គណៈកម្មាធិការជាតិរៀបចំការបោះឆ្នោត ហៅកាត់ថាគជប បានចាត់ទុកការលើកឡើងរបស់ គណបក្សភ្លើងទៀនដែលនិយាយចោទអំពីករណីមិនប្រក្រតីនៃការបិទទ្វារស្ថានីយ៍ គឺក្នុងបំណង «បំភាន់សាធារណៈមតិឱ្យយល់ខុសលើគជប ក៏ដូចជាការរៀបចំការបោះឆ្នោតទាំងមូល»។

គណបក្សភ្លើងទៀន បានបន្តនិយាយលេបខាយជុំវិញដំណើរការបោះឆ្នោតឃុំនិងសង្កាត់ ខណៈបានបញ្ជាក់ការទទួលស្គាល់នូវលទ្ធផលដែលគណបក្សភ្លើងទៀនទទួលបានតិចតួច។

គណបក្សដទៃនានាបានចូលរួមក្នុងការចេញសេចក្តីថ្លែងការណ៍គាំទ្រ និងទទួលយកលទ្ធផល ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥។

ក្រុមអ្នកសង្កេតការណ៍អន្តរជាតិដែលរួមមានសមាជិកសភាមកពីប្រទេសអាហ្សែ័របៃ ហ្សង់, មកពីអង្គការគណបក្សនយោបាយអាស៊ីអាយកាប់, គណបក្សនយោបាយពីប្រទេសនេប៉ាល់, និងមកពីតំណាងគណ​បក្សកុម្មុយនីស្តចិន បានចេញសេចក្តីថ្លែងការណ៍របស់ខ្លួនជុំវិញដំណើរ សង្កេតការណ៍ការបោះឆ្នោតឃុំនិងសង្កាត់ក្នុងប្រទេសកម្ពុជា។

អង្គការសភាអន្តរជាតិ ដើម្បីភាពអត់ឱននិងសន្តិភាព ហៅកាត់ថា IPTP ដែលចូលរួម សង្កេតការណ៍ក្នុងការបោះឆ្នោតក្នុងប្រទេសកម្ពុជាបានចេញសេចក្តីថ្លែងការណ៍វាយតម្លៃថា ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ នៅកម្ពុជា ពុំមានការគំរាមកំហែង គាបសង្កត់ និងអំពើហិង្សាឡើយ។

ការសម្រុកការចាក់វ៉ាក់សាំងបង្កាកូវីដ១៩ នៅតែបន្តឥតឈប់ឈរបើទោះបីជាកម្ពុជាគ្មាន ការឆ្លងរយៈពេល ២៧ថ្ងៃ ជាប់គ្នាមកនេះក៏ដោយ ។ កម្ពុជាដោយសារតែគោលនយោបាយ ចាក់ស្រោចស្រពវ៉ាក់សាំងរបស់រាជរដ្ឋាភិបាលនេះហើយ បានធ្វើឱ្យការឆ្លងមិនបានកើត ឡើង ទៀតទេនាពេលនេះ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន២៧ថ្ងៃជាប់គ្នាជាបន្តបន្ទាប់។

នៅខ្វះតែ១ថ្ងៃទៀតទេ, ការធ្វើសង្គ្រាមឈ្លានពានរបស់រុស្ស៊ី នឹងឈានដល់ថ្ងៃទី១០០ហើយ។ រុស្ស៊ីបានរំពឹងថានាដំណាច់រដូវក្តៅនេះ គេនឹងឈ្នះសង្គ្រាម ប៉ុន្តែលោកចូបៃដិនបានថ្លែងថា ក្តី រំពឹងរបស់រុស្ស៊ីនោះ គឺជាកំហុសដ៏ធំបំផុតមួយ។

សម្តេចតេជោ ហ៊ុន សែន បានធ្វើសារសម្លេងមួយនៅថ្ងៃចុងក្រោយដែលបិទបញ្ចប់ដំណាក់ កាលឃោសនា និងការឈានទៅបោះឆ្នោតនាថ្ងៃទី៥មិថុនា ដោយការសម្តែងក្តីអរគុណ ចំពោះសមាជិកក្រុមប្រឹក្សាឃុំនិងសង្កាត់ដែលបានជាប់ឆ្នោតកន្លងមកនេះ ក្នុងការបំរើពលរដ្ឋ តាមមូលដ្ឋានរបស់ខ្លួន។