ក្រសួងសុខាភិបាលកម្ពុជា គ្រោងនឹង រៀបចំបទសម្ភាសន៍បង្ហាញពីបច្ចុប្បន្នភាពនៃវីរុសកូវីដ១៩ បំប្លែងថ្មី «អូមី ក្រុង» នារសៀលថ្ងៃទី៩ ខែធ្នូ ឆ្នាំ២០២១។ កម្ពុជាកាលពីថ្ងៃទី៥ធ្នូ បានលើកចេញនូវបំរាមហាមឃាត់ការធ្វើ ដំណើរមកពីប្រទេសអាហ្វ្រិកទាំង១០បន្ទាប់ពីបានដាក់ចេញរយៈពេលប៉ុន្មានថ្ងៃកន្លងមកដោយសារតែកង្វល់នៃ វីរុសបំប្លែងថ្មីអូមីក្រុងនោះ។

រដ្ឋបាលរាជធានី បានបន្តបោសសំអាតសណ្តាប់ធ្នាប់តាមដងផ្លូវរាជធានីបន្តទៀតក្រោយការប្តេជ្ញាថានឹងធ្វើឳ្យ កត្តាសណ្តាប់ធ្នាប់តាមដងផ្លូវមានរបៀបរៀបរយសាឡើងវិញ។ នៅថ្ងៃទី៧ធ្នូនេះ កំណាត់ផ្លូវលេខ២៧១ ត្រង់ ចំណុចខណ្ឌមានជ័យមុនមន្ទីរពេទ្យមិត្តភាពខ្មែរសូវៀត ត្រូវបានដោះស្រាយរៀបចំសណ្តាប់ធ្នាប់ល្អប្រសើរឡើង វិញ ក្រោយការចុះរៀបចំសណ្តាប់ធ្នាប់នៅទីនោះកាលពីល្ងាចមិញនោះមក៕

សមរង្ស៊ី ត្រូវបានកូនស្រីលោកកឹមសុខា ដាក់ឈ្មោះថ្មីឳ្យគឺ«លោកប្រធានសកម្មដើរប្រមូលស្រោមសំបុត្រ»។ កូនស្រីលោកកឹមសុខា បានប្រាប់សមរង្ស៊ីនិងបក្ខពួករបស់ខ្លួនថា សូមឈប់ដើរបោកគេតទៅទៀត៕

សវនាការតុលាការលើសំណុំរឿងសម រង្ស៉ី និងអ្នកពាក់ព័ន្ធសរុប៤២នាក់ នៅក្នុងផែនការផ្តួលរំលំ «៩វិច្ឆិកា» ឆ្នាំ២០១៩ ត្រូវបានលើកបន្តទៅសប្តាហ៍ក្រោយ បន្ទាប់ពីបានធ្វើសវនាការរយៈពេលមួយព្រឹកថ្ងៃទី៧ធ្នូនេះ។ មន្ត្រី តុលាការបានថ្លែងថារឿងក្តីសម រង្ស៉ី និងអតីតថ្នាក់ដឹកនាំសកម្មជនក្រុមប្រឆាំងក្រៅច្បាប់សរុប៤២នាក់ ដែល ពាក់ព័ន្ធនឹងការប៉ុនប៉ងផ្តួលរំលំរាជរដ្ឋាភិបាល តាមរយៈ«ផែនការ៩វិច្ឆិកា» នឹងត្រូវលើកបន្តទៅថ្ងៃទី១៤ ខែធ្នូ ឆ្នាំ២០២១។

រដ្ឋបាលរាជធានីភ្នំពេញ បានប្រកាសបញ្ចៀសចរាចរយានយន្តគ្រប់ប្រភេទនៅលើដងវិថីមួយចំនួនក្នុងរាជធានី ភ្នំពេញនាវេលាថ្ងៃស្អែកទី៨ធ្នូដែលនឹងមានព្រះរាជពិធីដង្ហែនិងបូជាព្រះសពសម្តេចក្រុមព្រះនរោត្តមរណឫទ្ធិ។ ព្រះសពរបស់សម្តេចក្រុមព្រះនរោត្តមរណឫទ្ធិ នឹងធ្វើព្រះរាជពិធីបូជានៅមុខវត្តបទុមវត្តី ក្នុងខណ្ឌដូនពេញ កណ្តាលរាជធានី។

អគ្គមេបញ្ជាការរងនិងជាមេបញ្ជាការកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត និងលោកស្រី ពេជ ច័ន្ទមុន្នី បានអញ្ជើញគោរពព្រះវិញ្ញាណក្ខន្ធ ព្រះសពសម្ដេចក្រុមព្រះ នរោត្តម រណឫទ្ធិនារសៀលថ្ងៃទី៧ ធ្នូ នេះ។

ប្រមុខដឹកនាំនៃប្រទេសកម្ពុជាសម្តេចតេជោហ៊ុនសែន ត្រៀមនឹងបំពេញទស្សនកិច្ចរយៈពេល២ថ្ងៃក្នុងប្រទេស មីយ៉ាន់ម៉ាដែលជាដំណើរទស្សនកិច្ចមួយបង្ហាញនូវកិច្ចប្រឹងប្រែងរកការសម្រុះសម្រួលមួយលើបញ្ហាផ្ទៃក្នុងរបស់ ប្រទេសមីយ៉ាន់ម៉ា។ ការបញ្ជាក់នូវដំណើរគ្រោងបំពេញទស្សនកិច្ចរវាងពីថ្ងៃទី៧និង៨មករាឆ្នាំ២០២២ បានធ្វើ ឡើងបន្ទាប់ពីប្រមុខដឹក នាំរាជរដ្ឋាភិបាលកម្ពុជាទើបបានជួបពិភាក្សាជាមួយរដ្ឋមន្ត្រីការបរទេសមីយ៉ាន់ម៉ា លោក វុនណា ម៉ូងល្វីន នា វិមានសន្តិភាព។

អតីតអភិបាលខេត្តកំពង់ឆ្នាំងលោក ឈួរ ចាន់ឌឿន កំពុងស្ថិតក្រោមការស៊ើបអង្កេត ស្រាវជ្រាវនិងចាត់វិធាន ការតាមផ្លូវច្បាប់នូវអំពើសង្ស័យបទល្មើសទន្ទ្រានកាន់កាប់ព្រៃលិចទឹកក្នុងខេត្តកំពង់ឆ្នាំង។ ការស៊ើបអង្កេត និងស្រាវជ្រាវលើលោកឈួរចាន់ឌឿននេះ បានបញ្ជាក់តាមរយៈលិខិតទីស្តីការគណរដ្ឋមន្ត្រីចុះថ្ងៃទី ៣ធ្នូឆ្នាំ ២០២១។

ទំហំពាណិជ្ជកម្មទ្វេភាគីរវាងកម្ពុជានិងជប៉ុន កើនដល់ជិត២ពាន់លានដុល្លារក្នុងរយៈពេល១០ខែឆ្នាំនេះ។ យោង តាមរបាយការណ៍អង្គការពាណិជ្ជកម្មក្រៅប្រទេសរបស់ជប៉ុនJETRO រវាងពីខែមករាដល់ខែតុលា, ទំហំពាណិជ្ជ កម្មទ្វេភាគីកម្ពុជានិងជប៉ុនឆ្នាំ២០២១ សម្រេចបាន១ពាន់៩៦៤លាន២៣ម៉ឺនដុល្លារអាមេរិក។