ជំនន់ទឹកភ្លៀងបានធ្វើឲ្យមនុស្ស២នាក់បានស្លាប់នៅក្នុងខេត្តព្រះសីហនុ និងខេត្តឧត្តរមានជ័យ។ ក្រសួងធនធាន ទឹកបានឲ្យដឹងថាទឹកភ្លៀងដែលនាំនូវទឹកជំនន់ភ្លាម នឹងបន្តមានក្នុងសប្តាហ៍នេះទៀត ក្នុងនោះខេត្តនិងរាជធានី មួយចំនួននឹងអាចប្រឈមការលិចដោយជំនន់ទឹកភ្លៀងFlash Floods នេះផងដែរ។

ខេត្តមណ្ឌលគិរី បានបន្តរកឃើញអ្នកឆ្លងកូវីដ១៩ ចំនួន ១១នាក់ និងមានអ្នកស្លាប់ម្នាក់ថ្មីទៀត ក្នុងរយៈពេល ២៤ម៉ោងចុងក្រោយនេះ ។ តួលេខឆ្លងថ្មីនៅថ្ងៃ មានការកើនលើសម្សិលមិញចំនួន ៤នាក់ ។

ខេត្តកោះកុងនៅថ្ងៃនេះ បានបន្តរកឃើញអ្នកឆ្លងជំងឺកូវីដ១៩ចំនួន២៩នាក់ ថែមទៀត ដែលជាតួលេខឆ្លង កើនឡើង ចំនួន ២៥នាក់ បើប្រៀបធៀបនឹងម្សិលមិញ ។

ខេត្តកែប បានរកឃើញអ្នកឆ្លងជំងឺកូវីដ១៩ថ្មី ៦នាក់ក្នុងរយៈពេល២៤ម៉ោងចុងក្រោយនេះ ដែលជាតួលេខឆ្លង បានកើនចំនួន៥នាក់ បើធៀបនឹងការឃើញកាលពីម្សិលមិញ ។ 

ខេត្តប៉ៃលិន ក្នុងរយៈពេល២៤ម៉ោង ចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន ៦នាក់ ថែម ទៀត ដែលជាតួលេខឆ្លងថយចុះចំនួន២៨នាក់បើធៀបនឹងម្សិលមិញ។

ខេត្តកំពង់ចាម បានបន្តរកឃើញអ្នកឆ្លងជំងឺកូវីដ១៩ ចំនួន ៧២នាក់ និងមានអ្នកស្លាប់ថ្មី ២នាក់ ថែមទៀត ក្នុង រយៈពេល ២៤ម៉ោងចុងក្រោយនេះ ។ តួលេខឆ្លងថ្ងៃនេះ មានការកើនឡើងច្រើនរហូតដល់ ៥២នាក់ បើធៀប នឹងការរកឃើញកាលពីម្សិលមិញ ។

ខេត្តស្វាយរៀង បានបន្តរកឃើញអ្នកឆ្លងជំងឺកូវីដ១៩ ចំនួន ៧នាក់ និងមានអ្នកស្លាប់ថ្មីម្នាក់ថែមទៀត នៅថ្ងៃនេះ ។

ខេត្តព្រៃវែង បានបន្តរកឃើញអ្នកឆ្លងជំងឺកូវី១៩ ចំនួន ៣២នាក់ និងមានអ្នកស្លាប់ថ្មី ម្នាក់ ថែមទៀត ក្នុងរយៈ ពេល២៤ម៉ោងចុងក្រោយនេះ ។ នេះជាតួលេខឆ្លងកើនឡើងចំនួន ៤នាក់ បើប្រៀបធៀបនឹងការរកឃើញកាល ពីម្សិលមិញ ។

ខេត្តត្បូងឃ្មុំ បានបន្តរកឃើញអ្នកឆ្លងជំងឺកូវីដ១៩ ចំនួន ៨៩នាក់ និងមានអ្នកស្លាប់ថ្មី ២នាក់ ថែមទៀត ក្នុងរយៈ ពេល២៤ម៉ោងចុងក្រោយនេះ ។ តួលេខឆ្លងថ្មីនៅថ្ងៃនេះ មានការថយចុះចំនួន១៣នាក់ បើប្រៀបធៀបនឹងចំនួន ដែលបានរកឃើញកាលពីម្សិលមិញ ។

ខេត្តស្ទឹងត្រែង បានរកឃើញអ្នកឆ្លងថ្មីចំនួន៥នាក់ ថែមទៀត ក្នុងរយៈពេល២៤ម៉ោងចុងក្រោយ។ យោងតាម រដ្ឋបាលខេត្ត ការឆ្លងនៅថ្ងៃនេះគឺជាពលរដ្ឋដែលមានទីលំនៅក្នុងក្រុងស្ទឹងត្រែងទាំងអស់ ។