ពានបាល់ទាត់ពិភពលោក FIFA WORLD CUP ធ្វើពីមាសសុទ្ធទម្ងន់ជាង៦គីឡូក្រាមបាន ធ្វើដំណើរមកដល់កម្ពុជានៅថ្ងៃទី១៥មិថុនាដោយមានការចូលរួមទទួលស្វាគមន៍ដោយផ្ទាល់ ពីនាយករដ្ឋមន្ត្រីនៃប្រទេសកម្ពុជាសម្តេចតេជោ ហ៊ុន សែន។

គ្រឿងញៀនជាង៥៤គីឡូក្រាមរួមនិងជនសង្ស័យ២នាក់ត្រូវបានសមត្ថកិច្ចបង្ក្រាបបានក្នុងរាជ ធានីភ្នំពេញ។ យោងតាមមន្ទីរប្រឆាំងបទល្មើសគ្រឿងញៀន ការបង្ក្រាបនេះ បានធ្វើប្រមាណ ៤ថ្ងៃមកហើយប៉ុន្តែទើបបានបញ្ចេញប្រាប់បណ្តាញសារព័ត៌មាននៅថ្ងៃទី១៤មិថុនានេះ។

ស្រុកបាទីខេត្តតាកែវនៃតំបន់រមណីយដ្ឋានដែលពលរដ្ឋតែងធ្វើដំណើរកំសាន្ត បានរៀបចំ បរិស្ថានអនាម័យរបស់ខ្លួន។ សម្រាមពង្រាយក្នុងស្រុកបាទីមានច្រើនដល់២០តោនក្នុងមួយ ថ្ងៃ។ ប៉ុន្តែចាប់ពីថ្ងៃទី១៤មិថុនានេះទៅ, ការពង្រាយសម្រាមនឹងត្រូវកំនត់ក្នុងកិច្ចព្រមព្រៀង ដើម្បីការរក្សាអនាម័យបរិស្ថាន។

បាតុភូតភ្លៀង ផ្គរ រន្ទះ និងខ្យល់កន្ត្រាក់ នៅតែបន្ដកើតមាន ក្នុងសប្ដាហ៍ទៅមុខនេះ ខណៈ កម្ពុជា បានទទួលរងនូវឥទ្ធិពលពីជ្រលងនៃប្រព័ន្ធសម្ពាធទាប ដែលអូសបន្លាយនៅលើ ភាគខាងជើងប្រទេសថៃ ប្រទេសឡាវ និងប្រទេសវៀតណាម ជាមួយនឹងខ្យល់មូសុងនិរតីបក់ ក្នុងល្បឿនមធ្យម ។ 

ករណីឆ្លង និងស្លាប់ដោយសារកូវីដ១៩ ក្នុងប្រទេសអាស៊ាននៅតែបន្តមាន លើកលែងតែ ប្រទេសកម្ពុជា ដែលអត្រាស្លាប់ និងឆ្លងបានស្ថិតក្នុងចំណុចសូន្យជាង ១ខែទៅហើយ។ ក្នុងរយៈពេល ២៤ម៉ោងចុងក្រោយនេះ តួលេខឆ្លងកូវីដ១៩ ក្នុងប្រទេសអាស៊ានមានចំនួន ៨ពាន់ ពាន់ ៤៤១ករណី និងការស្លាប់ថ្មីមានចំនួន ៣៣នាក់ ។ ប្រទេសសឹង្ហបុរី គឺជាប្រទេស ដែលមានតួលេខឆ្លងច្រើន ជាងគេបង្អស់ក្នុងរយៈពេល ២៤ម៉ោងចុងក្រោយនេះ ។

យុទ្ធនាការចាក់វ៉ាក់សាំងដូសទី៥ រយៈពេល ៦ថ្ងៃមកនេះ មានពលរដ្ឋទៅចាក់បានចំនួន ១២ម៉ឺន ៥ពាន់ ៧១៧នាក់ហើយ ។ កម្ពុជាដោយសារគោលនយោបាយចាក់វ៉ាក់សាំង របស់ រាជរដ្ឋាភិបាលនេះហើយ, បាននាំឲ្យតួលេខឆ្លង និងស្លាប់បានធ្លាក់ក្នុងចំណុចសូន្យ ប្រមាណ ជាង១ខែមកហើយ។

សម្តេចតេជោ ហ៊ុន សែន បានចូលរួមជាមួយឥស្សរជនល្បីល្បាញពិភពលោក ថ្លែងសុន្ទរក ថាមួយ ក្នុងកិច្ចប្រជុំកំពូលអ្នកដឹកនាំស្តីពីដំណោះស្រាយដើម្បីបញ្ចប់អំពើហិង្សាលើកុមារ។

កម្ពុជាបន្តគ្មានអ្នកឆ្លងជម្ងឺកូវីដ១៩ថែមទៀតនៅថ្ងៃនេះ ដែលនាំឱ្យ តួលេខមិនឆ្លងកូវីដ១៩ មានរយៈពេល៣៨ថ្ងៃបន្តបន្ទាប់ជាប់គ្នា។ កម្ពុជាបើទោះបីជាគ្មានអ្នកឆ្លង ប៉ុន្តែការចាក់វាក់ សាំងដូសជម្រុញបានបន្តធ្វើជារៀងរាល់ថ្ងៃដើម្បីបង្កើតភាពស៊ាំក្នុងសហគមន៍។

ទំហំពាណិជ្ជកម្មកម្ពុជា-បារាំង សម្រាប់រយៈពេល៥ខែដើមឆ្នាំ២០២២នេះ មានជាង២០០ លានដុល្លារអាមេរិក។ ទំហំនេះ បានកើនឡើង៤២.៤% ខណៈអ្នកជំនាញមើលឃើញថា ការ ធ្វើពាណិជ្ជកម្ម រវាងប្រទេសទាំង២ និងការវិនិយោគរបស់បារាំងនៅកម្ពុជា នឹងកាន់តែល្អ ជាងមុន។

អគ្គនាយកដ្ឋានពន្ធដា បានថ្លែងថាក្នុងរយៈពេល៥ខែដើមឆ្នាំ២០២២នេះ, ចំណូលពន្ធ-អាករ ដែលប្រមូលបាន មានចំនួន ៦ពាន់៩៩៤ក្បៀស០៦ ប៊ីលានរៀល។ ចំណូលដែលប្រមូលបាន នេះ មានទំហំស្មើនឹង៦១ក្បៀស២៥% នៃផែនការច្បាប់ហិរញ្ញវត្ថុប្រចាំឆ្នាំ។