បុរសម្នាក់ដែលបន្លំស្លៀកចីរពព្រះសង្ឃ និងលាក់ទុកនូវ សារធាតុញៀន ត្រូវបានគេឃាត់ខ្លួន នៅក្នុងខេត្តបាត់ដំបងនៅថ្ងៃទី២មិថុនានេះ ក្នុងពេលកំពុងដើរបិណ្ឌបាតរកតែប្រាក់ ក្នុងភូមិហៃ សាន ឃុំជ្រៃ នៃស្រុកថ្មគោល។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ៩ពាន់ ៨១៤ករណី និងការស្លាប់ថ្មីមានចំនួន ៣៩នាក់ ។ កម្ពុជាគឺជាប្រទេសដែលមិនមានការ ឆ្លងថ្មីកូវីដ១៩ឡើយ ក្នុងរយៈពេល២៤ម៉ោងចុងក្រោយនេះ។ ប្រទេសសឹង្ហបុរី គឺជាប្រទេស ដែលមានតួលេខឆ្លងច្រើនជាងគេបង្អស់នៅថ្ងៃនេះ។

កម្ពុជាត្រៀមនឹងចាក់ដូសទី៥នៅសប្តាហ៍ក្រោយនេះហើយ ខណៈការចាក់វ៉ាក់សាំងដូស ជម្រុញនានានៅតែបន្តគ្មានថ្ងៃលោះឡើយ។ សម្តេចតេជោ ហ៊ុន សែន បានមានប្រសាសន៍ ដាស់តឿនថា វ៉ាក់សាំងដូសជម្រុញ គឺជាវិធីចាំបាច់បំផុតក្នុងការជួយទប់ស្កាត់ការឆ្លងរាល ដាលជម្ងឺកូវីដ១៩ ខណៈវីរុសរាតត្បាតនេះ នៅតែបន្តការគំរាមកំហែងពិភពលោកនៅឡើយ ទេ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន២៦ថ្ងៃជាប់គ្នាជាបន្តបន្ទាប់។

ពលរដ្ឋខ្មែរ៦នាក់ដែលគេសង្ស័យថាមានជម្ងឺអុតស្វា ត្រូវបានគេធ្វើតេស្តនិងមិនបានរកឃើញ ឆ្លងវីរុសនៃជម្ងឺនេះទេ។ ប្រធាននាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល លោក លី សូវ៉ាន់ ត្រូវបានគេដកស្រង់សម្តីដែលបញ្ជាក់ថាពលរដ្ឋទាំង៦នាក់ដែលគេបានធ្វើតេស្ត អវិជ្ជមាននោះ រួមមាន៥នាក់ជាមនុស្សពេញវ័យនិងម្នាក់ជាកុមារ ដែលមិនមានប្រវត្តិធ្វើ ដំណើរចេញទៅក្រៅប្រទេសឡើយ។

យុទ្ធនាការឃោសនាបោះឆ្នោតនឹងត្រូវបញ្ចប់នៅថ្ងៃសុក្រទី៣មិថុនាហើយ។ កម្មវិធីអប្សរា ណិតមានបទវិចារណកថាថ្ងៃនេះ ក្រោមចំណងជើងថា « ហេតុអ្វីត្រូវបោះឆ្នោតជូន គណបក្ស ប្រជាជនកម្ពុជា?»

ក្រសួងព័ត៌មានថ្លែងថាការឃោសនាផ្សព្វផ្សាយព័ត៌មានពាក់ព័ន្ធការបោះឆ្នោតនឹងត្រូវមាន ឡើយនៅថ្ងៃទី៤មិថុនា។ ដំណាក់កាលឃោសនាបោះឆ្នោតរយៈពេល២សប្តាហ៍នឹងត្រូវបញ្ចប់ នៅថ្ងៃទី៣មិថុនា។ ថ្ងៃទី៤មិថុនាគឺជាថ្ងៃស និងថ្ងៃទី៥មិថុនា គឺជាថ្ងៃបោះឆ្នោតក្រុមប្រឹក្សា ឃុំនិងសង្កាត់។

ប្រទេសអាល្លឺម៉ង់និងសហរដ្ឋអាមេរិក បានប្រកាសការផ្តល់អាវុធធុនធ្ងន់ដល់អ៊ុយក្រែន ក្នុង រយៈពេល២៤ម៉ោងកន្លងមកនេះ ដែលការប្រកាសផ្តល់អាវុធនេះ បានធ្វើឡើងតបនឹងសំណូម ពររបស់អ៊ុយក្រែនដែលត្រូវការអាវុធទំនើបៗដើម្បីទប់ទល់នឹងការវាយលុករបស់ទាហានរុស្ស៊ី ក្នុងសង្គ្រាមភាគខាងកើតប្រទេស។

សន្និសីទសន្តិសុខនយោបាយវេទិកាតំបន់អាស៊ានលើកទី១៩ ដែលកម្ពុជានឹងធ្វើជាម្ចាស់ ផ្ទះ គ្រោងនឹងរៀបចំធ្វើនៅថ្ងៃសុក្រនេះ ដែលនឹងពិនិត្យលើស្ថានការណ៍សន្តិសុខជាតិនិង អន្តរជាតិ។

សមាជិកគណបក្សភ្លើងទៀន និងគណបក្សខ្មែរស្រឡាញ់ជាតិសរុបចំនួន៦២នាក់ ត្រូវបាន ប្រកាសបញ្ចូលសមាជិកថ្មីគណបក្សប្រជាជកម្ពុជាខេត្តព្រះវិហារ ។