ករណីឆ្លង និងស្លាប់ដោយសារកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុង ក្រោយនេះ មានចំនួន ១ម៉ឺន ១ពាន់ ៨៨៨ករណី និងការស្លាប់ថ្មីមានចំនួន ៣០នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ២៤ម៉ោងចុងក្រោយនេះ ។

យុទ្ធនាការចាក់វ៉ាក់សាំងដូសទី៥ រយៈពេល ៨ថ្ងៃមកនេះ មានពលរដ្ឋទៅចាក់បានចំនួន ១៦ម៉ឺន ៨ពាន់ ២៦៥នាក់ហើយ។

ក្រសួងសុខាភិបាលបានប្រារព្ធទិវាគិលានុបដ្ឋាកអន្តរជាតិឆ្នាំ២០២២ ក្រោមការចូលរួមរបស់ លោករដ្ឋមន្ត្រីម៉ម ប៊ុនហេង។ ការប្រារព្ធទិវាអន្តរជាតិ បានធ្វើនៅសណ្ឋាគារភ្នំពេញ ក្រោមប្រធានបទ “ គិលានុបដ្ឋាក រួមគ្នាធ្វើឲ្យប្រសើរឡើងនូវការថែទាំ និងការគោរពសិទ្ធិអតិថិជនដើម្បី ធានាបាននូវសុខភាពជាសកល“។

សង្គ្រាមក្នុងប្រទេសអ៊ុយក្រែនបានឈានចួលថ្ងៃទី១១២ហើយ ខណៈទាហានអ៊ុយក្រែនបាន ព្យាយាមទប់ទល់ការវាយលុករបស់រុស្ស៊ីជាមួយនឹងការរង់ចាំអាវុធមានប្រសិទ្ធភាពបញ្ជូនទៅ ដល់សមរភូមិ។

រដ្ឋមន្ត្រីការបរទេសកម្ពុជាលោក ប្រាក់ សុខុន និងរដ្ឋមន្ត្រីការបរទេសអាស៊ានទាំងអស់ បាន ចាប់ផ្តើមកិច្ចប្រជុំពិសេសរដ្ឋមន្រ្តីការបរទេសអាស៊ាន-ឥណ្ឌា នៅក្នុងក្រុងញូដេល្លីហើយនៅ ថ្ងៃទី១៦មិថុនានេះ។

រដ្ឋមន្ត្រីក្រសួងព័ត៌មានលោក ខៀវ កាញារិទ្ធ បានដាក់សំណួរឆ្ងល់ចំពោះក្រុមដែលអួតអាង ជាបិតាលទ្ធិប្រជាធិបតេយ្យជុំវិញការប្រើជញ្ជីងអ្វីក្នុងរឿងសេរីភាពនៃការបញ្ចេញមតិ? ការ ដាក់សំណួរងឿងឆ្ងល់នេះ បន្ទាប់ពីមានប្រតិកម្មពីក្រុមដែលអួតអាងនៃជើងឯកលទ្ធិប្រជាធិប តេយ្យទាំងនោះ ជុំវិញការកាត់ទោសរបស់តុលាការកម្ពុជាដាក់គុកស្ត្រីខ្មែរជាតិអាមេរិកម្នាក់ ពាក់ព័ន្ធនឹងការប៉ុនប៉ងផ្តួលរំលំរាជរដ្ឋាភិបាល តាមរយៈ «ផែនការ ៩វិច្ឆិកា» របស់ទណ្ឌិត សម រង្ស៊ី។

គម្រោងទុច្ចរិតនានារបស់ សម រង្ស៊ី ត្រូវបានបើកកកាយនៅថ្ងៃទី១៦មិថុនានេះ បន្ទាប់ពី អាថ៌កំបាំងនេះ ត្រូវបានបិទបាំងជាយូរមកហើយនោះ។

អគ្គមេបញ្ជាការរងនៃកងយោធពលខេមរភូមិន្ទលោកឧត្ដមសេនីយ៍ឯក ហ៊ុន ម៉ាណែត បានអញ្ជើញជាអធិបតីក្នុងពិធីបើកសម្ពោធជាផ្លូវការនៃ រោងចក្រដំឡើងរថយន្ត FORD នៅ ក្នុងខេត្តពោធិ៍សាត់ ដែលជារោងចក្រតម្លើងដំបូងគេបង្អស់នៅព្រះរាជាណាចក្រកម្ពុជា។

ករណីឆ្លង និងស្លាប់ដោយសារកូវីដ១៩ ក្នុងប្រទេសអាស៊ាន នៅតែបន្តមាន លើកលែងតែ ប្រទេសកម្ពុជា ដែលអត្រាស្លាប់ និងឆ្លងបានស្ថិតក្នុងចំណុចសូន្យជាង ១ខែទៅហើយ។ ក្នុងរយៈពេល ២៤ម៉ោងចុងក្រោយនេះ តួលេខឆ្លងកូវីដ១៩ ក្នុងប្រទេសអាស៊ានមានចំនួន ១ម៉ឺន ១ពាន់ ៨៩៧ករណី និងការស្លាប់ថ្មីមានចំនួន ៣៥នាក់ ។ ប្រទេសសឹង្ហបុរី គឺជាប្រ ទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ២៤ម៉ោងចុងក្រោយនេះ ។