រាស់នៅថ្ងៃទី៦ធ្នូនេះ ក្រោមអធីបតីភាពដ៏ខ្ពង់ខ្ពស់ពីសំណាក់សម្តេចតេជោហ៊ុនសែននាយករដ្ឋ  មន្ត្រីនៃប្រទេសកម្ពុជា។

ព្រះមហាក្សត្រខ្មែរ និងសម្ដេចម៉ែ បានយាងគោរពព្រះវិញ្ញាណក្ខន្ធព្រះសពសម្ដេចក្រុមព្រះនរោត្តមរណឫទ្ធិ នៅថ្ងៃព្រឹកថ្ងៃច័ន្ទទី៦ធ្នូ។