គ្រឿងញៀនជាង ២៥ គីឡូក្រាមនិងជនសង្ស័យ៣នាក់រួមមានជនជាតិថៃម្នាក់ផងដែរ ត្រូវបានសមត្ថកិច្ចបង្រ្កាប នៅក្នុងខេត្តបន្ទាយមាន ជ័យនិងខេត្តសៀមរាប។

អាល់កុលក្លែងក្លាយជាងមួយម៉ឺនលីត្រ ត្រូវបានរកឃើញនិងបង្ក្រាបក្នុងខណ្ឌចំនួន២នៅក្នុងរាជធានីភ្នំពេញ។ ប្រតិបត្តិការបង្ក្រាប បានធ្វើឡើងកាលពីថ្ងៃទី២៥និង២៦តុលា ត្រង់ចំណុចទីតាំងមួយកន្លែងនៅក្នុងភូមិសាស្ត្រ ខណ្ឌ ដង្កោ និងមួយកន្លែងក្នុងខណ្ឌ ពោធិ៍សែនជ័យ។

កម្ពុជាទទួលបានចំណូលជាង៣៨០លានដុល្លារពីការនាំចេញជ័រកៅស៊ូនិងឈើកៅស៊ូចេញទៅលក់ទៅទីផ្សារក្រៅប្រទេសរយៈពេល៩ខែ ឆ្នាំ២០២១នេះ។ របាយការណ៍របស់អគ្គនាយកដ្ឋានកៅស៊ូ ថ្ងៃទី២៦តុលា បាន បញ្ជាក់ថា ចំណូលបានមកពីការលក់ជ័រកៅស៊ូនិងឈើកៅស៊ូ មានចំនួន៣៨០លាន៤៥ម៉ឺន៦ពាន់៧៩៣ក្បៀស ៨៤ដុល្លារ ក្នុងនោះចំណូលពីការនាំចេញជ័កៅស៊ូចំនួន៣៧៩លាន៣៨ម៉ឺន៧ពាន់៩០៨ដុល្លារ និងចំណូលពី ការនាំចេញឈើកៅស៊ូ ចំនួន១លាន៦ម៉ឺន៨ពាន់៨៨៥ក្បៀស៨៤ដុល្លារ។

ខេត្តព្រៃវែង បានប្រកាសបើកឲ្យដំណើរការឡើងវិញនូវគ្រឹះស្ថានសិក្សាចំណេះទូទៅគ្រប់កម្រិត, គ្រឹះស្ថាន ឧត្តមសិក្សាទាំងសាធារណ និងឯកជន និងគ្រឹះស្ថានបណ្តុះបណ្តាលគ្រូ ចាប់ពីថ្ងៃទី១ វិច្ឆិកាខាងមុខនេះទៅ ។

ក្រុមជម្រើសជាតិបាលទាត់កម្ពុជា U23 បានចាញ់ក្រុមជម្រើសជាតិ U23 របស់ជប៉ុនក្នុងការប្រកួតមួយនៅ ប្រទេសជប៉ុនថ្ងៃទី២៦តុលានេះ ដោយពិន្ទុ ៤ទល់នឹងសូន្យ។

ការបង្ក្រាបលើសកម្មភាពល្មើសក្នុងរយៈពេល២៤ម៉ោងកន្លងមកនេះមិនបានកើតឡើងលើជនណាម្នាក់ឡើយ ទាំងវិធានការសុខាភិបាល និងវិធានការរដ្ឋបាលនិងវិធានការច្បាប់។

ផ្ទះជាង២ពាន់ខ្នងហើយ បានរងនឹងការលិចដោយសារជំនន់ទឹកភ្លៀងនៅជាយរាជធានីភ្នំពេញជាពិសេសក្នុង ភូមិសាស្ត្រខណ្ឌដង្កោ។ ក្រៅពីផ្ទះដែលរងការជន់លិច បរិវេណសាលារៀន៣៥ខ្នងទៀតក៏បានលិចផងដែរ៕

ខេត្តកំពង់ស្ពឺបានបើកទ្វារទឹករលាំងជ្រៃចំនួន៥ បង្ហៀរតាមស្ទឹងព្រែកត្នោត ខណៈពលរដ្ឋតាមស្ទឹងកំពុងតែ ប្រឈមនឹងការជន់លិច។ ការសម្រេចបើកទ្វារទឹកនេះ បានធ្វើឡើងថ្ងៃទី២៦ ខែតុលាបន្ទាប់ពី អភិបាលខេត្ត កំពង់ស្ពឺលោក វ៉ី សំណាង បានចុះត្រួតពិនិត្យស្ថានភាពទំនប់ទឹក និងទ្វាទឹករលាំងជ្រៃ ដែលស្ថិតនៅក្នុងឃុំ កាហែង នៃស្រុកសំរោងទង។

ច្រកឆ្លងកាត់ព្រំដែនថៃនិងកម្ពុជានៅច្រកស្ទឹងបត់-ណងអៀន ស្ថិតក្នុងក្រុងប៉ោយប៉ែតខេត្តបន្ទាយមានជ័យ នឹង បើកដំណើរការសាឡើងវិញនៅខែមករាឆ្នាំ២០២២។

អតីតមន្ត្រីជាន់ខ្ពស់គណបក្សប្រឆាំង៣រូបនិងបក្ខពួក១១រូបទៀតត្រូវតុលាការបានរកឃើញមានកំហុសពីបទ ញុះញង់បង្កឱ្យមានភាពវឹកវរដល់សន្ដិសុខសង្គម។