កិច្ចប្រជុំកំពូលអាស៊ានអូស្ត្រាលី បានចាប់ផ្តើមនៅថ្ងៃទី២៧តុលានេះតាមប្រព័ន្ធវីដេអូពីចម្ងាយ ដោយថ្នាក់ដឹក នាំពីបណ្តាប្រទេសអាស៊ាននានា បានស្វាគមន៍នាយករដ្ឋមន្ត្រីអូស្ត្រាលីលោក ស្កុតម៉ូរីសុន។ នាយករដ្ឋមន្ត្រីនៃ ប្រទេសកម្ពុជាសម្តេចតេជោហ៊ុនសែន បានថ្លែងស្វាគមន៍ចំពោះវត្តមាននាយករដ្ឋមន្ត្រីអូស្ត្រាលី ។

គ្រោះថ្នាក់ចរាចរណ៍ក្នុងរយៈពេល៩ខែដើមឆ្នាំ២០២១ មានមនុស្សស្លាប់សរុប១ពាន់៥៨នាក់ ដែលគិតជាមធ្យម គឺមានអ្នកស្លាប់ចំនួនជិត៤នាក់នាក់ក្នុងមួយថ្ងៃ។ សេចក្តីរាយការណ៍បានកត់សម្គាល់ថា ក្នុងចំណោមអ្នកស្លាប់ ទាំងអស់មានអ្នកជិះម៉ូតូ ៨១៦នាក់ ក្នុងនោះមានអ្នកអត់ពាក់មួកសុវត្ថិភាព ៥៧៦នាក់។

ការហ្វឹកហាត់សុនខក្នុងប្រទេសកម្ពុជាដើម្បីឲ្យចេះស្វែងរកមេរោគកូវីដ១៩ ត្រូវមជ្ឈមណ្ឌលកំចាត់មីនបាន បញ្ជាក់ថាទទួលបានជោគជ័យគាប់ប្រសើរ។ អគ្គនាយកអង្គការស៊ីម៉ាក់ លោក ហេង រតនា បានថ្លែងថា គេគ្រោង ប្រើប្រាស់សុនខហ្វឹកហាត់ទាំងនោះ ក្នុងពេលឆាប់ៗខាងមុខនេះ។ 

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ៨ពាន់៣៤៩នាក់ ក្នុងនោះការចាក់វ៉ាក់សាំងលើមនុស្សអាយុលើសពី១៨ឆ្នាំមានចំនួន៤ពាន់៦៩២នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៦ពាន់៨៩៥ ករណី និងការស្លាប់ថ្មីមានចំនួន៧២៦នាក់។នេះជាតួលេខឆ្លងកើនឡើង១ពាន់៥២ករណីបើប្រៀបធៀបនឹងម្សិល មិញ, ចំណែកតួលេខស្លាប់បានកើនឡើង២៩២នាក់ ។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុង ក្រោយនេះនៅអាស៊ានមាន១០ប្រទេស។ ចំណែកការស្លាប់ថ្មីមានក៏មាន១០ប្រទេសផងដែរ៕

តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ បានបន្តធ្លាក់ចុះទៀតហើយដែលមានចំនួន១១១ ករណីនោះទេ។ ការឆ្លងថ្មីនៅថ្ងៃនេះ រួមមាន១០០ករណីជាការឆ្លងចូលក្នុង សហគមន៍ និង១១ករណី គឺការឆ្លង មកពីក្រៅប្រទេស។ បើប្រៀបធៀបនឹងម្សិលមិញ, តួលេខឆ្លងក្នុងសហគមន៍ថ្ងៃនេះ បានថយចុះ២ករណី, រីឯ តួលេខឆ្លងមកពីក្រៅប្រទេសបានកើនឡើង១ករណី។

កិច្ចប្រជុំកំពូលអាស៊ានជប៉ុនតាមប្រព័ន្ធវីដេអូអនឡាញ បានប្រព្រឹត្តទៅនៅថ្ងៃនេះ ដោយនាយករដ្ឋមន្ត្រីនៃប្រ ទេសកម្ពុជា បានលើកទឹកចិត្តជប៉ុនបន្តជម្រុញការធ្វើសមាហរណកម្មនៅក្នុងតំបន់ ដែលជាភាពចាំបាច់មួយមិន អាចខ្វះបានឡើយ។

នាយករដ្ឋមន្ត្រីចិន លោកលីខឺឈាំង បានថ្លែងថាប្រទេសចិននឹងបង្កើនភាពស៊ីជម្រៅលើកិច្ចសហប្រតិបត្តិការ ផលប្រយោជន៍ទៅវិញទៅមកជាមួយនឹងបណ្តាប្រទេសអាស៊ាន ដែលការសន្យានេះ បានធ្វើឡើងក្នុងកិច្ចប្រជុំ កំពូលចិន អាស៊ានលើកទី២៤តាមប្រព័ន្ធវីដេអូពីចម្ងាយ។ សម្តេចនាយករដ្ឋមន្ត្រីនៃប្រទេសកម្ពុជាបានធ្វើសុន្ទរក ថាអន្តរាគមន៍ក្នុងកិច្ចប្រជុំកាលពីថ្ងៃទី២៦តុលា ដោយលើកឡើង៣ចំណុចដើម្បីពង្រឹងកិច្ចសហប្រតិបត្តិការរវាង អាស៊ាននិងចិន៕

កម្ពុជា បានប្រកាសផ្តល់វ៉ាក់សាំងការពារកូវីដ១៩ចំនួន២០ម៉ឺនដូសដល់រដ្ឋាភិបាលវៀតណាម ដើម្បីចូលរួម ទប់ស្កាត់ជំងឺកូវីដ១៩។ យោងតាមប្រធានគណៈកម្មការចំពោះកិច្ច ចាក់វ៉ាក់សាំងកូវីដ១៩លោកស្រី ឱ វណ្ណឌីន ពិធីប្រគល់វ៉ាក់សាំងជូនរដ្ឋាភិបាលវៀតណាមទាំង២០ម៉ឺនដូសនោះ នឹងប្រព្រឹត្តទៅនៅព្រឹកថ្ងៃទី២៩ ខែតុលាខាង មុខនេះ នៅច្រកព្រំដែនបាវិត-មុកប៉ាយ ក្នុងខេត្តស្វាយរៀង។

កម្ពុជានិងបណ្តាប្រទេសអាស៊ាន បានរួមគ្នាថ្លែងស្វាគមន៍ប្រធានាធិបតីសហរដ្ឋអាមេរិកលោកចូបៃដិនដែល បង្ហាញវត្តមានរបស់ខ្លួនក្នុងកិច្ចប្រជុំកំពូលអាស៊ានអាមេរិកតាមប្រព័ន្ធវីដេអូអនឡាញ។