នាយករដ្ឋមន្ត្រីឡាវ លោកផនខាំ វីផារ៉ាន់ បានអញ្ជើញជួបសម្តែងការគួរសមចំពោះសម្តេចប្រធានរដ្ឋសភា នៃប្រទេសកម្ពុជានិងបានថ្លែងចាត់ទុកដំណើរទស្សនកិច្ចរបស់គណៈប្រតិភូរដ្ឋាភិបាលឡាវនាពេលនេះ គឺជាការ ជំរុញបន្ថែមនូវទំនាក់ទំនងចំណងមិត្តភាព, សាមគ្គីភាពជាប្រពៃណី និងកិច្ចសហប្រតិបត្តិការ លើគ្រប់វិស័យ រវាងបក្សរដ្ឋ និងប្រជាជននៃប្រទេសទាំងពីរ។

ក្រសួងសុខាភិបាលបានថ្លែងអំពាវនាវដាស់តឿនពលរដ្ឋដែលមិនទាន់បានចាក់វ៉ាក់សាំង ត្រូវប្រញាប់មកចាក់ វ៉ាក់សាំង និងជម្រុញពលរដ្ឋត្រូវចាក់វ៉ាក់សាំងដូសទី៣បន្ថែមទៀតក្នុងស្ថានភាពដែលពិភពលោកកំពុងព្រួយ បារម្ភជុំវិញការរកឃើញវីរុសកូវីដ១៩បំប្លែងថ្មីដែលគេបានដាក់ឈ្មោះថាអូមីក្រុង។

តួលេខពលរដ្ឋដែលបានចាក់វ៉ាក់សាំងក្នុងរយៈពេល២៤ម៉ោងនេះមានចំនួន ៨ពាន់ ២៥៣នាក់ នៅទន្ទឹមនឹងតួ លេខចាក់ទូទាំងប្រទេសបានឈានដល់ជិត៩០ភាគរយហើយ។

កម្ពុជាបានចូលរួមជាមួយនឹងប្រទេសនានាលើសកលលោកក្នុងការហាមឃាត់អ្នកធ្វើដំណើរមកពី ប្រទេស១០ នៅទ្វីបអាហ្វ្រិកដែលមានការផ្ទុះឆ្លងវីរុសកូវីដ-១៩បំប្លែងថ្មី ដែលគេដាក់ឈ្មោះថាអូមីក្រុង។ 

រដ្ឋមន្ត្រីកម្ពុជា-ឡាវ ដែលមានទំនាក់ទំនងរវាងគ្នាលើវិស័យឋាមពលវារីអគ្គិសនី បានជួបពិភាក្សាគ្នានៅថ្ងៃអង្គារ នេះដើម្បីបន្ដពង្រឹង និងពង្រីកកិច្ចសហប្រតិបត្ដិការគ្នាលើវិស័យថាមពលទាំងក្របខណ្ឌបច្ចេកទេស និងពាណិជ្ជ កម្ម។

រដ្ឋមន្ត្រីការបរទេសឥណ្ឌូនេស៊ី បានអញ្ជើញដល់រាជធានីភ្នំពេញហើយនារសៀលថ្ងៃទី៣០វិច្ឆិកានេះ ដើម្បីបំ ពេញទស្សនកិច្ចរយៈពេល២ថ្ងៃ។ លោកស្រី រ៉េតណូ អិលភី ម៉ារស៊ូឌី បានអញ្ជើញមកដល់រាជធានីភ្នំពេញតាម ជើងយន្តហោះពិសេសនៅវេលាម៉ោង៥និង៤០នាទី។ ដំណើរបំពេញទស្សនកិច្ច២ថ្ងៃរបស់រដ្ឋមន្ត្រីការបរទេស ឥណ្ឌូណេស៊ីរូបនេះ នឹងបញ្ចប់នៅថ្ងៃទី១ធ្នូឆ្នាំ២០២១ តបតាមការអញ្ជើញរបស់ រដ្ឋមន្រ្តីការបរទេសកម្ពុជាលោក ប្រាក់សុខុន។

នាយករដ្ឋមន្ត្រីឡាវលោក ផនខាំ វីផាវ៉ាន់ បានអញ្ជើញជួបប្រធានព្រឹទ្ធសភានៃប្រទេសកម្ពុជានៅថ្ងៃចុងក្រោយ នៃដំណើរទស្សនកិច្ច។ លោក ផនខាំ វីផាវ៉ាន់ បានវាយតម្លៃខ្ពស់ចំពោះការរីចម្រើនរបស់ប្រទេសកម្ពុជា និងបាន សម្តែងនូវការកោតសរសើរ និងអបអរសាទរ ចំពោះការដឹកនាំដ៏ត្រឹមត្រូវរបស់ព្រឹទ្ធសភា, រដ្ឋសភា និងរាជរដ្ឋាភិ បាលកម្ពុជា បើទោះបីជាប្រទេសកម្ពុជាបានជួបការលំបាកក្នុងការប្រយុទ្ធប្រឆាំងនិងទប់ស្តាត់នឹងជំងឺកូវីដ-១៩ យ៉ាងណាក៏ដោយ។ ក្នុងជំនួបនោះ សម្តេចវិបុលសេនាភក្តីសាយឈុំ បានថ្លែងលើកទឹកចិត្តរដ្ឋាភិបាលឡាវ ក្នុង ការដោះស្រាយបញ្ហាព្រំដែនដែលនៅសេសសល់៕

ពលរដ្ឋខ្មែរក្នុងសហរដ្ឋអាមេរិក បានធ្វើប្រតិកម្មជាបន្តបន្ទាប់ដាក់មកលើមេខ្លោងសមរង្ស៊ីជុំវិញនយោបាយ បំភិត បំភ័យដកសញ្ជាតិអាមេរិកពីពលរដ្ឋខ្មែរគាំទ្ររាជរដ្ឋាភិបាលកម្ពុជា និងតាមកន្លែងខ្លះថែមទាំងបានធ្វើបាតុកម្មប្រ ឆាំងថែមទៀតដូចជានៅក្នុងក្រុងឡូវ៉ែលរដ្ឋម៉ាសាឈូសិតនិងនៅក្នុងរដ្ឋកាលីហ្វ័រនីញ៉ានោះជាដើម។

គ្រឿងញៀនជិត២៥គីឡូក្រាម រួមនិងជនសង្ស័យបរទេសនិងជនជាតិខ្មែរ៣នាក់ ត្រូវបានសមត្ថកិច្ចបង្ក្រាប និង ចាប់ខ្លួនក្នុងរាជធានីភ្នំពេញ។

តួលេខភ្ញៀវទេសចរក្នុងស្រុក បានកើនឡើងវិញជាពិសេសក្នុងថ្ងៃចុងសប្តាហ៍បើទោះជាកម្ពុជាមិនមាន ព្រឹត្តិ ការណ៍រៀបចំទិវាបុណ្យជាតិឬព្រឹត្តិការណ៍ធំដុំណាមួយក៏ដោយ។