ខេត្តកំពង់ធំ បានបន្តរកឃើញជំងឺកូវីដ១៩ ឆ្លងលើមនុស្សចំនួន ៤២នាក់ ថែមទៀត ហើយក្នុងរយៈពេល២៤ ម៉ោងចុងក្រោយនេះ ដែលជាតួលេខឆ្លងកើនឡើងចំនួន២០នាក់ បើប្រៀបធៀបនឹងម្សិលមិញ ។

ខេត្តព្រះវិហារ ក្នុងរយៈពេល ២៤ម៉ោង ចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន១៧នាក់ ដែល ជាតួលេខឆ្លងខ្ពស់ជាងម្សិលមិញចំនួន១២នាក់ ។

ខេត្តបាត់ដំបង បានរកឃើញអ្នកឆ្លងជំងឺកូវីដ១៩ ចំនួន ៧៥នាក់ និងមានអ្នកស្លាប់ថ្មីម្នាក់ ថែមទៀត ក្នុងរយៈ ពេល ២៤ម៉ោងចុងក្រោយនេះ ។ តួលេខឆ្លងថ្ងៃនេះ មានការកើនឡើងចំនួន៦នាក់ ធៀបនឹងម្សិលមិញ ។

ខេត្តបន្ទាយមានជ័យ បានរកឃើញអ្នកឆ្លងជំងឺកូវីដ១៩ ចំនួន១៤៩នាក់ នៅថ្ងៃនេះ ដែលជាតួលេខឆ្លងកើន ៣២នាក់ បើប្រៀបធៀបនឹងម្សិលមិញ ។

ខេត្តឧត្តរមានជ័យ បានរកឃើញអ្នកឆ្លងជំងឺកូវីដ១៩ ចំនួន ១៥១នាក់ ថែមទៀតក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងកើនឡើងច្រើនរហូតដល់ ៨១នាក់ បើប្រៀបធៀបនឹងម្សិលមិញ ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៧ម៉ឺន១ពាន់៣៩៨ ករណី និងការស្លាប់ថ្មីមានចំនួន១ពាន់៨០៨នាក់។ នេះជាតួលេខឆ្លងថយចុះ២ពាន់១៦៥ករណីបើប្រៀបធៀប នឹងម្សិលមិញ, ចំណែកតួលេខស្លាប់បានថយចុះ៣៨នាក់ផងដែរ។ប្រទេសដែលមានការឆ្លងថ្មីក្នុងរយៈ ពេល ២៤ម៉ោងចុង ក្រោយ នេះនៅ អាស៊ាន មាន១០ប្រទេស។ ចំណែកការ ស្លាប់ថ្មីមានចំនួន៧ប្រទេស។

មនុស្សចំនួន២៨៣នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លង កូវីដ ១៩។ មន្ត្រីគណៈកម្ម ការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ លោកឧត្តមសេនីយ៍ឯក ម៉ៅ ពៅ បាន ថ្លែង ថានៅថ្ងៃទី៨កញ្ញានេះថា សមត្ថកិច្ចនូវបានឃាត់រថយន្ដចំនួន ៧គ្រឿង, ម៉ូតូ៣១គ្រឿង និងផាកពិន័យជា ប្រាក់ បានចំនួន ២លាន៤សែនរៀល ក្នុងការអនុវត្តវិធានការច្បាប់ចំនួន ៩៦ករណី នៅថ្ងៃនេះ ។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន៣ម៉ឺន៦ពាន់ ៩២៨នាក់។ យោងតាមក្រសួងសុខាភិបាលតួលេខនៃចំនួនសរុបដែលពលរដ្ឋទូទាំងប្រទេសបានទទួលការ ចាក់វ៉ាក់សាំងគិតត្រឹមថ្ងៃទី៨ ខែកញ្ញានេះ បានកើនដល់ ១១លាន៣សែន២ម៉ឺន៨ពាន់ ៣៩៣នាក់ហើយ, ក្នុង នោះ អ្នកបានចាក់វ៉ាក់សាំងដូសទី២រួចមានចំនួន៩លាន៧ម៉ឺន៩ពាន់៦៧១នាក់។

មន្ត្រីក្រសួងសុខាភិបាលបានថ្លែងថា ស្ដ្រីមានផ្ទៃពោះ ឬស្ត្រីកំពុងបំបៅកូនដោយទឹកដោះក្តី ក៏អាចចាក់វ៉ាក់ សាំងការពារជំងឺកូវីដបានដែរ ។ ការថ្លែងរបស់រដ្ឋលេខាធិការក្រសួងសុខាភិបាលលោកស្រី ឱ វណ្ណឌីន បានធ្វើ ឡើងក្នុងពេលដែលស្ត្រីមានផ្ទៃពោះនិងស្ត្រីដែលមានកូនខ្ចីត្រូវបំបៅកូនដោយទឹកដោះម្តាយនោះ មិនហ៊ានមក ទទួលការចាក់វ៉ាក់សាំងបង្កាកូវីដ១៩ឡើយ។

ការឆ្លងជំងឺកូវីដ១៩នៅក្នុងសហគមន៍នៅក្នុងរយ:ពេល២៤ម៉ោងកន្លងមកនេះបានបន្តកើនឡើងចំនួន៨៥ ករណីបើបៀបធៀបនឹងម្សិលមិញ។ ការឆ្លងថ្មីនៅថ្ងៃនេះចំនួន៥៩៦ករណី ក្នុងនោះរួមមានការឆ្លងចូលក្នុង សហគមន៍៤១៩ករណី និងការឆ្លងមកពីក្រៅប្រទេស១៧៧ករណី។ បើប្រៀបធៀបនឹងម្សិលមិញ, តួលេខឆ្លងក្នុង សហគមន៍ថ្ងៃនេះ បានកើនឡើង៦០ករណី, រីឯតួលេខឆ្លងមកពីក្រៅប្រទេសបានកើនឡើង២៥ករណី។ ការស្លាប់ ថ្មីក្នុងរយៈពេល២៤ម៉ោង ចុងក្រោយនេះ មានចំនួន ៦នាក់ ដែលថយចុះ៥នាក់បើប្រៀបធៀបនឹងម្សិលមិញ។ ចំនួនមនុស្ស ដែលបានឆ្លងក្នុងព្រឹត្តិការណ៍សហគមន៍២០កុម្ភៈ រយៈពេល១៩៩ថ្ងៃកន្លងមកនេះ បានកើនឡើង ដល់៨ម៉ឺន៦២៥ករណី ។