កិច្ចប្រជុំកំពូលមហាអនុតំបន់មេគង្គលើកទី៧ដែលសម្តេចនាយករដ្ឋមន្ត្រីនៃប្រទេសកម្ពុជាបានធ្វើជាប្រធាន បានប្រព្រឹត្តទៅនៅថ្ងៃទី៩ កញ្ញានេះ។

កម្ពុជាបាននាំទំនិញចេញទៅក្នុងទីផ្សារសហរដ្ឋអាមេរិក ក្នុងរយៈពេល៨ខែដើមឆ្នាំនេះ ទទួលបានចំណូលជាង ៤ពាន់លានដុល្លារ។

អំពើបោកប្រាស់ក្នុងការធានារត់ការចូលធ្វើការក្នុងក្របខណ្ឌនគរបាល បានកើតឡើងទៀតហើយដោយបុរស អាយុ៣០ឆ្នាំម្នាក់មានទីលំនៅភូមិក្អាត់យំ, ឃុំបូរីជលសារ ស្រុកបូរីជលសារ ខេត្តតាកែវ បានប្តឹងនឹងមន្ត្រីនគរ បាលម្នាក់ឈ្មោះគ្រីរ៉ាឌី បម្រើការងារនៅនាយកដ្ឋានបុគ្គលិក នៃអគ្គស្នងការដ្ឋាននគរបាលជាតិ។ នាយកដ្ឋាន ផ្នែកបុគ្គលិកនៃអគ្គស្នងការដ្ឋាននគរបាលជាតិ នៅមិនទាន់មានប្រតិកម្មជុំវិញការចោទលើមន្ត្រីនគរបាលឈ្មោះ គ្រីរ៉ាឌី នោះនៅឡើយទេ។

គ្រោះធម្មជាតិខ្យល់កន្ត្រាក់ និងរន្ទះបាញ់រយៈពេល៨ខែដើមឆ្នាំនេះ បានបណ្តាលឱ្យមនុស្សស្លាប់និងរបួសជិត  ២០០នាក់ និងបង្កការខូចខាតផ្ទះសម្បែង, សំណង់ផ្សារ, សាលារៀននិងសំណង់អគាររដ្ឋ បូកសរុបជាងពាន់ ខ្នង។

កំណាត់ផ្លូវចំនួន៦ខ្សែក្នុងក្រុងតាខ្មៅដែលរងការលិចនឹងជំនន់ទឹកភ្លៀង ត្រូវបានបិទជាបណ្តោះអាសន្ន ដើម្បីទប់ស្កាត់បង្កាការខូចខាតផ្លូវកាន់តែធ្ងន់ធ្ងរថែមទៀត។ ក្រុងតាខ្មៅ ការធ្លាក់ភ្លៀងបន្តបន្ទាប់ប៉ុន្មានថ្ងៃនេះ បានរងនឹងទឹកជន់តាមកន្លែងទំនាបមួយចំនួន។

ការផ្ទេរសាលារៀនមួយចំនួនមកក្រសួងអប់រំដើម្បីត្រៀមរៀបចំឲ្យសិស្សបានចូលរៀនវិញនោះ បាននាំឲ្យ ចំនួនមណ្ឌលធ្វើចត្តាឡីស័ក បានថយចុះវិញ។ មន្ត្រីក្រសួងសុខាភិបាលបានថ្លែងថាបច្ចុប្បន្ន នៅរាជធានីភ្នំ ពេញមណ្ឌលព្យាបាលជំងឺ កូវីដ ១៩ នៅសល់តែប្រមាណជិត២០កន្លែងតែប៉ុណ្ណោះរួមទាំងមន្ទីរពេទ្យផងដែរ។ នៅទន្ទឹមនឹងនេះទៀត មជ្ឈមមណ្ឌលព្យាបាលព្រីមៀសែនសុខ ដែលជាកន្លែងព្យាបាលដ៏ធំមួយក្នុងរាជធានី នោះ ត្រូវបានគេប្រើប្រាស់សម្រាប់ការព្យាបាលអ្នកឆ្លងជំងឺបំប្លែងថ្មី Delta ខណៈជំងឺនេះត្រូវគេឃើញថាបាននិង កំពុងកើនឡើងជាបន្តបន្ទាប់។ ប្រធានមន្ទីរសុខាភិបាលរាជធានីភ្នំពេញលោកវេជ្ជបណ្ឌិត ងី មានហេង បានថ្លែង នៅថ្ងៃទី៨កញ្ញាថា សាលារាជធានីភ្នំពេញបានសម្រេចយកមណ្ឌលព្យាបាលព្រីមៀសែនសុខមួយទៀតសម្រាប់ ព្យាបាលអ្នកឆ្លងវីរុសបំប្លែងថ្មី Delta ដែលបន្ថែមពីលើមណ្ឌលព្យាបាលមង្គលឧត្តម, មណ្ឌលព្យាបាលវិទ្យាល័យ ជាស៊ីម សាមគ្គី, មណ្ឌលព្យាបាលសែនសុខ១នៃអតីតពិភពថ្មីសែនសុខ, និងមណ្ឌលព្យាបាលចាក់អង្រែ។ ប៉ុន្តែ នាពេលខាងមុខនេះ មណ្ឌលព្យាបាលវិទ្យាល័យជាស៊ីមសាមគ្គី និងមណ្ឌលចត្តាឡីស័កនៅអនុវិទ្យាល័យ ប៊ុនរ៉ា នី ហ៊ុនសែន វត្តភ្នំ ក៏នឹងគ្រោងប្រគល់ជាបន្តបន្ទាប់ថែមទៀតដល់ក្រសួងអប់រំ ដែលការប្រគល់ នេះ នឹងនាំឲ្យ ចំនួនមណ្ឌលព្យាបាលជម្ងឺកូវីដ១៩កាន់តែថយចំនួនចុះថែមទៀត។

ភ្លៀងបន្តធ្លាក់ជាប់ៗគ្នាកន្លងមកនេះ នៅក្នុងស្រុកឆែបនៃខេត្តព្រះវិហារ បានធ្វើឲ្យតំបន់មួយចំនួនជាប់មាត់ទឹក និងតំបន់វាល ទំនាបរងជន់លិច។ មិនមានសេចក្តីរាយការណ៍ភ្លាមៗជុំវិញផលប៉ះពាល់និងភាពរងគ្រោះ ដល់ អាយុជីវិតមនុស្ស និងសត្វនោះទេ។ អភិបាលស្រុកឆែប នៅថ្ងៃទី៨ កញ្ញានេះ បានចុះពិនិត្យស្ថានភាពជំនន់ទឹក ក្នុងតំបន់ដែលលិចលង់។

មជ្ឈដ្ឋានខ្មែរនៅក្រៅប្រទេស បានបន្តនិយាយចំអកដល់នយោបាយភូតកុហករបស់សមរង្ស៊ីនិងបក្ខពួកជាពិ សេសអំពើប្រជាភិថុតចង់ធ្វើអាជីវកម្មនយោបាយលើដំណើរឯកជនរបស់សម្តេចក្រឡាហោមសខេងក្នុងប្រទេស បារាំង។

កម្ពុជានិងរុស្ស៊ី បានបញ្ជាក់សាជាថ្មីនូវការពង្រឹងកាន់តែរឹងមាំនូវចំណងចំណងមិត្តភាពនិងទំនាក់ទំនងរវាង ប្រទេសនិងប្រជាជនទាំងពីរ ជាពិសេសកិច្ចសហប្រតិបត្តិការល្អរវាងយោធានិងយោធា។

ខេត្តកែប បានរកឃើញអ្នកឆ្លងជំងឺកូវីដ-១៩ថ្មី ២នាក់ក្នុងរយៈពេល២៤ម៉ោងចុងក្រោយនេះ ដែលជាតួលេខឆ្លង បានថយចុះចំនួន៤នាក់ បើធៀបនឹងការឃើញកាលពីម្សិលមិញ ។