តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ បានថយចុះ៣ករណីបើប្រៀបធៀបនឹងម្សិលមិញ ដែលជាការបង្ហាញនូវសញ្ញាល្អក្នុងស្ថានភាពភាពដែលកម្ពុជាត្រៀមនឹងបើកដំណើរការសេដ្ឋកិច្ចគ្រប់វិស័យ សាឡើងវិញជាដំណាក់កាលក្នុងបរិបទរៀនរស់នៅជាមួយនឹងកូវីដ១៩។

ឯកអគ្គរាជទូតកម្ពុជាប្រចាំសហរដ្ឋអាមរិក លោកជុំសុន្ទរី បានអញ្ជើញចូលរួមក្នុងព្រឹត្តិការណ៍សាធារណៈមួយ ក្នុងឳកាសខួបលើកទី៣០នៃកិច្ចព្រមព្រៀងទីក្រុងប៉ារីស។

កម្ពុជាបានរំលឹកទិវាយាងចូលទីវង្គតរបស់អតីតព្រះមហាក្សត្រខ្មែរព្រះបាទព្រះនរោត្តម សីហនុដែលមានរយៈ ពេល៩ឆ្នាំកន្លងមកហើយគិតត្រឹមថ្ងៃសុក្រទី១៥តុលានេះ។ ព្រះករុណាព្រះបាទព្រះបរមរតនកោដ្ឋបានយាង ចូលទីវង្គតក្នុងមន្ទីរពេទ្យរដ្ឋធានីប៉េកាំងនៃប្រទេសចិននៅថ្ងៃទី១៥តុលាឆ្នាំ២០១២។

ទំនាស់ហិង្សារវាងបុរស២នាក់ នៅក្នុងខេត្តក្រចេះបាននាំឲ្យមានការចងគំនុំសម្លាប់ដោយការប្រើលំពែងចាក់ ចំខ្លួនពេលកំពុងដេកលក់។ សេចក្តីរាយការណ៍ពីនគរបាលស្រុកឆ្លូងខេត្តក្រចេះ បានបញ្ជាក់ថាបុរសម្នាក់ អាយុ ៥៣ឆ្នាំឈ្មោះគឹមញឹម ត្រូវបានគូវិវាទឈ្មោះខាំ យ៉ាត អាយុ៥២ឆ្នាំ ដែលរស់នៅក្បែរគ្នា បានចាក់សម្លាប់ ដោយ ប្រើលំពែងក្នុងពេលកំពុងគេងលក់ក្នុងផ្ទះរបស់ខ្លួនស្ថិតនៅភូមិព្រៃគោ ឃុំដំរីផុង នៃស្រុកឆ្លូង។  

ចំណូលទទួលបានពីទំនិញនាំចេញនិងនាំចូលរបស់កម្ពុជា ត្រូវគេរាយការណ៍ថា សុទ្ធតែបានកើនឡើងដោយ ទទួលបាននូវទំហំទឹកប្រាក់ប្រមាណ ៩៥,៧ទ្រីលានរៀល។

ពលរដ្ឋប្រមាណជាង២ម៉ឺន៤ពាន់បានមកចុះឈ្មោះបោះឆ្នោតថ្មីក្នុងរយ:ពីរថ្ងៃកន្លងមកនេះ។ ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ ដែលមានរយ:ពេល៥០ថ្ងៃ  បានចាប់ផ្តើមតាំងពីថ្ងៃទី១២ ខែតុលា ដល់ថ្ងៃ ទី៣០ខែវិច្ឆិកា ឆ្នាំ២០២១ ដោយគិតទាំងថ្ងៃសៅរ៍ និងថ្ងៃអាទិត្យ។

ទីភ្នាក់ងារសហប្រតិបត្តិការអន្តរជាតិកូរ៉េ KOICA បានផ្តល់ជំនួយជិត ៧លានដុល្លារ ដើម្បីកសាងសមត្ថភាព វិស្វកម្មបរិស្ថាននៅប្រទេសកម្ពុជា។ ការផ្តល់ជំនួយនោះបានធ្វើឡើងនៅថ្ងៃទី១៤តុលានេះតាមរយ: ពិធីចុះហត្ថ លេខាលើកិច្ចព្រមព្រៀងផ្តល់ហិរញ្ញប្បទានឥតសំណងតាមប្រព័ន្ធវីដេអូ រវាងរដ្ឋមន្រ្តី ក្រសួងអប់រំនិងយុវជន គឺ បណ្ឌិតសភាចារ្យ ហង់ជួន ណារ៉ុន និងប្រធានតំណាងទីភ្នាក់ងារសហប្រតិបត្តិការអន្តរជាតិកូរ៉េ KOICA លោក រ៉ូ យុនជុន។

ថវិកាចំនួន១៤១លានរៀលរួមនិងជែលលាងដៃចំនួន ២ពាន់៤០០ដបត្រូវបានប្រគល់ជូនសមាគមគ្រូពេទ្យ ស្ម័គ្រចិត្តយុវជនសម្តេចតេជោ TYDA ក្នុងយុទ្ធនាការប្រឆាំងជំងឺកូវីដ-១៩ ។ ពិធីប្រគល់បានធ្វើឡើងនៅក្នុង សប្តាហ៍នេះដោយ ក្រុមហ៊ុន LION CORPORATION (THAILAND) AND TSNR DISTRIBUTION។ ក្នុងថវិកា ទាំងនោះរួមមាន ថវិកាក្រុមមហ៊ុន៤១លានរៀល, ជែលលាងដៃចំណុះ៥០មីលីលីត្រចំនួន ២ពាន់៤០០ដប រួម នឹងថវិកា១០០លានរៀលផ្សេងទៀតដែលឧបត្ថម្ភដោយ ចុងភៅ សេង ហុកហេង។

អគ្គិភ័យក្នុងរាជធានីមួយកន្លែងបានកើតឡើងនាក្បែរផ្សារអូរឫស្សីនៃខណ្ឌ៧មករាបណ្តាលឲ្យឆេះផ្ទះ មួយខ្នង៕

ម៉ាស៊ីនធ្វើតេស្ដរកមេរោគកូវីដ១៩ និងឧបករណ៍សម្ភារៈប្រើប្រាស់មួយចំនួនទៀតត្រូវបានរដ្ឋាភិបាលកូរ៉េខាង ត្បូង ផ្ដល់ជូនរាជរដ្ឋាភិបាលកម្ពុជាដើម្បីប្រយុទ្ធប្រឆាំងនឹងជំងឺកូវីដ១៩។ ពិធីប្រគល់និងទទួលបានធ្វើឡើងនៅថ្ងៃ ទី១៤តុលានេះក្រោមអធិបតីភាពរដ្ឋមន្ដ្រីក្រសួងសុខាភិបាល លោកសាស្ដ្រាចារ្យ ម៉ម ប៊ុនហេង នៅឃ្លាំងឱសថ កណ្ដាលនៃក្រសួងសុខាភិបាល នារាជធានីភ្នំពេញ។