តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ៩ពាន់ ៥៣៣ករណី និងការស្លាប់ថ្មីមានចំនួន ៤០នាក់ ។ តួលេខឆ្លងនៅថ្ងៃនេះ មានការកើន ឡើងចំនួន ៣៩៧ករណី និងការស្លាប់មានក៏មានការកើនឡើងចំនួន ៨នាក់ បើប្រៀបធៀប នឹងម្សិលមិញ ។ ប្រទេសថៃ គឺជាប្រទេសដែលមានតួលេខឆ្លងច្រើនជាងគេបង្អស់ ដដែល នៅថ្ងៃនេះ។ ដោយឡែកប្រទេសកម្ពុជា គឺជាប្រទេសដែលមិនមានករណីឆ្លងថ្មីនោះឡើយ ។

កម្ពុជានៅតែបន្តសម្រុកការចាក់វ៉ាក់សាំងបង្កាកូវីដឥតឈប់ឈរបើទោះបីជាកម្ពុជាគ្មាន គ្មានការឆ្លងរយៈពេល ២៤ថ្ងៃ ជាប់គ្នាមកនេះក៏ដោយ ។ យោងតាមក្រសួងសុខាភិបាលតួលេខអ្នកចាក់វ៉ាក់សាំងដូសមូលដ្ឋានទូទាំងប្រទេសគិតត្រឹមថ្ងៃ៣១ ឧសភា បានកើនដល់ចំនួន ១៥លាន ៣ម៉ឺន ៨ពាន់ ៣៦៣នាក់ ដែលស្មើនឹង ៩៣,៩៩ ភាគរយ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន២៤ថ្ងៃជាប់គ្នាជាបន្តបន្ទាប់។

ភ្លៀង, ផ្គរ, ខ្យល់កន្ត្រាក់និងរន្ទះ នឹងបន្តមានក្នុងសប្តាហ៍កំពុងមកដល់នេះថែមទៀត ខណៈ កម្ពុជា រងឥទ្ធិពលពីជ្រលងនៃសម្ពាធទាប ដែលស្ថិតនៅភាគខាងលើ ប្រទេសឡាវ និងប្រ ទេសវៀតណាម ជាមួយនិងខ្យល់មូសុងនិរតី កម្រិតពីខ្សោយទៅមធ្យម។

ស្ថានការណ៍អន្តរជាតិទាក់ទងនឹងសង្គ្រាមក្នុងប្រទេសអ៊ុយក្រែ​ន និងការប្រជែងឥទ្ធិពលរបស់ ប្រទេសមហាអំណាចក្នុងតំបន់ឥណ្ឌូប៉ាស៊ីហ្វិក បានបន្តលេចធ្លោក្នុងសប្តាហ៍នេះទៀត។

កម្មករប្រមាណជាង ៩ពាន់នាក់ នៃរោងចក្រដេរស្បែកជើងមួយកន្លែង នៅខេត្តកំពង់ឆ្នាំង បានធ្វើកូដ កម្មនៅថ្ងៃទី៣១ឧសភានេះ ប៉ុន្តែបានរំសាយទៅវិញក្រោយ ការសម្របសម្រួល របស់កម្លាំងសមត្ថកិច្ច។

កម្លាំងការពារសន្តិសុខសណ្តាប់ធ្នាប់ក្នុងខណ្ឌពោធិ៍សែនជ័យ បានធ្វើកិច្ចប្រជុំរបស់ខ្លួន មួយនៅថ្ងៃនេះ ខណៈការបោះឆ្នោតឃុំនិងសង្កាត់ នឹងមកដល់នាថ្ងៃអាទិត្យចុងសប្តាហ៍នេះ ហើយ។ ខណ្ឌពោធិ៍សែនជ័យ ត្រៀមនឹងពង្រាយកម្លាំងជាង៥០០នាក់ដើម្បីការពាររក្សា សណ្តាប់ធ្នាប់ក្នុងថ្ងៃដែលរៀបចំការបោះឆ្នោតនោះ។

បុរសម្នាក់ដែលបានដើរឆ្លងដែនខុសច្បាប់ចូលក្នុងទឹកដីវៀតណាម ត្រូវបានគេបាញ់បណ្តាល ឱ្យរងរបួសចំជើង។ សេចក្តីរាយការណ៍ពីសាក្សីបាននិយាយថាហេតុការណ៍បានកើតឡើង វេលាទាបភ្លឺម៉ោងប្រមាណ៣កន្លះឈានចូលថ្ងៃទី៣១ឧសភា ខណៈបុរសឈ្មោះ ជឿង ហុង អាយុ២០ឆ្នាំនិងមនុស្ស១៣នាក់ទៀត បានលីបារីច្រើនកេស លួចឆ្លងដែនចូលក្នុងទឹកដីវៀត ណាមក្នុងចំណុចស្រុកកំពង់ត្រាចខេត្តកំពត។

មនុស្ស៥២នាក់រួមមានចាស់និងក្មេង ត្រូវបានគេបញ្ជូនទៅសង្គ្រោះភ្លាមៗក្រោយ ការ សង្ស័យពុលបន្លែក្នុងហេតុការណ៍មួយកើតឡើងក្នុងស្រុកគាស់ក្រឡ ខេត្តបាត់ដំបង។