សម្តេចតេជោ ហ៊ុន សែន បានប្រាប់មន្ត្រីក្រោមបង្គាប់នូវវិធីត្រូវដើរទៅមុខរបស់កម្ពុជាដើម្បី បញ្ចៀសការខាតបង់សេដ្ឋកិច្ចធ្ងន់ធ្ងរ ខណៈដែលមានការព្យាកររបស់ពិភពលោកបាននិយាយ អំពីវិបត្តិស្បៀង និងវិបត្តិមួយចំនួននាពេលខាងមុខដោយសារតែសង្គ្រាមនៅអ៊ុយក្រែន។

មេខ្លោងក្រុមឧទ្ទាមកំពុងតែសង្ឃឹមលើទំនោរខ្យល់នយោបាយរបស់គណបក្សភ្លើងទៀន ដើម្បីមហិច្ឆិតានយោបាយរបស់ខ្លួន។ តើគណបក្សភ្លើងទៀនអាចមានប្រៀបនយោបាយ លើការប្រកួតប្រជែងក្នុងការបោះឆ្នោតសកលឆ្នាំ២០២៣ខាងមុខនេះបានដែរឬទេ?

មេខ្លោងក្រុមឧទ្ទាមរស់នៅក្រៅស្រុកដែលស្ថិតនៅពីក្រោយគណបក្សភ្លើងទៀន បានរិះគន់ លោក កឹម សុខា ដែលជាអតីតប្រធានគណបក្សសង្គ្រោះជាតិ។ លោក សម រង្ស៊ី ក្នុងកិច្ច សម្ភាសន៍មួយជាមួយវិទ្យុគាំទ្រនៅក្រៅស្រុកកាលពីថ្ងៃទី៩មិថុនា បាននិយាយថាលោក កឹម សុខា ដែលមិនទៅ បោះឆ្នោតគាំទ្រគណបក្សភ្លើងទៀននោះ បាន «ប្រព្រឹត្តកំហុសធ្ងន់ណាស់» ។

ការព្រមានរបស់រុស្ស៊ីដាក់លើប្រទេសដែលផ្តល់អាវុធមីស៊ីលបាញ់រយៈចម្ងាយឆ្ងាយដល់អ៊ុយ ក្រែន បានប្រញាប់ឱ្យប្រទេសចំនួន១៧នៃសមាជិកអង្គការណាតូធ្វើសមយុទ្ធរួមគ្នាមួយលើ សមុទ្ទក្បែរតំបន់បាល់ទិក។ ក្នុងការឆ្លើយតបនឹងការធ្វើសមយុទ្ធនោះ រុស្ស៊ីបានធ្វើសមយុទ្ធ មួយរបស់ខ្លួនផងដែរលើដែនសមុទ្ទ ដែលសមយុទ្ធទាំងនេះ បានបារម្ភខ្លាចក្រែងជម្លោះអាវុធ រាលដាលក្នុងទ្វីបអឺរ៉ុប។ ក្នុងសមរភូមិប្រទេសអ៊ុយក្រែននេះវិញ, កម្លាំងទាហានរុស្ស៊ីបាន ចាប់ ខ្លួនទាហានសញ្ជាតិបរទេស៣នាក់ និងជនបរទេសទាំងនោះ ត្រូវបានតុលាការក្នុងតំបន់ភាគ ខាងកើតគ្រប់គ្រងដោយរុស្ស៊ី កាត់ទោសប្រហារជីវិត។ ការចាប់បានទាហានបរទេសដាក់ ទោសប្រហារជីវិតនេះ គឺជាលើកដំបូងហើយចាប់តាំងពីមានសង្គ្រាមឈ្លានពានរុស្ស៊ីក្នុងទឹក ដីអ៊ុយក្រែនប្រមាណ១០៦ថ្ងៃមកនេះ។ លោក ម៉ារ យ៉ារិទ្ធិ ធ្វើសេចក្តីរាយការណ៍ជុំវិញស្ថាន ការណ៍នយោបាយអន្តរជាតិទាំងនោះ

បណ្ឌិត ហ៊ុន ម៉ាណែត បានអញ្ជើញចូលរួមជាអធិបតី នៅថ្ងៃទី១០មិថុនានេះ ក្នុងពិធី សម្ពោធបើកឱ្យដំណើរការជាផ្លូវការ ឡប្រព្រឹត្តកម្មសំណល់វេជ្ជសាស្ត្រចំនួន៥ ខេត្ត។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១ម៉ឺន ៣៣៩ករណី និងការស្លាប់ថ្មីមានចំនួន ៣៣នាក់ ។ កម្ពុជា គឺជាប្រទេសដែលមិនមាន ការ ឆ្លងថ្មីកូវីដ១៩ឡើយ ក្នុងរយៈពេល២៤ម៉ោងចុងក្រោយនេះ ចំណែកប្រទេសសឹង្ហបុរី គឺ ជាប្រទេស ដែលមានតួលេខឆ្លងច្រើនជាងគេបង្អស់នៅថ្ងៃនេះ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន៣២ថ្ងៃជាប់គ្នាជាបន្តបន្ទាប់។

នគរបាលខេត្តសៀមរាបបានបំបែកករណីបោកគ្រាប់បែកច្នៃ ដែលបានកើតឡើងក្បែរទីស្នាក់ គណបក្សប្រជាជនកម្ពុជានៅក្នុងសង្កាត់ស្វាយដង្គំ។ ជនសង្ស័យ២នាក់ត្រូវបានចាប់ខ្លួន ក្រោយការបង្កហេតុការណ៍បំផ្ទុះនោះ កាលពីយប់ថ្ងៃទី៣មិថុនា។

គ្រាប់ធញ្ញជាតិអ៊ុយក្រែនប្រមាណ៧៥លានតោនត្រូវបានស្ទះមិនអាចនាំចេញទៅក្រៅ ប្រទេសបាន ឡើយដោយសារតែសង្គ្រាម។ ការមិនអាចនាំគ្រាប់ធញ្ញជាតិចេញទៅបាននេះ បាននាំឱ្យប្រទេសមួយចំនួនដែលធ្លាប់តែពឹងផ្អែកលើអ៊ុយក្រែន បានរងនឹងវិបត្តិស្បៀង។

ធនាគារពិភពលោក បានព្យាករណ៍ថាកំណើនសេដ្ឋកិច្ចកម្ពុជានៅឆ្នាំនេះ បន្ដកើន៤.៥% , ចំណែកនៅឆ្នាំ២០២៣ នឹងកើន៥.៨%។ ការព្យាករណ៍នេះ បានយោងលើរបាយការណ៍របស់ World Bank ទទួល បាននៅថ្ងៃទី០៨ ខែមិថុនា ក្រោមចំណងជើងថាទស្សនវិស័យសេដ្ឋកិច្ច ពិភពលោក «GLOBAL ECONOMIC PROSPECTS» ។