មនុស្សចំនួន៦នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាលក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ១៩ ។

ពុទ្ធសាសនិកជនចំនួន ៣២រូប ត្រូវបានទទួលគោរម្យ៍ងារ អគ្គមហាឧបាសិកា, មហាឧបាសក និងមហាឧបា សិកាពុទ្ធសាសនូបត្ថម្ភ ក្នុងពិធីមួយក្រោមព្រះរាជាធិបតីដ៏ខ្ពង់ខ្ពស់នៃ សម្តេចព្រះពោធិវ័ង្ស អំ លឹមហេង ព្រះ សង្ឃនាយករងទី១ នៃព្រះរាជាណាចក្រកម្ពុជា។

កងទ័ពមួកខៀវកម្ពុជា ចំនួន៧៣នាក់ទៀត បានចាកចេញទៅប្រទេសស៊ូដង់ ខាងត្បូងនៅយប់ថ្ងៃទី២៨តុលា នេះ ក្នុងដំណើរផ្លាស់ប្តូរវេនកម្លាំងចាស់រយៈពេលមួយឆ្នាំ។

កម្ពុជាបានក្លាយជាប្រធានអាស៊ានប្តូរវេនហើយ ចាប់ពីថ្ងៃទី២៨តុលាឆ្នាំ២០២១នេះទៅ បន្ទាប់ពីពិធីប្រគល់ តំណែងប្រធានអាស៊ានបានប្រព្រឹត្តទៅនារសៀលថ្ងៃព្រហស្បតិ៍នេះតាមប្រព័ន្ធវីដេអូ។ សម្តេចនាយករដ្ឋក្នុង ពិធីទទួលតំណែង ជាប្រធានអាស៊ានប្តូរសម្រាប់ឆ្នាំថ្មី បានលើកញញួរតំណាងនៃប្រធានអាស៊ាន បង្ហាញដល់ អ្នកចូលរួមនានាមុនការថ្លែងសុន្ទរកថា ។

ប្រមុខរាជរដ្ឋាភិបាលកម្ពុជាបានប្រកាសគាំទ្រសេចក្តីថ្លែងការណ៍រួមអាស៊ានឥណ្ឌាស្តីពីកិច្ចសហប្រតិបត្តិការលើទស្សនវិស័យអាស៊ាន ស្តីពីឥណ្ឌូប៉ាស៊ីហ្វិក។ ការប្រកាសគាំទ្ររបស់រាជរដ្ឋាភិបាលកម្ពុជាបានធ្វើ ឡើងក្នុងកិច្ច ប្រជុំកំពូលអាស៊ានឥណ្ឌាលើកទី១៨ នៅថ្ងៃទី២៨តុលានេះ ដោយពីភាគីឥណ្ឌា បានអញ្ជើញចូលរួមដោយលោក ស្រ៊ី ណារិនដ្រា ម៉ូឌី ។

មនុស្សជាង៥០០គ្រួសារដែលរងគ្រោះដោយសារជំនន់ទឹកស្ទឹងព្រែកត្នោត បានទទួលអំណោយពីរដ្ឋបាលរាជ ធានីនៅថ្ងៃនេះ។ អំណោយជាស្បៀងអាហារចែកជួននេះ បានធ្វើតាមរយៈអភិបាលរាជធានីភ្នំពេញ ៕

ស្ថានភាពទឹកជំនន់ស្ទឹងព្រែកត្នោត  បានស្រកចុះហើយក្រោយមេឃបានរាំងនិងការបង្ហូរទឹកពីប្រភពខាងលើ មានសភាពធូរស្រាល។ នៅជាមួយគ្នានោះផងដែរ អាជ្ញាធរដែលបានសហការជាមួយនឹងកម្លាំងស្ម័គ្រចិត្ត បាន ទប់ស្កាត់ទាន់ពេលវេលាល្អរារាំងការបាក់ធ្លាយទំនប់ស្ទឹងព្រែកត្នោតនោះ។

កម្ពុជាបានអំពាវនាវដល់ប្រទេសចិន, ជប៉ុននិងកូរ៉េខាងត្បូងគាំទ្រកាន់តែសកម្មនូវយន្តការបង្កើតមជ្ឈមណ្ឌល អាស៊ានសម្រាប់ភាពបន្ទាន់ផ្នែកសុខភាពសាធារណៈ ដែលការស្នើនោះ បានធ្វើឡើងក្នុងកិច្ចប្រជុំកំពូលអាស៊ាន បូកបីលើកទី២៤តាមប្រព័ន្ធវីដេអូ។ អាស៊ានបូកបី រួមមានសមាជិកនៃប្រទេសអាស៊ានទាំងអស់ បូកជាមួយប្រ ទេសចិន, ជប៉ុននិងកូរ៉េខាងត្បូង៕

ប្រធានរដ្ឋសភានៃប្រទេសកម្ពុជា បានអនុញ្ញាតទទួលជួបសម្តែងការគួរសមជាមួយនឹងឯកអគ្គរដ្ឋទូតអាមេរិក លោក Patrick Murphy ដែលបានអបអររាជរដ្ឋាភិបាលកម្ពុជាលើនយោបាយចាក់វ៉ាក់សាំង។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ៧ពាន់ ៦១៥នាក់ ក្នុងនោះការចាក់វ៉ាក់សាំងលើមនុស្សអាយុលើសពី១៨ឆ្នាំមានចំនួន៣ពាន់៦៥៥នាក់។ កម្ពុជាបានដាក់ផែន ការណ៍ចាក់លើមនុស្ស១០លាននាក់ ដែលមានវ័យពី១៨ឆ្នាំឡើងទៅ ចាប់តាំងពីខែកុម្ភៈនោះមក និងគិតត្រឹមថ្ងៃ ទី២៨តុលានេះ តួលេខចាក់លើមនុស្សអាយុលើសពី១៨ឆ្នាំ បានចំនួន ៩លាន៩សែន៨ម៉ឺន៩ពាន់៨០៤នាក់ដែល នៅសល់១ម៉ឺន ១៩៦នាក់ទៀត នឹងគ្រប់ផែនការណ៍ចំនួន១០លាននាក់។